ગુજરાત હાઇડ્રોકાર્બન્સ અને પાવર SEZ ના રેઝોલ્યુશન પ્લાન પર પાણી ફરી વળ્યું
ગુજરાત હાઇડ્રોકાર્બન્સ અને પાવર SEZ ના રેઝોલ્યુશન પ્લાનને મોટો આંચકો:
NCLTએ ઝવેરી એન્ડ કંપનીના રેઝોલ્યુશન પ્લાનને અમાન્ય રાખ્યો, એસઈઝેડના પ્લોટ પેટા ભાડે ચઢાવી દેવાનું કાવતરું
ઝવેરી એન્ડ કંપની અને તેના રેઝોલ્યુશન પ્રોફેસનલે જમીનના હેતુફેર અંગે એનસીએલટીને ગેરમાર્ગે દોરવાનો પ્રયાસ કર્યો
અમદાવાદઃ ગુજરાત ઔદ્યોગિક વિકાસ નિગમ (GIDC) દ્વારા ભરૂચના વિલાયત ખાતે એસ.ઈ.ઝેડ.-સ્પેશિયલ ઇકોનોમિક ઝોનના નિર્માણ માટે લીઝ પર આપવામાં આવેલી જમીનના મુદ્દે નેશનલ કંપની લો એપેલેટ ટ્રિબ્યુનલની પ્રિન્સિપલ બેંચ જમીન લીઝ પર મેળવનાર ‘ગુજરાત હાઇડ્રોકાર્બન્સ એન્ડ પાવર SEZ લિમિટેડ અને સક્સેસફુલ રેઝોલ્યુશન એપ્લિકન્ટ-ઝવેરી એન્ડ કંપનીની રજૂઆતોને ફગાવી દઈને તેમનો રેઝોલ્યુશન પ્લાન અમાન્ય રાખ્યો છે. એસઈઝેડ બનાવવા માટે ગુજરાત હાઈડ્રો કાર્બન્સ એન્ડ પાવરને 1500 વિઘા જમીન ફાળવવામાં આવી હતી. પંરતુ એસઈઝેડની આ જમીન પેટા લીઝ પર આપીને એસઈઝેડ સિવાયના હેતુ માટે ઉપયોગ કરવાનો ગુજરાત હાઈડ્રોકાર્બન્સનો ઇરાદો હોવાનું એનસીએલટી સમક્ષ થયેલી દલીલોને અંતે સ્પષ્ટ થયું છે.
પરિણામે ગુજરાત હાઈડ્રોકાર્બને નવેસરથી એસઈઝેડના હેતુ માટે જ 1500 એકર જમીનનો ઉપયોગ માટેનો રેઝોલ્યુશન પ્લાન રજૂ કરવો પડશે. એસઈઝેડ સિવાયના હેતુ માટે આ જમીનનો ઉપયોગ કરી જ ન શકાય તેમ જણાવીને ગુજરાત હાઈડ્રોકાર્બને અત્યારે રજૂ કરેલા રેઝોલ્યુશન પ્લાનને એનસીએલટીએ ફગાવી દીધો છે. બીજીતરફ રેઝોલ્યુશન પ્લાનમાં રહેલી ખામીઓને ધ્યાને લઈ, GIDC વતી કરવામાં આવેલી દલીલોને ગ્રાહ્ય રાખી તેની તરફેણમાં ચૂકાદો આપ્યો હોવાનું ગુજરાત હાઈકોર્ટના એડવોકેટ અને સોલીસિટર અર્જુન શેઠે જણાવ્યું હતું.
જમીન લેનારે ગેરમાર્ગે દોર્યા અને રેઝોલ્યુશન પ્લાન રદ થયો
કેસની મુખ્ય વિગતો મુજબ, કોર્પોરેટ ડેટર ગુજરાત હાઈડ્રો કાર્બન એન્ડ પાવર એસઈઝેડ લિમિટેડને ગુજરાત ઔદ્યોગિક વસાહત નિગમો ગુજરાતના ભરૂચ જિલ્લાના વિલાયત ખાતે ચોક્કસ ઊર્જા ક્ષેત્રના SEZ ડેવલપમેન્ટ માટે લીઝ પર જમીન ફાળવી હતી. કંપની કોર્પોરેટ ઇન્સોલ્વન્સી રેઝોલ્યુશન પ્રોસેસમાં એટલે નાદારી નોંધાવવા તરફ આગળ વધી ત્યારે રજૂ કરવામાં આવેલા રેઝોલ્યુશન પ્લાનમાં જમીન લેનાર પક્ષે એવી ગેરમાર્ગે દોરતી અને એકતરફી ધારણા ઊભી કરી હતી કે આ SEZ જમીન ડી-નોટિફાય કરી દેવામાં આવી છે. કંપની અને તેમના રેઝોલ્યુશન પ્રોફેશનલને જમીન નોટિફાય ન થઈ હોવાની જાણ હોવા છતાંય તેમણએ એનસીએલટીમાં ખોટી રજૂઆત કરી હતી.
ગુજરાત હાઈડ્રોકાર્બન તેના આ રેઝોલ્યુશન પ્લાનને આધારે ગુજરાત ઔદ્યોગિક વસાહત નિગમની પૂર્વ મંજૂરી વિના આ જમીનના નાના-નાના સબ-પ્લોટ પાડીને બિન-SEZ ઔદ્યોગિક હેતુ માટે સબ-લીઝ પર આપવાની યોજના પ્લાનમાં સામેલ કરવામાં આવી હતી.
પરંતુ નેશનલ કંપની લૉ એપેલેટ ટ્રિબ્યુનલે પોતાના ચુકાદામાં સ્પષ્ટ નોંધ્યું છે કે, એસઈઝેડના ડી-નોટિફિકેશન માટે જરૂરી ‘નો બેનિફિટ્સ એવેલ્ડ’-કોઈ લાભ લેવામાં આવ્યો નથી કે પછી રિફંડ સર્ટિફિકેટ ડેવલપમેન્ટ કમિશનર પાસેથી જ મેળવવું ફરજિયાત છે. તેને માટે જીઆઈડીસીની પૂર્વ મંજૂરી પણ લેવી જરૂરી છે. જીઆઈડીસીની સંમતિ વગર જમીનનો વપરાશ બદલવાની ગેરમાર્ગે દોરતી રજૂઆત કરવામાં આવી હતી. આ કારણોસર, નિયમો અને શરતોનો ભંગ કરતા અને વ્યવહારિકતા વગરના આ રેઝોલ્યુશન પ્લાનને ટ્રિબ્યુનલે કાનૂની રીતે ક્ષતિગ્રસ્ત ઠેરવ્યો છે.
જીઆઈડીસી વતીથી રજૂઆત કરવામાં આવી હતી કે તે માત્ર એક ઓપરેશનલ ક્રેડિટર નથી, પરંતુ જમીનની મૂળ માલિક અને સ્ટેચ્યુટરી રેગ્યુલેટર છે. લીઝ ડીડની શરતો અનુસાર જીઆઈડીસીની લેખિત મંજૂરી વિના જમીનનો હેતુ કે વપરાશ બદલી શકાય નહીં. વધુમાં, ઇન્ફોર્મેશન મેમોરેન્ડમમાં પણ ડી-નોટિફિકેશન અંગેની અપૂરતી વિગતો દર્શાવીને પ્રક્રિયામાં ક્ષતિ રાખવામાં આવી હતી. એપેલેટ ટ્રિબ્યુનલે જીઆઈડીસીની તમામ દલીલો અને જમીન માલિક તરીકેના અધિકારો તથા યોજનાની વ્યવહારિકતા સામે ઊઠાવેલા વાંધાઓને ગ્રાહ્ય હોવાનું ગુજરાત હાઈકોર્ટના અગ્રણી ધારાશાસ્ત્રીએ જણાવ્યું હતું.
આ કેસમાં મુખ્ય પક્ષકારો તરીકે જમીન માલિક ગુજરાત ઔદ્યોગિક વિકાસ નિગમ (GIDC) તથા મૂળ દેવાદાર કંપની ગુજરાત હાઇડ્રોકાર્બન્સ એન્ડ પાવર SEZ લિમિટેડ, નાણાકીય લેણદાર શ્રેઈ ઇન્ફ્રાસ્ટ્રક્ચર ફાઇનાન્સ લિમિટેડ, રેઝોલ્યુશન એપ્લિકન્ટ ઝવેરી એન્ડ કંપની પ્રાઇવેટ લિમિટેડ તથા જામીનદાર કંપની આસામ કંપની ઇન્ડિયા લિમિટેડ જોડાયેલા હતા.
