ટોરેન્ટ ગેસે શેરબજારમાં પબ્લિક ઇશ્યૂ લાવવા માટે ડ્રાફ્ટ પ્રોસ્પેક્ટસ ફાઇલ કર્યું
ટોરેન્ટ ગેસે શેરબજારમાં પબ્લિક ઇશ્યૂ લાવવા માટે ડ્રાફ્ટ પ્રોસ્પેક્ટસ ફાઇલ કર્યું
અમદાવાદ સ્થિત ગેસ ડિસ્ટ્રિબ્યુટર કંપની ભારતના IPO માર્કેટમાં પ્રવેશ કરી રહી છે, જે ધીમા સમયગાળા પછી ફરી વેગ પકડવાના સંકેતો દર્શાવી રહી છે
ટૉરેન્ટ ગેસે તેના પ્રારંભિક જાહેર ભરણાં એટલે કે પબ્લિક ઇશ્યૂ લઈને શેરબજારમાં આવવા માટે અપડેટેડ ડ્રાફ્ટ રેડ હેરિંગ પ્રોસ્પેક્ટસ ફાઇલ કર્યું છે, જેના હેઠળ તેની પેરેન્ટ કંપની ટૉરેન્ટ ઇન્વેસ્ટમેન્ટ્સ ૩૩૫ મિલિયન સુધીના શેરો વેચશે, તેમ કંપનીએ મંગળવારે મોડી રાત્રે જણાવ્યું હતું.
ટૉરેન્ટ ગેસ IPO માં કોઈ નવા શેર વેચી રહી નથી અને તેને આમાંથી કોઈ રકમ પ્રાપ્ત થશે નહીં. રોઇટર્સે અગાઉ અહેવાલ આપ્યો હતો કે આ પબ્લિક ઇશ્યૂના માધ્યમથી ૪૦ બિલિયન રૂપિયા ($૪૧૮ મિલિયન) સુધી એકત્રિત કરી શકે છે. અમદાવાદ સ્થિત ટૉરેન્ટ ગ્રુપની હોલ્ડિંગ કંપની ટૉરેન્ટ ઇન્વેસ્ટમેન્ટ્સ, જે લિસ્ટેડ ટૉરેન્ટ પાવર અને ટૉરેન્ટ ફાર્માસ્યુટિકલ્સ પર પણ નિયંત્રણ ધરાવે છે. આઈપીઓમાં શેર વેચનાર ટૉરેન્ટ ગેસની એકમાત્ર શેરધારક છે.
ભારતના માર્કેટ રેગ્યુલેટરે જૂન મહિનામાં ટૉરેન્ટ ગેસની ગોપનીય આઈપીઓ ફાઇલિંગને મંજૂરી આપી હતી. મંગળવારે ફાઇલ કરવામાં આવેલ અપડેટેડ ડ્રાફ્ટ રેડ હેરિંગ પ્રોસ્પેક્ટસ કંપનીનું પ્રથમ જાહેર આઈપીઓનો દસ્તાવેજ છે. ટૉરેન્ટ ગેસ ભારતના વિવિધ રાજ્યોમાં ઘરો અને ઉદ્યોગોને પાઇપ્ડ નેચરલ ગેસ સપ્લાય કરે છે. તેની લિસ્ટેડ સમકક્ષ કંપનીઓમાં અદાણી ટોટલ ગેસ, ઈન્દ્રપ્રસ્થ ગેસ, મહાનગર ગેસ અને ગુજરાત એનર્જીનો સમાવેશ થાય છે.
અમેરિકા-ઈરાન સંઘર્ષને કારણે બળતણ શિપમેન્ટ ખોરવાઈ જવા અને આયાત ખર્ચ વધવાને કારણે ભારત પાઈપ્ડ રાંધણ ગેસના વિતરણ કરતી કંપનીઓને પ્રોત્સાહન આપવા માટે ભારપૂર્વક પ્રયાસ કરી રહ્યું છે. ગયા મહિને, સરકારે સ્થાનિક કનેક્શન્સ વધારવા માટે ગેસ ડિસ્ટ્રિબ્યુટર્સ માટે પ્રોત્સાહનોની જાહેરાત કરી હતી.
૩૧ માર્ચના રોજ પૂરા થયેલા વર્ષમાં ટૉરેન્ટ ગેસનો નફો ૧૦૮% વધીને ૨.૮૧ બિલિયન રૂપિયા થયો હતો, જ્યારે આવક લગભગ ૩૫% વધીને ૫૯.૩૩ બિલિયન રૂપિયા પહોંચી હતી. આ પબ્લિક ઇશ્યૂ એવા સમયે પણ આવી રહ્યો છે જ્યારે અમેરિકા-ઈરાન યુદ્ધ વચ્ચે આ વર્ષની શરૂઆતમાં ફંડ એકત્ર કરવાની પ્રવૃત્તિ ધીમી પડ્યા પછી ભારતના શેરબજારમાં પબ્લિક ઇશ્યૂનું માર્કેટ ફરી વેગ પકડી રહ્યું છે. એક્સિસ કેપિટલ, સિટીગ્રુપ અને કોટક મહિન્દ્રા કેપિટલ આ પબ્લિક ઇશ્યૂને મેનેજ કરશે.
Tags: Adani Total Gas competitor Ahmedabad gas distributor Axis Capital Citigroup Kotak Axis Capital IPO manager Citigroup Global Markets city gas distribution CGD domestic gas distributors draft red herring prospectus energy stocks India gas distribution companies India IPO market 2026 Indian stock market IPOs Indraprastha Gas Mahanagar Gas Kotak Mahindra Capital oil import costs India piped natural gas PNG PNG pipeline connection India primary market fundraising SEBI IPO approval Torrent Gas DRHP filed Torrent Gas financial results Torrent Gas IPO Torrent Gas profit growth Torrent Group IPO Torrent Investments share sale Torrent Power Torrent Pharma US Iran war impact fuel અદાણી ટોટલ ગેસ અમદાવાદ ગેસ કંપની અમદાવાદ શેર બજાર ઈન્દ્રપ્રસ્થ ગેસ મહાનગર ગેસ ઊર્જા ક્ષેત્રના શેર એક્સિસ કેપિટલ કોટક મહિન્દ્રા ગુજરાત કંપની આઈપીઓ ગેસ ડિસ્ટ્રિબ્યુશન શેર ગેસ સપ્લાય કંપનીઓ ટૉરેન્ટ ઇન્વેસ્ટમેન્ટ્સ શેર વેચાણ ટૉરેન્ટ ગેસ આઈપીઓ ટૉરેન્ટ ગેસ ડીઆરએચપી ટૉરેન્ટ ગેસ નફો ટૉરેન્ટ ગેસ નાણાકીય પરિણામો ટૉરેન્ટ ગ્રુપ આઈપીઓ ટૉરેન્ટ પાવર ટૉરેન્ટ ફાર્મા ડ્રાફ્ટ રેડ હેરિંગ પ્રોસ્પેક્ટસ પાઇપ્ડ ગેસ કનેક્શન ભારત પાઇપ્ડ નેચરલ ગેસ પીએનજી પ્રાથમિક શેર બજાર બળતણ આયાત ખર્ચ ભારત આઈપીઓ માર્કેટ ભારતીય શેર બજાર આઈપીઓ શેર બજાર સમાચાર સિટી ગેસ ડિસ્ટ્રિબ્યુશન અસર સેબી આઈપીઓ મંજૂરી સ્ટોક માર્કેટ સમાચાર
