શેરના ભાવ ઊછાળવાનું કૌભાંડઃ કોર ડિજિટલના એમડી રવીન્દ્ર દોશી અને તેમના પુત્ર ચૈતન્ય દોશી પર સેબીનો આજીવન પ્રતિબંધ
શેરના ભાવ ઊછાળવાનું કૌભાંડઃ કોર ડિજિટલના એમડી રવીન્દ્ર દોશી અને તેમના પુત્ર ચૈતન્ય દોશી પર સેબીનો આજીવન પ્રતિબંધ
સેબીના નિર્ણય પછી એનએસઈ કોર ડિજિટલનો શેર ૧૦ ટકા તૂટીને રૂ. ૭૮.૭૫ પર પહોંચી ગયોઃ ખોટા ખુલાસાઓ દ્વારા કંપનીના શેરના ભાવમાં કૃત્રિમ રીતે ભારે ઉછાળો લાવવામાં આવ્યો હતો.
ઓડિટમાં ગંભીર બેદરકારી દાખવનાર ઓડિટર જે.એન. ગુપ્તા એન્ડ કંપની અને અન્ય સીએ સામે યોગ્ય કાર્યવાહી કરવા મામલો નેશનલ ફાઇનાન્શિયલ રિપોર્ટિંગ ઓથોરિટીને સોંપ્યો
અમદાવાદ: નાણાકીય હિસાબોમાં રૂ. ૫૪૧ કરોડની સરાસર ગડબડ કરવા, બેંક બુક્સમાં બોગસ એન્ટ્રીઓ પાડવા અને શેરધારકોને ગેરમાર્ગે દોરીને ભંડોળની હેરાફેરી કરવાના ગંભીર કૌભાંડ બદલ માર્કેટ રેગ્યુલેટર ‘સેબી’એ કોર ડિજિટલ લિમિટેડના મેનેજિંગ ડિરેક્ટર રવીન્દ્ર દોશી, તેમના પુત્ર ચૈતન્ય દોશી અને કશ્મીરા દોશી સામે સખત શિક્ષાત્મક પગલાં લઈને રવીન્દ્ર દોશી અને તેમના પુત્ર ચૈતન્ય દોશી સહિત તમામ મુખ્ય અધિકારીઓને શેરબજારમાં કોઈપણ પ્રકારનું કામકાજ કરવા, શેર ખરીદવા કે વેચવા પર તત્કાલ અસરથી સંપૂર્ણ પ્રતિબંધ લાદી દીધો છે. ઉપરાંત કંપનીને જાહેર જનતા પાસેથી ભંડોળ એકત્રિત કરવા કે પ્રોસ્પેક્ટસ બહાર પાડવા પર પણ રોક લગાવી દેવામાં આવી છે. સેબીએ કંપનીના ૧૪ જૂન ૨૦૨૩થી ૩૧ માર્ચ ૨૦૨૬ સુધીના તમામ હિસાબી ચોપડાઓનું ફોરેન્સિક ઓડિટ કરવાનો આદેશ આપ્યો છે. સેબીના આ આકરા નિર્ણયને પગલે નેશનલ સ્ટોક એક્સચેન્જ પર કોર ડિજિટલનો શેર ૧૦ ટકા તૂટીને ૫૨ સપ્તાહની નીચલી સપાટી રૂ. ૭૮.૭૫ પર પહોંચી ગયો છે.
બોગસ સબ્સિડિયરી કંપનીઓ ઊભી કરી રૂ. ૫૪૧ કરોડની આવકનું બનાવટી ચિત્ર ઊભું કર્યું
સેબીના હોલ-ટાઇમ મેમ્બર કમલેશ ચંદ્ર વાર્ષ્ણેય દ્વારા જારી કરવામાં આવેલા વચગાળાના આદેશ મુજબ, કંપનીએ નાણાકીય વર્ષ ૨૦૨૨-૨૩માં રૂ. ૨૧.૨૭ કરોડની આવક દર્શાવી હતી, જે ૨૦૨૫-૨૬માં ઉછાળીને રૂ. ૪૦૮ કરોડ બતાવી હતી. તપાસમાં બહાર આવ્યું કે ફ્રેન્કન ટેલિકોમ, વોલ્ટર ઇન્ફ્રાટેક અને કેડીએલ રિયલઇન્ફ્રા નામની ત્રણ સબ્સિડિયરી-પેટા કંપનીઓ દ્વારા મેળવેલી આવક સાવ બનાવટી હતી. કંપનીએ નાણાકીય વર્ષ ૨૦૨૪-૨૫ અને ૨૦૨૫-૨૬ દરમિયાન દર્શાવેલી કુલ આવકના આશરે ૭૩ ટકા એટલે કે રૂ. ૫૪૧.૩૦ કરોડની આવક તદ્દન ખોટી અને હેરાફેરી વાળી હતી. આ સબ્સિડિયરી કંપનીઓની ખરીદીના થોડા સમય પહેલા જ સ્થાપના કરવામાં આવી હતી અને તેમના નોંધાયેલા સરનામા પણ એક જ હતા. વળી, જીએસટી રજિસ્ટ્રેશન પણ ટૂંક સમયમાં રદ થઈ ગયા હતા.
ઓડિટ રિપોર્ટમાં સહી-સિક્કાની જાલી સહી અને ચાર્ટર્ડ એકાઉન્ટન્ટના નામે ગોટાળા
તપાસ દરમિયાન ઓડિટ રિપોર્ટ્સમાં ગંભીર ગડબડો સામે આવી છે. ચાર્ટર્ડ એકાઉન્ટન્ટ રિયા ગોયલે ખુલાસો કર્યો હતો કે તેમણે માત્ર પ્રોવિઝનલ નાણાકીય નિવેદનો પ્રમાણિત કર્યા હતા અને કંપનીનો સત્તાવાર ઓડિટ રિપોર્ટ તૈયાર કર્યો નહોતો. કોર ડિજિટલ અને તેના સ્ટેચ્યુટરી ઓડિટર જે.એન. ગુપ્તા એન્ડ કંપની દ્વારા રજૂ કરવામાં આવેલા ઓડિટ રિપોર્ટમાં સીએના બોગસ સિક્કા અને બનાવટી સહીઓ કરવામાં આવી હોવાનું સામે આવ્યું છે. ઉપરાંત કંપનીના ચોપડા અને બેંક સ્ટેટમેન્ટ્સમાં પણ ભારે વિસંગતતા જોવા મળી હતી. બેંક બુકમાં કૌભાંડી રવીન્દ્ર દોશી અને કાશવી ઇન્ફ્રાપ્રોજેક્ટ્સ પાસેથી નાણાં મળ્યા હોવાની ખોટી એન્ટ્રીઓ દર્શાવવામાં આવી હતી.
પ્રેફરેન્શિયલ ઇશ્યુના રૂ. ૪૦ કરોડના ભંડોળની બારોબાર સબડિડિયરીમાં હેરાફેરી
માર્ચ ૨૦૨૪ માં કંપનીએ વર્કિંગ કેપિટલ અને બિઝનેસના વિસ્તારના નામે પ્રેફરેન્શિયલ શેર્સ અને વોરન્ટ્સ દ્વારા રૂ. ૪૦.૦૫ કરોડ એકત્ર કર્યા હતા. કાયદાકીય રીતે આ ભંડોળ કંપનીના વિકાસ માટે વાપરવાનું હતું, પરંતુ રવીન્દ્ર દોશી અને કંપનીના સંચાલકોએ આમાંથી રૂ. ૭.૫૨ કરોડ ‘એસડી સ્ક્વેર મેનપાવર’ અને રૂ. ૪.૬૨ કરોડ ‘કાશવી ઇન્ફ્રાપ્રોજેક્ટ્સ’ નામની બોગસ એન્ટિટીઝમાં બારોબાર ટ્રાન્સફર કરી દીધા હતા. એનએસઈ દ્વારા હાથ ધરવામાં આવેલા સરપ્રાઈઝ સ્થળ તપાસમાં આ સરનામા પર કોઈ ઓફિસ કે કામકાજ અસ્તિત્વમાં જ ન હોવાનું સામે આવ્યું હતું.
વોડાફોન આઇડિયા અને એરટેલ જેવી જાણીતી કંપનીઓના નામે ખોટું બિલિંગ દર્શાવ્યું
કંપનીએ પોતાના નાણાકીય પરિણામો સુધારીને સ્ટોક એક્સચેન્જ પર એસએમઈ પ્લેટફોર્મ પરથી મેઈન બોર્ડ પર જવા માટે મોટા ગ્રાહકોના નામે પણ ખોટી આવક દર્શાવી હતી. વોડાફોન આઇડિયા પાસેથી રૂ. ૧૩.૪૮ કરોડની આવક દર્શાવી હતી, પરંતુ વોડાફોને સ્પષ્ટ કર્યું કે આ સમયગાળા દરમિયાન કોર ડિજિટલ સાથે કોઈ આવક થઈ જ નહોતી. તેવી જ રીતે, ભારતી એરટેલ પાસેથી રૂ. ૨૪.૬૦ કરોડની આવક ચોપડે બતાવાઈ હતી, જ્યારે એરટેલે માત્ર રૂ. ૭.૨૧ કરોડની ખરીદી સ્વીકારી હતી. આ તમામ ખોટા ખુલાસાઓ દ્વારા કંપનીના શેરના ભાવમાં કૃત્રિમ રીતે ભારે ઉછાળો લાવવામાં આવ્યો હતો.
એનએસઈને મેઈન બોર્ડ પર માઈગ્રેશન અટકાવવા અને ઓડિટર્સ સામે કાર્યવાહીનો આદેશ
સેબીએ નેશનલ સ્ટોક એક્સચેન્જને સ્પષ્ટ નિર્દેશ આપ્યો છે કે જ્યાં સુધી સેબીની મંજૂરી ન મળે ત્યાં સુધી કોર ડિજિટલને ‘એમર્જ પ્લેટફોર્મ’ પરથી મેઈન બોર્ડ પર જવા દેવામાં આવશે નહીં. ઉપરાંત ઓડિટમાં ગંભીર બેદરકારી દાખવનાર અને શંકાસ્પદ ભૂમિકા ભજવનાર ઓડિટર જે.એન. ગુપ્તા એન્ડ કંપની અને અન્ય સીએ સામે યોગ્ય કાર્યવાહી કરવા માટે સમગ્ર મામલો નેશનલ ફાઇનાન્શિયલ રિપોર્ટિંગ ઓથોરિટી (NFRA) ને સોંપવામાં આવ્યો છે. રોકાણકારોના હિતમાં સેબીએ આ તમામ વચગાળાના આદેશો તત્કાલ અસરથી અમલી બનાવ્યા છે.
Tags: 541 crore financial fraud Chaitanya Doshi stock ban Fake audit report SEBI Fake CA signature audit Fake subsidiaries Kore Digital Franken Telecom fraud Indian share market fraud JN Gupta Co audit fraud Kamlesh Chandra Varshney order Kashmira Doshi SEBI order Kashvee Infraprojects fraud KDL Realinfra scam Kore Digital 52 week low Kore Digital bank book fraud Kore Digital fraud news Kore Digital revenue misstatement Kore Digital share crash Kore Digital SME platform NFRA auditor investigation NFRA ઓડિટર કાર્યવાહી NSE Emerge main board ban NSE Kore Digital migration ban NSE એમર્જ પ્લેટફોર્મ NSE કોર ડિજિટલ બૅન Preferential issue fund diversion Ravindra Doshi SEBI ban SD Square Manpower scam SEBI forensic audit order SEBI interim order 2026 SEBI investor protection SEBI securities market ban SME થી મેઈન બોર્ડ રોક Stock fraud news Gujarat Stock market ban SEBI Vodafone Airtel fake billing Wolter Infratech scam અમદાવાદ શેરબજાર કૌભાંડ એસડી સ્ક્વેર મેનપાવર કમલેશ ચંદ્ર વર્ષ્ણેય આદેશ કશ્મીરા દોશી સેબી આદેશ કાશવી ઇન્ફ્રાપ્રોજેક્ટ્સ સ્કેમ કેડીએલ રિયલઇન્ફ્રા સ્કેમ કોર ડિજિટલ એમઆઈજી રોક કોર ડિજિટલ કૌભાંડ કોર ડિજિટલ શેર ભાવ કોર ડિજિટલ સબ્સિડિયરી સ્કેમ ગુજરાત બિઝનેસ ન્યૂઝ ચૈતન્ય દોશી શેરબજાર બૅન જેએન ગુપ્તા ઓડિટર ફ્રોડ પ્રેફરેન્શિયલ ઇશ્યુ ફંડ હેરાફેરી ફ્રેન્કન ટેલિકોમ ફ્રોડ બનાવટી ઓડિટ રિપોર્ટ બનાવટી સીએ સહી સિક્કા બેંક સ્ટેટમેન્ટ ગોટાળા રવીન્દ્ર દોશી સેબી પ્રતિબંધ વોડાફોન એરટેલ ફેક બિલિંગ વોલ્ટર ઇન્ફ્રાટેક ફ્રોડ શેરબજાર ગ્રાહક હિત સેબી શેરબજાર ફ્રોડ ન્યૂઝ સેબી આકરા પગલાં સેબી ફોરેન્સિક ઓડિટ સેબી વચગાળાનો આદેશ સેબી શેરબજાર પ્રતિબંધ સ્ટોક માર્કેટ સ્કેમ ગુજરાત ૫૪૧ કરોડ બોગસ આવક
