ચાર્ટર્ડ એકાઉન્ટન્ટનની ઓફિસમાં ઇન્ટર્ન તરીકે કામ કરનારાઓને 90 ટકા સ્ટાઈપેન્ડ સરકાર આપશે
ચાર્ટર્ડ એકાઉન્ટન્ટ માટે પ્રધાનમંત્રીની ઇન્ટર્નશીપ સ્કીમ જાહેર થઈઃ ડાયરેક્ટ બેનિફિટ ટ્રાન્સફરથી સરકાર ઇન્ટર્નના ખાતામાં નાણાં જમા કરાવી દેશે
પ્રધાનમંત્રી ઇન્ટર્નશીપ યોજના હેઠળ ભારત સરકાર નાના નાના ચાર્ટર્ડ એકાઉન્ટન્ટ્સને ત્યાં કામ કરનારા ઇન્ટર્નને તેમના રૂ. 9000ના પગારમાંથી 90 ટકા પગાર ચૂકવી આપશે. ચાર્ટર્ડ એકાઉન્ટન્ટ જૈનિક વકીલનું કહેવું છે કે નાના નાના શહેરોમાં આવેલી ચાર્ટર્ડ એકાઉન્ટન્ટની નાની નાની પેઢીમાં કામ કરતાં ઇન્ટર્નને પણ તેનો લાભ મળશે. અત્યાર સુધી મોટી પનીઓ અને કોર્પોરેટ સંસ્થાઓ આ યોજનાનો લાભ લેતી હતી. હવે ભારત ભરમાં આવેલા નાના નાના ચાર્ટર્ડ એકાઉન્ટન્ટને પણ તેનો લાભ મળી શકશે.
જૂના નિયમ મુબજ ચાર્ટર્ડ એકાઉન્ટન્ટની કંપનીઓ તેમની પાસેના કોર્પોરેટ સોશિયલ રિસ્પોન્સિબિલિટી હેઠળના ભંડોળમાંથી ઇન્ટર્ન તરીકે કામ કરતાં ચાર્ટર્ડ એકાઉન્ટન્ને સ્ટાઈપેન્ટની ચૂકવણી કરવામાં આવતી હતી. આ પેઢીઓ માલિકીની પેઢી તરીકે કે પછી પ્રોપરાઈટરશીપ એટલ કે ભાગીદારી કે પછી માલિકીની પેઢી તરીકે કામ કરતી હોવાથી તેમના પાસે કોર્પોરેટ સોશિયલ રિસ્પોન્સિબિલિટીનું કોઈ જ બજેટ રહેતું નહોતું.
ભારત સરકારે હવે આ નિયમમાં ખાસ્સી રાહત આપી દીધી છે. સરકારના પ્રસ્તુત નિર્ણયને પરિણામે ગુજરાત અને ભારતની ચાર્ટર્ડ એકાઉન્ટન્ટની હજારો પેઢીઓને સરકાર તરફથી લાભ મળવાના દરવાજા ખૂલી ગયા છે. પ્રધાનમંત્રી ઇન્ટર્નશીપ યોજનાનો મૂળભૂત હેતુ યુવાનોને વ્યાવસાયિક વાતાવરણાં તાલીમ મળતી થાય તે જોવાનો છે. તેની સાથે ચાર્ટર્ડ એકાઉન્ટન્ટની પેઢીને કુશળ માનવબળ આસાનીથી મળતું થશે. તેમાંય ખાસ કરીને ટીયર – 2 અને ટીયર-3 કેટેગરીના શહેરોમાં આવેલી ચાર્ટર્ડ એકાઉન્ટન્ટની નાના નાની પેઢીઓને પણ તેનો લાભ મળતો થશે.
ભારત સરકારના પ્રસ્તુત પ્રસ્તાવને પરિણામે ચાર્ટર્ડ એકાઉન્ટન્ટની પેઢીઓને પ્રધાનમંત્રી ઇન્ટર્નશીપ યોજના હેઠળ ઇન્ટર્નશીપ કરનારાઓને ટેક્સ ઓડિટ, સ્ટેચ્યુટરી ઓડિટ, જીએસટી કોમ્પ્લાયન્સ અને ઇન્કમટેક્સના રિટર્ન ફાઈલિંગ અને કરકપાત-ટીડીએસના કોમ્પ્લાયન્સમાં તથા અન્ય વ્યાવસાયિક કામોમાં પ્રેક્ટિકલ તાલીમ મળી શકશે. આ યુવાનોને વ્યાવસાયિક અનુભવ સરળતાથી મળતો થાય તે પણ સરકારની ગણતરી છે. આ માટે આપવા પડતા માસિક સ્ટાઈપેન્ડમાં સરકારનો હિસ્સો 90 ટકાનો અને ચાર્ટર્ડ એકાઉન્ટન્ટની પેઢીનો ફાળો દસ ટકાનો રહેશે. ચાર્ટર્ડ એકાઉન્ટન્ટની પેઢીએ તેમના સામાન્ય બિઝનેસ ફંડમાંથી આ નાણાં કાઢવા પડશે. દરેક નવા ચાર્ટર્ડ એકાઉન્ટન્ટને માસિક રૂ. 9000નું સ્ટાઈપેન્ટ આપવામાં આવશે.
