અમેરિકા ફરી હુમલો કરશે તો અમે બીજા દેશોના ઊર્જા ક્ષેત્રો પર હુમલા કરવાની ચેતવણી આપી

અમેરિકા ફરી હુમલો કરશે તો ઈરાને અન્ય દેશોના એનર્જી ફિલ્ડ્સ (ઊર્જા ક્ષેત્રો) પર હુમલાની ચેતવણી આપી

ઈરાન કોઈપણ આક્રમણનો નિર્ણાયક જવાબ આપશે અને અમેેરિકા  દ્વારા અસ્થિરતા લાવવાના પગલાંના પરિણામો વિશે  વિદેશ પ્રધાન અબ્બાસ અરાઘચીની ચર્ચા કરી 

ઈરાને આ અઠવાડિયાના અંતમાં (વીકેન્ડ પર) યુએસ દ્વારા કરવામાં આવતી કોઈપણ સાહસિક કાર્યવાહી સામે ચેતવણી આપી હતી અને જણાવ્યું હતું કે જો અમેરિકન દળો ઈરાની લક્ષ્યો પર નવા હુમલા કરવાની પ્રમુખ ડોનાલ્ડ ટ્રમ્પની ધમકીઓ પર આગળ વધશે તો તે નિર્ણાયક રીતે વળતો પ્રહાર કરશે. ઈરાનના વિદેશ પ્રધાન અબ્બાસ અરાઘચીની શનિવારે વરિષ્ઠ તુર્કી, પાકિસ્તાની અને સાઉદી અધિકારીઓ સાથે અલગ-અલગ ટેલિફોનિક વાતચીતમાં આ ટિપ્પણીઓ આવી હતી. આ વાતચીતના થોડા કલાકો પહેલા જ કુવૈતની સેનાએ કહ્યું હતું કે તેણે ઈરાન દ્વારા કેટલીક મહત્વપૂર્ણ સુવિધાઓ સામે છોડવામાં આવેલા દુશ્મન ડ્રોનને નષ્ટ કરી દીધા છે.

પાકિસ્તાનના આર્મી ચીફ ફીલ્ડ માર્શલ અસીમ મુનીર અને તુર્કીના વિદેશ મંત્રી હાકાન ફિદાન સાથે વાત કરતા અરાઘચીએ કહ્યું કે ઈરાન કોઈપણ “આક્રમણ” નો નિર્ણાયક જવાબ આપશે અને યુએસ દ્વારા “અસ્થિરતા લાવવાના પગલાં” ના પરિણામો તેમજ પ્રાદેશિક અસુરક્ષા વધવાની શક્યતાઓ વિશે ચર્ચા કરી હતી. અરાઘચીએ પાછળથી સાઉદી વિદેશ મંત્રી પ્રિન્સ ફૈસલ બિન ફરહાનને કહ્યું કે યુએસ અને ઈઝરાયેલ દ્વારા કરવામાં આવેલા કોઈપણ હુમલા અથવા આ પ્રકારની કાર્યવાહીમાં પ્રાદેશિક દેશોની ભાગીદારીનો “પ્રમાણસર જવાબ” (સપ્રમાણ વળતો પ્રહાર) આપવામાં આવશે.

એક યુએસ અધિકારીએ એક્સિઓસ ને જણાવ્યું હતું કે સાઉદી ક્રાઉન પ્રિન્સ મોહમ્મદ બિન સલમાને શનિવારે ટ્રમ્પ સાથે વાત કરી હતી અને ઈરાન માટે યુએસની યોજનાઓ વિશે “ચિંતા વ્યક્ત કરી હતી અને સ્પષ્ટતા માંગી હતી”. ઈરાનની સર્વોચ્ચ સુરક્ષા સંસ્થા સાથે સંકળાયેલા મીડિયા આઉટલેટ ‘નૂરન્યૂઝ’ (Nournews) એ શનિવારે જણાવ્યું હતું કે ઈરાની એનર્જી ઇન્ફ્રાસ્ટ્રક્ચર પર યુએસ હુમલાઓ થશે તો ઈરાન સાઉદી અરેબિયા અને સંયુક્ત આરબ અમીરાત (UAE) ના ઓઇલ ફિલ્ડ્સ તેમજ કતાર અને ઈઝરાયેલના ગેસ ફિલ્ડ્સ પર હુમલા કરશે અને કહ્યું કે, “બધું બળીને રાખ થઈ જશે.”

કેમ્પ ડેવિડ ખાતે શુક્રવારે મંત્રીમંડળની બેઠકમાં, ટ્રમ્પે કહ્યું કે તેઓ માને છે કે તેમના જમાઈ જેરેડ કુશ્નર, વિશેષ દૂત સ્ટીવ વિટકોફ અને વિદેશ મંત્રી માર્કો રૂબિઓ સહિતના યુએસ વાટાઘાટકારો હજુ પણ ઈરાન સાથે કરાર કરી શકે છે. પરંતુ ટ્રમ્પે એવું પણ કહ્યું કે તેઓ ઈરાનીઓ પરનો વિશ્વાસ ગુમાવી રહ્યા છે અને ઉમેર્યું કે, “તેઓ વારંવાર તેમનું વચન તોડે છે” – એક એવો દાવો જે તેહરાન અવારનવાર વોશિંગ્ટન પર લગાવતું આવ્યું છે – અને કહ્યું કે તેઓ “તેમના પર પ્રહાર કરશે.”

હોર્મુઝની સામુદ્રધુની 

યુએસ અને ઈઝરાયેલી દળોએ 28 ફેબ્રુઆરીએ ઈરાન પર હુમલા સાથે યુદ્ધ શરૂ કર્યું ત્યારથી તેલના ભાવ ઊંચા રહ્યા છે. ટ્રમ્પે દલીલ કરી છે કે ઈરાનને ન્યુક્લિયર વેપન્સ (પરમાણુ હથિયારો) મેળવતા રોકવાનો તેમનો જાહેર કરાયેલ ધ્યેય નજીકના ભવિષ્યમાં બળતણના ઊંચા ખર્ચ વ્યાજબી ઠેરવે છે, પરંતુ આર્થિક તકલીફે યુદ્ધનો અંત લાવવાનો માર્ગ શોધવા માટે તેમના પર રાજકીય દબાણ ઊભું કર્યું છે. બેન્ચમાર્ક બ્રિજન્ટ ક્રૂડ ફ્યુચર્સ જુલાઈમાં 24% વધ્યા હતા, અને રોઇટર્સ દ્વારા સર્વેક્ષણ કરાયેલા વિશ્લેષકો આ વર્ષે ભાવમાં વધુ વધારાની અપેક્ષા રાખે છે.

વૈશ્વિક ઉર્જા પુરવઠા માટેના એક મહત્વપૂર્ણ માર્ગ, સ્ટેટ ઓફ હોર્મુઝ દ્વારા ઈરાની હુમલાના જોખમે સંઘર્ષની શરૂઆતથી જ મોટાભાગના શિપિંગને રોકી દીધું છે, જેણે વિશ્વ અર્થતંત્રમાં આંચકાઓ અનુભવાવ્યા છે. ઉત્તર કુવૈતમાં એક સરકારી સુવિધા અને બુબિયાન આઇલેન્ડ પર એક કંપનીની નાગરિક સંપત્તિ પર શનિવારે હુમલો થયો હતો, જેમાં વિસ્ફોટકના ટુકડા પડવાથી સામગ્રીને નુકસાન થયું હતું પરંતુ કોઈ જાનહાનિ થઈ નથી, તેમ કુવૈતની સેનાએ જણાવ્યું હતું.

ઊર્જા ઉદ્યોગની ચિંતાઓમાં ઉમેરો કરતા, યમનમાં ઈરાનના હુથી સાથીઓએ તાજેતરમાં લાલ સમુદ્રના બીજા છેડે આવેલી સુએઝ કેનાલ પાસેની બાબ અલ-મંદેબ સામુદ્રધુનીને ધમકી આપવાનું શરૂ કર્યું છે, જે સાઉદી ક્રૂડ માટેનો અન્ય એક નિકાસ માર્ગ છે. યુનાઇટેડ કિંગડમ મરીન ટાઇમ ટ્રેડ ઓપરેશન્સે શનિવારે જણાવ્યું હતું કે તેને ઓમાન નજીક બે દરિયાઈ ઘટનાઓના અહેવાલો મળ્યા છે, જેમાં એક ટેન્કર પર કોઈ અજ્ઞાત પદાર્થ અથડાતા એન્જિન રૂમને નુકસાન થયું હતું. બીજી ઘટનામાં, એક ટેન્કરના કેપ્ટને જહાજની નજીક મોટો વિસ્ફોટ થતો જોયો હોવાનું જણાવ્યું હતું, જોકે કોઈ જ નુકસાનના અહેવાલ નથી.

ટ્રમ્પે ફરીથી નિર્ણય બદલ્યો

અમેરિકાના રાષ્ટ્રપતિ ડોનાલ્ડ ટ્રમ્પે શનિવારે સાંજે સોશિયલ મીડિયા પર કરેલી પોસ્ટમાં દાવો કર્યો હતો કે ઈરાન સાથે ચાલી રહેલા પાંચ મહિનાના સંઘર્ષને સમાપ્ત કરવા માટેના કરારની મુખ્ય શરતો પર સહમતિ બની ગઈ છે. તેમણે જણાવ્યું કે હાલ માટે તેઓ ઈરાન પર નવા હુમલાનો આદેશ આપશે નહીં.

ટ્રમ્પે વધુમાં કહ્યું કે પ્રસ્તાવિત કરારમાં હોર્મુઝની ખાડીને તાત્કાલિક, સંપૂર્ણ અને નિર્વિઘ્ન રીતે તમામ જહાજો માટે ખુલ્લી મૂકવાની તેમજ ઈરાનના પરમાણુ જોખમનો અંત લાવવાની જોગવાઈ સામેલ હશે.

ટ્રમ્પે પોતાની પોસ્ટમાં લખ્યું હતું કે, “આ વિનંતીને ધ્યાનમાં રાખીને, વિશ્વના ભવિષ્યના હિતમાં અને સમૃદ્ધ તથા સફળ ઈરાનના અસ્તિત્વને ધ્યાનમાં રાખીને, મેં હાલ માટે હુમલો પણ રદ કરવાનો નિર્ણય લીધો છે. જોકે, આ નિર્ણય ઝડપથી કરાર થઈ શકે તેવી શરતે લેવામાં આવ્યો છે.”