આજે શેરબજારમાં શુ કરી શકાય?

આજના ખરીદવા લાયક શેર છે આદિત્ય ઇન્ફોટેક (Aditya Infotech)

શેરબજારમાં ટ્રેડિંગ કે ઇન્વેસ્ટમેન્ટ કરનારા ખેલાડીઓ આજે આદિત્ય ઇન્ફોટેકના શેરમાં લેણ કરી શકે છે. શેરનો વર્તમાન બજાર ભાવ રૂ. 3,989.05 છે. ટૂંકા ગાળામાં આ શેરમાં તેજીનો વક્કર જોવા મળી શકે છે. આદિત્ય ઇન્ફોટેકના શેરમાં ટૂંકા ગાળા માટે તેજીનો સંકેત જોવા મળી રહ્યો છે. સોમવારે આ સ્ટોકમાં 5 ટકાનો મજબૂત ઉછાળો નોંધાયો હતો, જેના કારણે શેરનો ભાવ તેના મહત્વપૂર્ણ રેઝિસ્ટન્સ લેવલ રૂ.3,900 ની ઉપર બંધ આવવામાં સફળ રહ્યો છે. જૂન મહિનાથી આ સ્ટોકમાં જે સાઇડવેઝ કન્સોલિડેશન (એક જ રેન્જમાં થતો વેપાર) ચાલતો હતો. તે તબક્કો હવે પૂર્ણ થઈ રહ્યો હોવાના પ્રારંભિક સંકેતો મળી રહ્યા છે.

રોકાણકારો માટે ટેકનિકલ વ્યૂહરચના

અગાઉ જે ₹3,900 નું સ્તર મજબૂત અવરોધ (Resistance) તરીકે કામ કરતું હતું, તે હવે સ્ટોક માટે મજબૂત ટેકો બની રહેશે. આમ છતાં, શેરબજારમાં રોકાણ હંમેશા જોખમને આધીન હોવાથી, રોકાણકારોએ પોતાની મૂડીની સુરક્ષા માટે યોગ્ય ‘સ્ટોપલોસ’ (Stop-loss) સાંકળીને અને પોતાના નાણાકીય સલાહકારની મદદ લઈને જ મર્યાદિત અને શિસ્તબદ્ધ રોકાણ કરવું હિતાવહ છે.

ટ્રેડર્સ અને ઇન્વેસ્ટર્સ રૂ. 3989ની સપાટીે તેમાં લેણ કરી શકે છે. પહેલો સ્ટોપલોસ રૂ. 3940 રાખી શકે છે. ત્યારબાદ ભાવ વધતા જાય તેમ તેમ સ્ટોપલોસને ઉપર લઈ જવો હિતાવહ છે. ટાર્ગેટ ભાવ રૂ. 4210નો આપવામાં આવ્યો છે. વર્તમાન ભાવ સપાટીથી શેરનો ભાવ વધીને રૂ. 4090 થાય ત્યારે સ્ટોપલોસ વધારીને રૂ. 4020 કરી દો. શેરનો ભાવ વધીને રૂ. 4120 થાય ત્યારે સ્ટોપલોસ 4140 કરી દો. શેરનો ભાવ વધીને રૂ. 4210ની આસપાસ પહોંચે ત્યારે શેર વેચીને નીકળી જવામાં જ ટ્રેડર અને ઇન્વેસ્ટરનું હિત સમાયેલું છે.

Share on Social Media

આજે શેરબજારમાં શુ કરી શકાય?

Most Popular