ઇન્કમટેક્સની ચોખ્ખી આવક 13 ટકાના તગડા વધારા સાથે રૂ. 12.12 લાખ કરોડ થઈ
ઇન્કમટેક્સની ચોખ્ખી આવક 13 ટકાના તગડા વધારા સાથે રૂ. 12.12 લાખ કરોડ થઈ
ઇન્કમટેક્સ રિફંડમાં ૨૯ ટકાનો આક્રમક ઉછાળો છતાં દેશના નેટ ડાયરેક્ટ ટેક્સ આવક રૂ. ૧૨.૧૨ લાખ કરોડ પર પહોંચી
નવી દિલ્હી: દેશમાં કોર્પોરેટ ટેક્સમાં મજબૂત વૃદ્ધિ, શેરબજારની તેજીને પગલે સિક્યોરિટીઝ ટ્રાન્ઝેક્શન ટેક્સ (STT) માં થયેલા જંગી ઉછાળા અને આવકવેરા રિફંડની ઝડપી પ્રક્રિયા વચ્ચે કેન્દ્ર સરકારની પ્રત્યક્ષ કર આવકમાં મજબૂત વાર્ષિક વૃદ્ધિ નોંધાઈ છે. આવકવેરા વિભાગ દ્વારા જારી કરાયેલા પ્રોવિઝનલ ડેટા અનુસાર, ૧૭ સપ્ટેમ્બર ૨૦૨૬ સુધીમાં દેશનો ચોખ્ખો પ્રત્યક્ષ કર સંગ્રહ ૧૩ ટકા વધીને રૂ. ૧૨.૧૨ લાખ કરોડ પર પહોંચી ગયો છે, જે ગત વર્ષના સમાન ગાળામાં રૂ. ૧૦.૭૩ લાખ કરોડ હતો.
ચાલુ નાણાકીય વર્ષ ૨૦૨૬-૨૭ માટે સરકારે નક્કી કરેલા રૂ. ૨૬.૯૭ લાખ કરોડના કુલ ડાયરેક્ટ ટેક્સ લક્ષ્યાંકના આશરે ૪૫ ટકા જેટલી રકમ બીજા ક્વાર્ટરના મધ્ય સુધીમાં જ એકત્ર થઈ ચૂકી છે. આ ગાળામાં આવકવેરાની કુલ આવક રૂ. 14.32 લાખ કરોડની થઈ છે. તેની સામે રૂ. 2.20 લાખ કરોડનું રિફંડ ચૂકવવામાં આવ્યું છે. આવકવેરા વિભાગના આંકડા અનુસાર, ૧૭ સપ્ટેમ્બર સુધીમાં દેશનું કુલ પ્રત્યક્ષ કરની આવક ૧૫.૧૯ ટકા વધી છે. બીજી તરફ, કરદાતાઓને કરવામાં આવતી રિફંડની પ્રક્રિયા ઝડપી બનતાં આ સમયગાળા દરમિયાન કુલ રૂ. ૨.૨૦ લાખ કરોડના રિફંડ ચૂકવવામાં આવ્યા છે, જે ગત વર્ષની સરખામણીએ ૨૯.૧૯ ટકાનો તીવ્ર ઉછાળો દર્શાવે છે.
કોર્પોરેટ ટેક્સની મજબૂત કામગીરી, પર્સનલ ઇનકમ ટેક્સમાં ધીમી ગતિ
કોર્પોરેટ ટેક્સ: કંપનીઓ દ્વારા ચૂકવાતા કોર્પોરેટ ટેક્સમાં બહેતર વૃદ્ધિ જોવા મળી છે. ગ્રોસ કોર્પોરેટ ટેક્સ ૧૬.૫૮ ટકા વધીને રૂ. ૬.૯૫ લાખ કરોડ થયો છે, જ્યારે રિફંડની બાદબાકી કર્યા પછી નેટ કોર્પોરેટ ટેક્સ સંગ્રહ ૧૯.૪૮ ટકા વધીને રૂ. ૫.૫૬ લાખ કરોડ નોંધાયો છે.
નોન-કોર્પોરેટ ટેક્સ (વ્યક્તિગત આવકવેરો): રિફંડમાં મોટા ઉછાળાને કારણે નોન-કોર્પોરેટ ટેક્સ કલેક્શનમાં વૃદ્ધિ દર પ્રમાણમાં ધીમો રહ્યો છે. ગ્રોસ નોન-કોર્પોરેટ કલેક્શન ૧૨.૩૦ ટકા વધીને રૂ. ૬.૯૮ લાખ કરોડ થયું છે, જ્યારે નેટ કલેક્શન ૬ ટકા વધીને રૂ. ૬.૧૬ લાખ કરોડ રહ્યું છે. ગ્રોસ સ્તરે કુલ ટેક્સમાં નોન-કોર્પોરેટ ટેક્સનો હિસ્સો ૪૮.૭ ટકા અને કોર્પોરેટ ટેક્સનો હિસ્સો ૪૮.૫ ટકા રહ્યો છે.
એડવાન્સ ટેક્સ કલેક્શનમાં ૧૬% નો વધારો
બીજા ક્વાર્ટરના એડવાન્સ ટેક્સ હપ્તા બાદ કુલ એડવાન્સ ટેક્સ સંગ્રહ ૧૬.૧૮ ટકા વધીને રૂ. ૫.૨૨ લાખ કરોડ થયો છે. જેમાં કોર્પોરેટ એડવાન્સ ટેક્સ ૧૮.૦૯ ટકા વધીને રૂ. ૪.૧૬ લાખ કરોડ અને નોન-કોર્પોરેટ એડવાન્સ ટેક્સ ૯.૨૪ ટકા વધીને રૂ. ૧.૦૬ લાખ કરોડ રહ્યો છે.
STT કલેક્શનમાં પ૩% નો મજબૂત ઉછાળો: શેરબજારની તેજી અને ટેક્સ દરોમાં વધારાની અસર
શેરબજારમાં વધેલા કારોબાર અને સિક્યોરિટીઝ ટ્રાન્ઝેક્શન ટેક્સ (STT)ના દરોમાં થયેલા સુધારાને પગલે એસટીટી આવકમાં પ૨.૮૭ ટકાનો મોટો ઉછાળો આવ્યો છે. ગત વર્ષના રૂ. ૨૬,૩૦૬ કરોડ સામે આ વર્ષે એસટીટીની આવક રૂ. ૪૦,૨૧૪ કરોડ પર પહોંચી ગયો છે. સરકારે નાણાકીય વર્ષ ૨૦૨૬-૨૭ ના બજેટમાં એસટીટીથી રૂ. ૭૩,૭૦૦ કરોડની આવકનો અંદાજ રાખ્યો હતો, જેમાંથી પપ ટકાથી વધુ આવક અત્યારથી જ સરકારી તિજોરીમાં જમા થઈ ગઈ છે. ઉલ્લેખનીય છે કે ૧ એપ્રિલથી ફ્યુચર્સ પર એસટીટી ૦.૦૨ ટકાથી વધારીને ૦.૦૫ ટકા અને ઓપ્શન્સ પ્રીમિયમ પર ૦.૧૦ ટકાથી વધારીને ૦.૧૫ ટકા કરવામાં આવ્યો હતો.
નિષ્ણાતોનો મત: જીડીપી વૃદ્ધિ કરતાં ટેક્સ ગ્રોથ વધારે
નિષ્ણોતોનું કહેવું છે કે નાણાકીય વર્ષ ૨૦૨૬-૨૭ ના પ્રથમ ક્વાર્ટરમાં નોમિનલ જીડીપી ગ્રોથ ૧૦.૩ ટકા રહ્યો છે, જેની સામે ગ્રોસ ડાયરેક્ટ ટેક્સ બુઓયન્સી (ઉછાળો) ૧.૪૭ અને નેટ બુઓયન્સી ૧.૨૬ની આસપાસ છે. આ વૃદ્ધિ દર્શાવે છે કે અર્થતંત્રમાં ફોર્મલાઇઝેશન (ઔપચારિકતા) વધી રહી છે અને ઇનકમ-ટેક્સ એક્ટ, ૨૦૨૫ ના નવા માળખા હેઠળ સંગ્રહ મજબૂત બની રહ્યો છે. પ્રાઈસ વોટરહાઉસ એન્ડ કો. ના પાર્ટનર હિતેશ સાહનીએ જણાવ્યું હતું કે વ્યક્તિગત ટેક્સ રિફંડ બમણા થવા છતાં ચોખ્ખી કર આવકમાં રૂ. ૧.૩૯ લાખ કરોડનો ચોખ્ખો વધારો એ ભારતીય અર્થતંત્ર અને નાણાકીય ક્ષેત્રની મજબૂતાઈ અને સક્ષમતા દર્શાવે છે.
Tags: advance tax deadline advance tax growth advance tax quarter 2 CBDT tax updates central board direct tax corporate income tax corporate tax mopup Direct Tax Collection direct tax data direct tax receipts FY27 tax collections gross tax receipts income tax India 2026 income tax India update income tax news income tax performance income tax refund income tax report Income Tax Returns income tax slab 2026 income tax stats income tax trends Indian tax revenue itr filing 2026 net direct tax non corporate tax personal income tax tax buoyancy 2026 tax collection 2026 tax collection report tax compliance India tax revenue growth tax revenue Sept 2026 આવકવેરા આંકડા ૨૦૨૬ આવકવેરા કાયદો આવકવેરા ગ્રોથ રેટ આવકવેરા દાખલ ૨૦૨૬ આવકવેરા નાણાકીય વર્ષ ૨૦૨૬ આવકવેરા રિટર્ન ૨૦૨૬ આવકવેરા વસૂલાત આવકવેરા વિભાગ આવકવેરા સમાચાર ઇન્કમ ટેક્સ અપડેટ ઇન્કમ ટેક્સ કલેક્શન ઇન્કમ ટેક્સ ન્યૂઝ ઇન્કમ ટેક્સ રીફંડ ઇન્કમ ટેક્સ સ્લેબ એડવાન્સ ટેક્સ ગ્રોથ એડવાન્સ ટેક્સ ભરપાઈ કર વસૂલાત આંકડા કોર્પોરેટ ટેક્સ આવક ટેક્સ અનુપાલન ટેક્સ કલેક્શન રિપોર્ટ ટેક્સ ભરપાઈ સપ્ટેમ્બર ટેક્સ મહેસૂલ વધારો ટેક્સ રિફંડ ૨૦૨૬ ડાયરેક્ટ ટેક્સ ગ્રોથ પ્રત્યક્ષ કર આવક પ્રત્યક્ષ કર વસૂલાત પ્રત્યક્ષ કર સંગ્રહ બીજી મુદત એડવાન્સ ટેક્સ ભારતીય ટેક્સ મહેસૂલ વ્યક્તિગત આવકવેરો સપ્ટેમ્બર ૨૦૨૬ ટેક્સ સીબીડીટી ટેક્સ ડેટા
