જુલાઈમાં યુપીઆઈના માધ્યમથી રૂ. 29.88 લાખ કરોડના વહેવારો થયા
જુલાઈમાં યુપીઆઈના માધ્યમથી રૂ. 29.88 લાખ કરોડના વહેવારો થયા
યુપીઆઈના માસિક વોલ્યુમમાં નવો રેકોર્ડ બનાવ્યો; જુલાઈમાં ટ્રાન્ઝેક્શન 4.1 ટકા વધીને 23.66 અબજ થઈ ગયા
જૂનની સરખામણીમાં ટ્રાન્ઝેક્શન વોલ્યુમમાં 4.1 ટકા અને વાર્ષિક ધોરણે 22 ટકાનો વધારો નોંધાયો છે, કારણ કે રોજિંદા ડિજિટલ પેમેન્ટ્સ અને મેટ્રોપોલિટન શહેરો સિવાયના બજારોમાં વધતા અપનાવે આ વૃદ્ધિને ટેકો આપ્યો છે. આઈએમપીએસ (IMPS) હેઠળ, સરેરાશ દૈનિક ટ્રાન્ઝેક્શન મૂલ્ય જૂનમાં રૂ. 22,551 કરોડથી વધીને જુલાઈમાં 22,958 કરોડ થયું છે.
નેશનલ પેમેન્ટ્સ કોર્પોરેશન ઓફ ઇન્ડિયા (NPCI) દ્વારા શેર કરવામાં આવેલા ડેટા અનુસાર, યુનિફાઇડ પેમેન્ટ્સ ઇન્ટરફેસ (UPI) ટ્રાન્ઝેક્શન્સે જુલાઈ 2026 માં ₹29.88 ટ્રિલિયન (લાખ કરોડ) ના 23.66 અબજ ટ્રાન્ઝેક્શન સાથે અત્યાર સુધીનું સૌથી વધુ માસિક વોલ્યુમ નોંધાવ્યું હતું. જૂનની સરખામણીમાં ટ્રાન્ઝેક્શન વોલ્યુમમાં 4.1 ટકા અને ટ્રાન્ઝેક્શન મૂલ્યમાં 3.3 ટકાનો વધારો થયો છે. કૅશ-ફ્રી પેમેન્ટ્સના કો-ફાઉન્ડરના સૂત્રોએ જણાવ્યું હતું કે, “જુલાઈમાં કોઈ તહેવાર કે ખાસ સીઝન ન હતી, જેનો અર્થ એ થાય છે કે આ વૃદ્ધિ કોઈ મોસમી કે માળખાકીય ઘટનાને બદલે ચોખ્ખી રીતે ઓર્ગેનિક, રોજિંદા ટ્રાન્ઝેક્શન વર્તણૂક દ્વારા સંચાલિત થઈ રહી છે.” જોકે દેશભરમાં વરસાદને લગતી આગાહીઓને પરિણામે પણ બહાર જઈને ખરીદી કરવાને બદલે લોકોએ ઘરમાં જ રહીને ખરીદી કરી હોવાની શક્યતાને કારણે પણ ટ્રાન્ઝેક્શન વધી ગયા હોવાની સંભાવના રહેલી છે. જોકે ગયા વર્ષના સમાન સમયગાળાની સરખામણીમાં ટ્રાન્ઝેક્શન વોલ્યુમમાં 22 ટકાનો ઉછાળો આવ્યો હતો, જ્યારે મૂલ્યમાં 19 ટકાનો વધારો થયો હતો.
જોકે સૌથી મહત્વપૂર્ણ પરિવર્તન મેટ્રો શહેરોથી આગળ થઈ રહ્યું છે. ટિયર 2, ટિયર 3 અને ગ્રામીણ બજારોમાં, યુપીઆઈ ક્યારેક-ક્યારેક ઉપયોગમાં લેવાતા વિકલ્પમાંથી વધીને રોજિંદા ટ્રાન્ઝેક્શનનો એક ભાગ બની રહ્યું છે. ગ્રાહકો તેનો ઉપયોગ સ્થાનિક ખરીદી, રિચાર્જ, બિલ ચુકવણી અને નાણાં ટ્રાન્સફર માટે કરી રહ્યા છે. ઇમિડિએટ પેમેન્ટ સર્વિસ (IMPS) ટ્રાન્ઝેક્શન વોલ્યુમ જુલાઈમાં 3 ટકા વધીને 364 મિલિયન થયું હતું, જે જૂનમાં 354 મિલિયન અને મે મહિનામાં 358 મિલિયન હતું. મૂલ્યની દ્રષ્ટિએ, ટ્રાન્ઝેક્શન 5 ટકાથી વધુ વધીને રૂ. 7.12 ટ્રિલિયન એટલે કે 7.12 લાખ કરોડનું થયું હતું, જે જૂનમાં રૂ. 6.77 ટ્રિલિયન અને મે મહિનામાં રૂ. 6.96 ટ્રિલિયનમાં હતું. ગયા વર્ષના જુલાઈની સરખામણીમાં, ટ્રાન્ઝેક્શન વોલ્યુમમાં 24 ટકાનો ઘટાડો થયો છે, જ્યારે મૂલ્યમાં 13 ટકાનો વધારો થયો છે.
આઈએમપીએસ (IMPS) હેઠળ, સરેરાશ દૈનિક ટ્રાન્ઝેક્શન મૂલ્ય જૂનમાં રૂ. 22,551 કરોડથી વધીને જુલાઈમાં ₹22,958 કરોડ થયું હતું. દૈનિક ટ્રાન્ઝેક્શન વોલ્યુમ 11.75 મિલિયન રહ્યું હતું, જે જૂનમાં 11.8 મિલિયનથી થોડું ઓછું છે. જુલાઈમાં ફાસ્ટેગ (FASTag) ટ્રાન્ઝેક્શન 4 ટકા ઘટીને 347 મિલિયન થયા હતા, જે જૂનમાં 362 મિલિયન અને મે મહિનામાં 375 મિલિયન હતા. ટ્રાન્ઝેક્શન મૂલ્ય જૂનમાં રૂ. 7,215 કરોડ અને મે મહિનામાં રૂ. 7,308 કરોડથી થોડું ઘટીને રૂ. 7,143 કરોડ થયું હતું.
સરેરાશ દૈનિક ફાસ્ટેગ ટ્રાન્ઝેક્શન વોલ્યુમ જૂનમાં 12.06 મિલિયન અને મે મહિનામાં 12.1 મિલિયનથી ઘટીને 11.21 મિલિયને પહોંચ્યું હતું. સરેરાશ દૈનિક ટ્રાન્ઝેક્શન મૂલ્ય પણ જૂનના રૂ. 240 કરોડથી ઘટીને રૂ. 230 કરોડ થયું હતું. આધાર સક્ષમ ચુકવણી પ્રણાલી (AePS) ના ટ્રાન્ઝેક્શન જુલાઈમાં 3 ટકા વધીને 100 મિલિયન થયા હતા, જે જૂનમાં 97 મિલિયન અને મે મહિનામાં 88 મિલિયન હતા. ટ્રાન્ઝેક્શન મૂલ્ય જૂનમાં રૂ. 26,051 કરોડ અને મે મહિનામાં રૂ. 25,247 કરોડથી વધીને રૂ. 27,539 કરોડ થયું હતું.
