સન ફાર્માની નવી વૈશ્વિક સિદ્ધિ: $3.7 બિલિયનના કોલેસ્ટ્રોલ ડ્રગ માર્કેટ પર મેળવ્યા એક્સક્લુઝિવ હક મેળવ્યા
સન ફાર્માની નવી વૈશ્વિક સિદ્ધિ: $3.7 બિલિયનના કોલેસ્ટ્રોલ ડ્રગ માર્કેટ પર મેળવ્યા એક્સક્લુઝિવ હક મેળવ્યા
કંપનીની કમાણી અને પ્રોફિટ માર્જિનમાં મોટો ઉછાળો આવશે. આ વૈશ્વિક વિસ્તરણનો સીધો ફાયદો કંપનીના શેરહોલ્ડરોને થશે
નવી દિલ્હી: ભારતીય ફાર્માસ્યુટિકલ ક્ષેત્રની અગ્રણી કંપની સન ફાર્માસ્યુટિકલ ઇન્ડસ્ટ્રીઝે અમેરિકાની LIB થેરાપ્યુટિક્સ કંપની સાથે ‘Lerodalcibep’ (યુરોપમાં ‘Lyrokaul’ બ્રાન્ડ નેમ) દવાનું યુએસ અને ચીન સિવાય વિશ્વભરમાં ઉત્પાદન અને વેચાણ કરવા માટેનો વૈશ્વિક કરાર કર્યો છે. આ મહત્વકાંક્ષી ડીલથી સન ફાર્માને વૈશ્વિક સ્તરે $3.7 બિલિયન (અંદાજે ₹31,000 કરોડ) ના વિશાળ PCSK9 ઇન્હિબિટર કોલેસ્ટ્રોલ ડ્રગ માર્કેટમાં સીધો પ્રવેશ અને મજબૂત પકડ મળશે, જેમાં એકલા યુરોપનો હિસ્સો $2.9 બિલિયન છે. કંપની માટે આ કરાર સ્પેશિયાલ્ટી અને ઈનોવેટિવ મેડિસિન પ્રોટફોલિયોને વૈશ્વિક સ્તરે નવી ઊંચાઈ પર લઈ જશે, જેનાથી કંપનીની કમાણી અને પ્રોફિટ માર્જિનમાં મોટો ઉછાળો આવશે. આ વૈશ્વિક વિસ્તરણનો સીધો ફાયદો કંપનીના શેરહોલ્ડરોને થશે; કંપનીના ઈનોવેટિવ બિઝનેસમાં વૃદ્ધિથી શેરના લાંબા ગાળાના વેલ્યુએશનમાં વધારો થશે, ડિવિડન્ડની શક્યતાઓ મજબૂત બનશે અને શેરધારકોની મૂડીની ક્ષમતામાં મોટો વધારો જોવા મળશે.
કંપનીની આ સફળતા તેના વૈશ્વિક કાર્ડિયોવેસ્ક્યુલર (હૃદય સંબંધિત) સંભાળ બિઝનેસ માટે ગેમ-ચેન્જર સાબિત થશે. ‘Lerodalcibep’ એ ખરાબ કોલેસ્ટ્રોલ (LDL-C) ઘટાડવા માટે દર મહિને માત્ર એક જ વાર (300 mg ઈન્જેક્શન) લેવાની દવા છે. આ દવાની સૌથી મોટી ખાસિયત એ છે કે તેને ફ્રિજમાંથી કાઢ્યા પછી પણ 25 ડિગ્રી સેલ્સિયસ સુધીના રૂમ ટેમ્પરેચર પર 6 મહિના સુધી સુરક્ષિત રાખી શકાય છે, જે દર્દીઓ માટે અત્યંત સુવિધાજનક છે. યુરોપિયન યુનિયન (EU) દ્વારા 21 સપ્ટેમ્બરના રોજ આ દવાને મંજૂરી મળી ચૂકી છે.
સન ફાર્મા હવે અન્ય વૈશ્વિક બજારોમાં પણ તેની મંજૂરી મેળવવાની પ્રક્રિયા હાથ ધરશે. IQVIA ના ડેટા અનુસાર, યુએસ અને ચીન બહાર આ બજાર છેલ્લા બે વર્ષમાં (જૂન 2026 સુધી) 38% ના ચક્રવૃદ્ધિ વાર્ષિક વૃદ્ધિ દર (CAGR) થી વધ્યું છે. સન ફાર્મા આ દવાનું ઉત્પાદન કરીને વિશ્વભરના બજારોમાં સપ્લાય કરશે, જેના કારણે કંપનીની વૈશ્વિક નિકાસ (Exports) માં કરોડો ડોલરનો જંગી વધારો થશે. સમગ્રતયા યુરોપ, લેટિન અમેરિકા અને એશિયા-પેસિફિકના બજારોમાં સન ફાર્માની નિકાસની ક્ષમતા નવી ઊંચાઈએ પહોંચશે.
