ઇન્ફોર્મેશન ટેક્નલોજીના સેક્ટરની કંપનીઓના સંકોચાઈ રહેલા માર્જિન પર શેરહોલ્ડરો નજર રાખે
ઇન્ફોર્મેશન ટેક્નલોજીના સેક્ટરની કંપનીઓના સંકોચાઈ રહેલા માર્જિન પર શેરહોલ્ડરો નજર રાખે
લગભગ ૬૦ લાખ લોકોને રોજગારી આપla ભારતનો ૩૧૫ બિલિયન ડૉલરનો IT ઉદ્યોગ સૌથી મોટા પરિવર્તનમાંથી પસાર થઈ રહ્યો છે. દાયકાઓથી ચાલી આવતા લાભદાયી માનવશ્રમના મોડેલને બદલે હવે ગ્રાહકો કૃત્રિમ બુદ્ધિમત્તા આધારિત પરિણામોની માગણી કરી રહ્યા છે, જેના કારણે આઇટી કંપનીઓના માર્જિન પર દબાણ આવ્યું છે. આઇટી સેક્ટરમાં સમય અને માનવશક્તિ આધારિત કોન્ટ્રેક્ટ્સનું સ્થાન આર્ટિફિશિયલ ઇન્ટેલિજન્સે લઈ લેતાં વિદેશી ક્લાયન્ટ્સ હવે ઓછી માનવશક્તિની માંગ કરી રહ્યા છે.
પરિણામે આર્ટિફિશિયલ ઇન્ટેલિજન્સના વધતા ઉપયોગ અને પ્રોડક્ટિવિટી ડિસ્કાઉન્ટને કારણે માર્જિનમાં બેથી ત્રણ ટકાનો ઘટાડો થવાનો અંદાજ છે. મધ્યમ કદની કંપનીઓના સરેરાશ ઓપરેટિંગ માર્જિન ૧૬-૧૮ ટકાથી ઘટીને ૧૪-૧6 ટકા સુધી પહોંચી શકે છે. તેમ જ જે કામ માટે પહેલા $૧૦૦ ચૂકવાતા હતા તે જ કામ માટે આર્ટિફિશિલ ઇન્ટેલિજન્સની સ્પીડના કારણે ક્લાયન્ટ્સ હવે તે કામ $૭૫ થી $૮૦ માં ફરીથી કોન્ટ્રેક્ટ કરી રહ્યા છે. આમ તેમની આવકમાં ૨૦થી ૨૫ ટકનો ઘટાડો થઈ રહ્યો છે.
ભરતીમાં ભારે ઘટાડોઃ આઇટી સેક્ટરમાં ચોખ્ખી નવી ભરતી FY22 ના ૪,૪૫,૦૦૦ થી લગભગ ૭૦ ટકા ઘટીને FY26માં ૧,૩૫,૦૦૦ સુધી નીચે આવી ગઈ છે. વાર્ષિક ફ્રેશર ભરતી પણ તેની ટોચના ૩,૮૦,૦૦૦ થી ઘટીને ૧,૮૦,૦૦૦ આસપાસ રહી ગઈ છે. $૩૧ બિલિયનની TCSએ FY22માં ૧,૦૦,૦૦૦ થી વધુ ફ્રેશર્સની ભરતી કરી હતી, જે ઘટીને વાર્ષિક ૪૦,૦૦૦-૪૪,૦૦૦ થઈ હતી અને FY27 માટે ઓફર લેટર્સ ઘટીને માત્ર ૨૫,૦૦૦ આસપાસ રહ્યા છે.
માર્જિન અને બિઝનેસ રિકવરી માટે AI નો ઉપયોગ કેવી રીતે થઈ શકે?
માર્જિનના ઘટાડા સામે આઇટી કંપનીઓ પોતાનું મોડેલ બદલીને આર્ટિફિશિયલ ઇન્ટેલિજન્સના આધારે નવી આવક અને ઊંચા પ્રોફિટ માર્જિન મેળવી શકે છે. કંપનીઓ હવે એન્જિનિયરોની સંખ્યા કે કલાકો વેચવાને બદલે પ્રોડક્ટિવિટી ગ્રોથ, ગ્રાહકની સંતોષકારક સેવાઓ અને ખર્ચમાં ઘટાડા આધારિત ફિક્સ પ્રાઇસ કરારો કરી રહી છે. હાલ ઉદ્યોગમાં માત્ર ૪૦ ટકા કામ આઉટકમ આધારિત છે, જે FY30 સુધીમાં ૮૦ ટકા સુધી પહોંચી શકે છે.
હ્યુમન-એઆઈ એજન્ટ મોડેલ્સ: કોફોર્જ જેવી કંપનીઓ એન્જિનિયરો અને આર્ટિફિશિયલ ઇન્ટેલિજન્સ એજન્ટ્સનું સંતુલન ધરાવતી સિસ્ટમ બનાવી રહી છે, જેમાં પુનરાવર્તિત કોડિંગ કે ટેસ્ટિંગ આર્ટિફિશિયલ ઇન્ટેલિજન્સ કરે છે અને માનવશક્તિ જજમેન્ટ અને આર્કિટેક્ચર પર ધ્યાન આપે છે.
એમ્ફિસિસ તેના ટ્રિયા- પ્લેટફોર્મ અને કેનેડા આધારિત થિયરી અને પ્રેક્ટિશના બીઆઈના સંપાદનના માધ્યમથી બેંકો અને રિટેલર્સ માટે સચોટ નિર્ણયો લેવામાં આર્ટિફિશિયલ ઇન્ટેલિજન્સ કામ કરી રહ્યું છે. માત્ર સોફ્ટવેર બનાવવાને બદલે કંપનીઓ સ્પેસિફિક ડેટા ક્લીનિંગ, આર્ટિફિશિયલ ઇન્ટેલિજન્સ આધારિત ગવર્નન્સ, સિસ્ટમ મોડર્નાઇઝેશન અને વિશિષ્ટ ઓટોમેશન સોફ્ટવેર બનાવીને પ્રોપ્રેઇટરી આર્ટિફિશિયલ ઇન્ટેલિજન્સ સોલ્યુશન્સ વેચી રહી છે.
કર્મચારીઓનું સ્કિલિંગ અને આર્ટિફિશિયલ ઇન્ટેલિજન્સ રેવન્યુ: ટીસીએસ, વિપ્રો અને એચસીએલ ટેક્નોલોજીસ જેવી કંપનીઓ પોતાના ૨૦ ટકાથી ૬૦ ટકા કર્મચારીઓને આર્ટિફિશિયલ ઇન્ટેલિજન્સ સ્કિલમાં તાલીમ આપી ચૂકી છે. ઇન્ફોસિસના નંદન નિલકેણીનું કહેવું છે કે ૨૦૩૦ સુધીમાં આર્ટિફિશિયલ ઇન્ટેલિજન્સ ફર્સ્ટ સર્વિસ માર્કેટ $૩૦૦ થી $૪૦૦ બિલિયનનું બનવાની વિશાળ તક છે. હાલમાં ટીસીએસની કુલ આવકમાંથી 3 બિલિયન ડૉલર અને એચસીએલ ટેક્નોલોજિસની આવકના 6 ટકા સીધા આર્ટિફિશિયલ ઇન્ટેલિજન્સ સંબંધિત પ્રોજેક્ટ્સમાંથી આવી રહ્યા છે. એચસીએલ ટેક્નોલોજીએ એન્થ્રોપિકના ક્લૉડે સાથે એજન્ટિક આર્ટિફિશિયલ ઇન્ટેલિજન્સ માટે ભાગીદારી પણ કરી લીધી છે.
