અકુટાસ કેમ અને એશિયન પેઈન્ટ્સમાં રોકાણ કરી શકાય

એશિયન પેઇન્ટ્સ શેર્સમાં લેણ કરી શકાય

એશિયન પેઇન્ટ્સ ભારતીય ડેકોરેટિવ પેઇન્ટ્સ ક્ષેત્રે પોતાની મજબૂત બ્રાન્ડ વેલ્યુ, વિશાળ ડિસ્ટ્રિબ્યુશન નેટવર્ક અને ઉત્પાદન ક્ષમતાને કારણે અગ્રણી સ્થાન ધરાવે છે. FY27 ના પ્રથમ ત્રિમાસિક ગાળામાં (Q1) કંપનીની કામગીરીમાં સુધારો જોવા મળ્યો છે, જેમાં એકીકૃત આવક ૧૭.૯ ટકા વધીને રૂ. ૧૦,૫૪૨ કરોડ થઈ છે અને વોલ્યુમ ગ્રોથ ૯ ટકાનો રહ્યો છે.

એશિયન પેઈન્કંટ પાસે રૂ. ૭,૩૬૦ કરોડની રોકડ અને નેટ સરપ્લસ બેલેન્સ શીટ છે. ગુજરાતમાં ભરૂચ નજીક દહેજ ખાતે VAM/VAE પ્રકલ્પ દ્વારા કાચા માલનું ઇન-હાઉસ ઉત્પાદન શરૂ થવાથી માર્જિનમાં ફાયદો થશે, જે ભવિષ્યમાં નફાકારકતા જાળવી રાખવામાં મદદ કરશે. એશિયન પેઈન્ટ્સ પ્રીમિયમ ઇમલ્સન, વોટરપ્રૂફિંગ અને વુડ ફિનિશ જેવા નવા ઉત્પાદનોનો કુલ વેચાણમાં ૧૬ ટકા હિસ્સો છે.

ભારતમાં પ્રતિ વ્યક્તિ પેઇન્ટનો વપરાશ માત્ર ૩.૫ કિગ્રા છે (વૈશ્વિક સરેરાશ ૧૦ કિગ્રા), જે લાંબા ગાળા માટે ઉદ્યોગમાં વૃદ્ધિની વિશાળ શક્યતાઓ દર્શાવે છે. જોકે, બિરલા ઓપસ અને જેએસડબ્લ્યુ ડ્યુલક્સ જેવા નવા સ્પર્ધકોના આગમનથી માર્કેટ શેર જાળવી રાખવા વિતરણ અને માર્કેટિંગ ખર્ચ વધારવો પડી રહ્યો છે. 

હાલમાં શેર ₹૨,૪૭૦ ના સ્તરે અને ~૫૦ ના P/E મલ્ટિપલ પર ટ્રેડ થઈ રહ્યો છે. સ્પર્ધાત્મક દબાણ અને કાચા માલના ભાવમાં વધારા છતાં, કંપનીની લાંબા ગાળાની સ્થિતિ મજબૂત છે. તેથી, નવા રોકાણકારો માટે અત્યારે જોખમ-વળતરનું પ્રમાણ થોડું પડકારજનક હોવાથી નવી ખરીદી કરવાને બદલે પ્રવર્તમાન રોકાણકારોએ શેર જાળવી રાખવો (HOLD) એ યોગ્ય વ્યૂહરચના રહેશે.