ગુજરાતમાં પણ પ્રિન્સ્ક્રિપ્શન વિના જ નશીલી દવાઓ વેચવાનું બેફામ ચાલી રહેલી પ્રવૃત્તિઃ અમેરિકા મોકલાતી દવાઓ
ગુજરાતમાં પણ પ્રિન્સ્ક્રિપ્શન વિના જ નશીલી દવાઓ વેચવાનું બેફામ ચાલી રહેલી પ્રવૃત્તિઃ અમેરિકા મોકલાતી દવાઓ
NCB અને US DEAનું સંયુક્ત ઓપરેશનમાં કૌભાંડ બહાર આવ્યુંઃ અમેરિકામાં ગેરકાયદેસર રીતે નશીલી અને પ્રિસ્ક્રિપ્શન પર જ વેચી શકાતી દવાઓ સપ્લાય કરતી આંતરરાષ્ટ્રીય સિન્ડિકેટનો પર્દાફાશ
ભારતની નાર્કોટિક્સ કંટ્રોલ બ્યુરો અને યુનાઇટેડ સ્ટેટ્સની ડ્રગ એન્ફોર્સમેન્ટ એડમિનિસ્ટ્રેશન સાથે મળીને હાથ ધરેલા એક મોટા સંયુક્ત ઓપરેશનમાં ભારતમાંથી અમેરિકામાં ગેરકાયદેસર રીતે ઓપિઓઇડ, સાયકોટ્રોપિક પદાર્થો અને માત્ર પ્રિસ્ક્રિપ્સન પર જ વેચી શકાતી દવાઓને નશીલી દવા તરીકે ઉપયોગ કરવા માટેની દવાઓ તરીકે સપ્લાય કરતી એક આંતરરાષ્ટ્રીય ડ્રગ સિન્ડિકેટનો પર્દાફાશ કરવામાં આવ્યો છે. આ સંયુક્ત કાર્યવાહીને ‘ઓપરેશન મોન્સૂન થંડર’ કોડ-નેમ આપવામાં આવ્યું હતું.
દરોડા અને ધરપકડ: બંને એજન્સીઓ દ્વારા આપવામાં આવેલા ગુપ્ત ઇનપુટ્સના આધારે ભારતની નાર્કોટિક્સ કંટ્રોલ બ્યુરોએ ૪ થી ૧૩ નવેમ્બર દરમિયાન હૈદરાબાદ, દિલ્હી, કોલકાતા અને લખનૌ સહિતના અનેક સ્થળોએ દરોડા પાડ્યા હતા. આ કાર્યવાહીમાં કુલ ૬ ભારતીય નાગરિકોની ધરપકડ કરવામાં આવી છે. આ ઓપરેશન દરમિયાન ધરપકડ કરાયેલા આરોપીઓમાં તેજ દીપક જયસ્વાલ (લખનૌ, ઉત્તર પ્રદેશ), આરતી સોની (લખનૌ, ઉત્તર પ્રદેશ), દીપક કુમાર તિવારી (લખનૌ, ઉત્તર પ્રદેશ), જસવંત (લખનૌ, ઉત્તર પ્રદેશ) અને અબ્દુલ મુત્તાલિબ (કોલકાતા, પશ્ચિમ બંગાળ) તથા તલાબથુલા મનોજ (હૈદરાબાદ, તેલંગાણા)નો સમાવેશ થાય છે.
નેટવર્કની કાર્યપદ્ધતિ અને જપ્ત કરાયેલો જથ્થો: તપાસ દરમિયાન નાર્કોટિક્સ કંટ્રોલ બ્યુરોને મળેલા રેકોર્ડ્સ અને ડિજિટલ પુરાવાઓ પરથી જાણવા મળ્યું છે કે આ નેટવર્ક જૂન ૨૦૨૨ થી નવેમ્બર ૨૦૨૬ દરમિયાન આરોપીઓનું આ ગ્રુપ અત્યંત સક્રિય હતું. આ સમયગાળામાં સિન્ડિકેટે અમેરિકાના ગ્રાહકોને અંદાજે ૩,૦૦૦ પાર્સલ મારફતે લગભગ ૫ લાખ ટેબ્લેટ્સ મોકલી હતી. આ નેટવર્ક પાસેથી જપ્ત કરાયેલી દવાઓમાં મોટાભાગે શિડ્યુલ IV-4ની શ્રેણીની માત્ર પ્રિસ્ક્રિપ્શન પર જ વેચી શકાતી દવાઓનો સમાવેશ થાય છે. અમેરિકાના ડ્રગ એન્ફોર્સમેન્ટ એડમિનિસ્ટ્રેશન-ડીઈએના નિયમો મુજબ, શિડ્યુલ IV દવાઓ ડૉક્ટરના પ્રિસ્ક્રિપ્શન સાથે લેવામાં આવે તો તે માન્ય તબીબી ઉપયોગ ધરાવે છે અને શિડ્યુલ III દવાઓ કરતાં તેમાં વ્યસન લાગી જવાની શક્યતા ઓછી હોય છે. પરંતુ અમેરિકન ગ્રાહકો ડૉક્ટરના પ્રિસ્ક્રિપ્શન વિના અને કાયદાકીય તપાસથી બચીને આ દવાઓ મેળવવા માટે આ ગેરકાયદેસર નેટવર્કનો સહારો લેતા હતા.
ગુજરાતમાં આ પ્રકારના ગેરકાયદેસર દવાઓના વિદેશી વેચાણ
ગુજરાત ATS દ્વારા સુરતથી વિદેશમાં સાયકોટ્રોપિક દવા-ઈટોમિડેટ મોકલવાના રેકેટનો પર્દાફાશ
ગુજરાત એન્ટી ટેરરિસ્ટ સ્ક્વોડે ૭-૮ માર્ચ, ૨૦૨૬ના સુરતના ૨૮ વર્ષીય વેપારી નિકુંજ ગઢિયાની ધરપકડ કરી હતી, જે ‘એલોવેરા પાવડર’ના ખોટા લેબલ હેઠળ પ્રતિબંધિત એનાલજેસિક/સાયકોટ્રોપિક દવા ‘એટોમિડેટ’ ગેરકાયદેસર રીતે વિદેશમાં એક્સપોર્ટ કરતો હતો. આ અગાઉ ૨૯ મે, ૨૦૧૮ (વર્ષ ૨૦૧૫-૨૦૧૭ દરમિયાન થયેલી તપાસ અને જપ્તીનો કેસ નોંધાયો છે. નાર્કોટિક્સ કંટ્રોલ બ્યુરોના અમદાવાદના ઝોનલ ડિરેક્ટર હરિઓમ ગાંધીના અધિકૃત નિવેદનમાં જણાવવામાં આવ્યું હતું કે સુરતમાં ‘પ્રોવાઇઝર ફાર્મા’ સહિત ગુજરાત અને મહારાષ્ટ્રની ચાર કંપનીઓ પર દરોડા પાડ્યા હતા. ફાર્મસી સ્નાતકોના એક જૂથે પાંચ નકલી પેઢીઓ ઊભી કરીને બનાવટી સરનામા પર કુરિયર મારફતે વિદેશમાં પ્રિસ્ક્રિપ્શન દવાઓ ગેરકાયદેસર રીતે મોકલી હતી. આ કાર્યવાહીમાં આશરે ૧૧ લાખ ટેબ્લેટ્સ જપ્ત કરવામાં આવી હતી અને પેમેન્ટ બિટકોઈન તથા વાયર ટ્રાન્સફરથી લેવામાં આવતું હતું.
અમદાવાદ ક્રાઈમ બ્રાન્ચ દ્વારા પ્રિસ્ક્રિપ્શન વિના પ્રતિબંધિત ટ્રામાડોલ ટેબ્લેટ્સ વેચવાના કૌભાંડનો પર્દાફાશ
અમદાવાદ ક્રાઈમ બ્રાન્ચે ૧૨ ઓક્ટોબર, ૨૦૨૬ના ગુજરાત સરકારના ફૂડ એન્ડ ડ્રગ કંટ્રોલ એડમિનિસ્ટ્રેશન સાથે મળીને અમદાવાદના દાણીલીમડા અને જુહાપુરા વિસ્તારમાં દરોડા પાડીને મેડિકલ સ્ટોર સંચાલકો સહિત ૩ શખ્સોની ધરપકડ કરી હતી. આરોપીઓ ડૉક્ટરના પ્રિસ્ક્રિપ્શન કે યોગ્ય બિલ વિના નશાના બંધાણીઓને પ્રતિબંધિત ‘ટ્રામાડોલ’ – ઓપિઓઇડ પેઇનકિલર અને ‘આલ્પ્રાઝોલમ’ ટેબ્લેટ્સનું ઊંચા ભાવે ગેરકાયદેસર વેચાણ કરવાનું કૌભાંડ પકડી પાડ્યું હતું. આ ઘટનામાં સ્થળ પરથી આશરે ૪૫,૦૦૦ જેટલી નશીલી ટેબ્લેટ્સ જપ્ત કરવામાં આવી હતી અને સંબંધિત મેડિકલ સ્ટોરના લાયસન્સ રદ કરવાની કાર્યવાહી હાથ ધરવામાં આવી હતી.
ચોવીસમી ૨૪ જુલાઈ, ૨૦૨૬ના સુરત શહેરના સ્પેશિયલ ઓપરેશન્સ ગ્રુપ અને સુરત ફૂડ એન્ડ ડ્રગ વિભાગે સાથે મળીને પાંડેસરા અને લિંબાયત વિસ્તારમાં બાતમીના આધારે હાથ ધરેલી તપાસમાં જાણવા મળ્યું હતું કે કેટલાક મેડિકલ સ્ટોર્સ અને એજન્ટો યુવાનોને ડૉક્ટરના પ્રિસ્ક્રિપ્શન વિના ‘નાઈટ્રાઝેપામ’ અને કોડીન ફોસ્ફેટ યુક્ત કફ સિરપ તથા ટેબ્લેટ્સનું વેચાણ કરતા હતા. પોલીસે એનડીપીએસ એક્ટ અને ડ્રગ્સ એન્ડ કોસ્મેટિક્સ એક્ટ હેઠળ ગુનો નોંધી બે મેડિકલ સ્ટોર સંચાલકોની ધરપકડ કરી હતી અને રૂ.૩.૮૦ લાખની કિંમતનો પ્રતિબંધિત દવાઓનો જથ્થો કબજે કર્યો હતો.
રાજકોટ શહેર પોલીસ અને ગુજરાત ફેડ એન્ડ ડ્રગ કમિશનરની કચેરીએ ૧૮ ફેબ્રુઆરી, ૨૦૨૬ના ભક્તિનગર અને આજીડેમ વિસ્તારમાં દરોડા પાડીને પ્રિસ્ક્રિપ્શન વિના પ્રીગાબાલિન 300એમજીની દવાઓનો ઉપયોગ નશા માટે કરવા માટે ડૉક્ટરના પ્રિસ્ક્રિપ્શન વિના જ વેચતા એક નેટવર્કનો પર્દાફાશ કર્યો હતો. આ કેસના આરોપીઓ બિલ વગર જથ્થાબંધ દવાઓ મંગાવીને છૂટકમાં પ્રિસ્ક્રિપ્શન વિના વેચતા હતા. પોલીસે ત્રણ આરોપીઓ સામે કાયદેસરની કાર્યવાહી કરી ૧૮,૦૦૦થી વધુ કેપ્સ્યુલ્સ જપ્ત કરી હતી.
વડોદરા પીસીબીએ પ્રિસ્ક્રિપ્શન વિના નશીલી દવાઓ સપ્લાય કરતા હોલસેલર અને રિટેલરની ધરપકડ કરી હતી. ૧૧ નવેમ્બર, ૨૦૨૫ના વડોદરા પ્રિવેન્શન ઓફ ક્રાઈમ બ્રાન્ચ અને વડોદરા ફૂડ એન્ડ ડ્રગ કમિશનર કચેરીએ ફતેગંજ અને વાઘોડિયા રોડ વિસ્તારમાં કાર્યવાહી કરીને પ્રિસ્ક્રિપ્શન વિના શિડ્યુલ એચ-1 અને પ્રિસ્ક્રિપ્સન પર જ વેચી શકાતી શ્રેણીની દવાઓનો નશીલી દવાઓ એટલે કે ઊંઘની અને પેઇનકિલર ગોળીઓ વેચતા હોવાનું પકડી પાડ્યું હતું. આ કેસમાં એક ફાર્મા ડિસ્ટ્રિબ્યુટર અને મેડિકલ સ્ટોર માલિકની ધરપકડ કરી હતી. ગુજરાતના ફૂડ એન્ડ ડ્રગ કમિશનરની તપાસમાં બહાર આવ્યું હતું કે સ્ટોક રજિસ્ટરમાં બોગસ એન્ટ્રીઓ બતાવીને આ દવાઓ બારોબાર પ્રિસ્ક્રિપ્શન વિના વેચી દેવામાં આવતી હોવાનું પણ પકડી પાડ્યું હતું.

