પેસેન્જરે લાંચ માગ્યાની ફરિયાદ કરતાં એરપોર્ટ કસ્ટમ્સના ૪ અધિકારી સસ્પેન્ડ
પેસેન્જરે લાંચ માગ્યાની ફરિયાદ કરતાં એરપોર્ટ કસ્ટમ્સના ૪ અધિકારી સસ્પેન્ડ
શરીર પર કૅમેરા પહેર્યા વિના, રજિસ્ટરમાં નોંધ કર્યા વિના જ પૂછપરછ કરી હોવાના ગુના બદલ અધિકારીઓને સસ્પેન્ડ કરવામાં આવ્યા
અમદાવાદઃ દુબઈથી અમદાવાદના સરદાર વલ્લભભાઈ પટેલ આંતરરાષ્ટ્રીય વિમાન મથક પર આવેલી ફ્લાઈટમાં ગુજરાતના કોસંબાના બે પેસેન્જરની શરીર પર કેમેરા પહેર્યા વિના અને રજિસ્ટરમાં એન્ટ્રી કર્યા વિના પૂછપરછ કરવાના કેસમાં પેસેન્જરે અધિકારીએ તેની પાસેથી લાંચ માગી હોવાની ટેલિફોનિક ફરિયાદ કરતાં બે સુપરિન્ટેન્ડન્ટ અને બે ઇન્સ્પૅેક્ટર મળીને ચાર અધિકારીઓને તત્કાળ સસ્પેન્ડ કરી દેવામાં આવ્યા હોવાનું કસ્ટમ્સના સૂત્રોએ જણાવ્યું હતું.
ચોથી સપ્ટેમ્બરે મધરાત પછી ત્રણ વાગ્યાના અરસામાં આ ઘટના બની હતી. આ ઘટના અંગે ટેલિફોનિક ફરિયાદ થયા પછી સસ્પેન્ડ કરવામાં આવેલા ચાર અધિકારીઓમાં સુપરિન્ટેન્ડેન્ટ વિનય અરોરા અને કુલદીપ પાલીવાલ, તેમજ ઇન્સ્પેક્ટર ભરત મીણા અને કિશોર કૌશલનો સમાવેશ થાય છે. કસ્ટમ્સના અધિકારીઓ સામે મુસાફરોએ પાછળથી જબરદસ્તી પૈસા પડાવાનો આક્ષેપ કર્યો હતો. જોકે પેસેન્જરે લેખિત ફરિયાદ હજી સુધી નોંધાવી ન હોવાનું પણ કસ્ટમ્સના ટોચના સૂત્રોનું કહેવું છે.
અધિકારીઓ સામે ટેલિફોનિક ફરિયાદ કર્યા પછી પેસેન્જરો અધિકારીઓથી બચતા રહ્યા હતા અને લેખિત ફરિયાદ કરવાથી દૂર ભાગતા રહ્યા હોવાનું જાણવા મળી રહ્યું છે. તેથી જ ચાર અધિકારીઓ સામે ડયૂટી નિભાવતી વખતે નિયમોનું પાલન ન કરવાના ગુના બદલ ચાર અધિકારીઓને સસ્પેન્ડ કરવામાં આવ્યા છે. આ ઘટના શુક્રવાર, ૪ સપ્ટેમ્બરની વહેલી સવારે દુબઈથી એમિરેટ્સની ફ્લાઇટ ઈણ ૫૩૮ ના આગમન બાદ શરૃ થઈ હતી.
ઓન-ડયુટી અધિકારીઓએ સુરતના કોસંબાના આસિક રસ્તમ પટેલ અને વોસિમ શાહ તરીકે ઓળખાતા બે મુસાફરોને ટમનલમાંથી બહાર જવા દેતા પહેલા રૃટિન સ્ક્રીનિંગ દરમિયાન પૂછપરછ માટે બાજુ પર લીધા હતા. આ ઘટના બન્યા પછી સવારે સાત વાગ્યાના અરસામાં આસિક પટેલે કસ્ટમ્સના એક વરિ અધિકારીને ફોન કરીને આરોપ લગાવ્યો કે ટીમે તેને હેરાન કર્યો હતો, રોકડ રકમ માંગી હતી અને તેની કિંમતી વસ્તુઓનું એક પેકેટ લઈ લીધું હતું. જોકે આ ફરિયાદ લેખિતમાં આપવા પેસેન્જર આસિક પટેલને જણાવવામાં આવતા તેણે ઇનકાર કરી દીધો હતો અને પોતાનો ફોન પણ સ્વિચ ઓફ કરી દીધો હોવાનું કસ્ટમ્સના ટોચના સૂત્રોનું કહેવું છે. આસિક પટેલ અમદાવાદના સીટીએણ વિસ્તારની હોટેલમાં રોકાયો હોવાનું જણાતા કસ્ટમ્સના અધિકારીઓની એક ટીમ સીટીએમની હોટેલમાં પહોંચી ત્યારે આસિક પટેલ હોટેલ છોડીને નીકળી ગયો હતો.
