તગડું વળતર આપવાને સમર્થ ત્રણ શેર્સ પર નજર રાખી શકાય
બ્રોકરેજ હાઉસ મોતીલાલ ઓસવાલે ACME સોલર હોલ્ડિંગ્સ, કલ્યાણ જ્વેલર્સ અને વી-માર્ટ રિટેલ પર રેટિંગ પોઝિટિવ રાખીને તેમાં લેણ કરવાની સલાહ આપી છે. બ્રોકરેજ હાઉસના મતે આ શેરોમાં વર્તમાન સ્તરથી 45 ટકા સુધી વધારો આવવાની ક્ષમતા છે.
આ ત્રણ શેર્સમાં એક્મે સોલાર હોલ્ડિંગ્સમાં 45 ટકાનો, કલ્યાણ જ્વેલર્સમાં અંદાજે 35 ટકાનો અને વી માર્ટ રિટેઈલમાં આશરે 33 ટકાનો વધારો થવાની સંભાવના છે. આ શેર્સના ટાર્ગેટ ભાવ નીચે મુજબ છે.
| કંપની | ટાર્ગેટ પ્રાઈસ (રૂ.) | રોકાણ પર વળતરની શક્યતા (Upside) |
| ACME સોલર હોલ્ડિંગ્સ | 410 | આશરે 45% |
| કલ્યાણ જ્વેલર્સ | 575 | આશરે 35% |
| વી-માર્ટ રિટેલ | 900 | આશરે 33% |
બ્રોકરેજ દ્રષ્ટિકોણના મુખ્ય કારણોમાં નીચેની બાબતોનો સમાવેશ થાય છે.
- ACME સોલર: રિન્યુએબલ પાઇપલાઇન અને બેટરી સ્ટોરેજ
મોતીલાલ ઓસવાલના રિપોર્ટ મુજબ, ACME સોલર તેની વધતી જતી પ્રોજેક્ટ પાઇપલાઇન અને બેટરી એનર્જી સ્ટોરેજ પ્લાન્સને કારણે રિન્યુએબલ એનર્જી ક્ષેત્રનો મજબૂત શેર છે. નાણાકીય વર્ષ 2026 દરમિયાન કંપની 450 મેગાવોટ ક્ષમતા કાર્યરત કરે તેવી અપેક્ષા છે. કંપની નાણાકીય વર્ષ 2027 સુધીમાં 10 ગીગાવોટ કલાકની બેટરી સ્ટોરેજ ક્ષમતાનું લક્ષ્ય ધરાવે છે.
- કલ્યાણ જ્વેલર્સ: વિસ્તરણ અને દેવામાં ઘટાડો
કંપની તેના ફ્રેન્ચાઈઝી મોડલ અને દક્ષિણ ભારતની બહારના બજારોમાં મજબૂત હાજરીનો લાભ મેળવી રહી છે. કંપનીએ નાણાકીય વર્ષ 2026 દરમિયાન આશરે રૂ. 560 કરોડનું દેવું ચૂકવ્યું છે અને નાણાકીય વર્ષ 2027 સુધીમાં સંપૂર્ણપણે દેવામુક્ત (નોન-ગોલ્ડ મેટલ લોન ફ્રી) થવાનું લક્ષ્ય રાખ્યું છે.
- વી-માર્ટ રિટેલ: નફાકારકતામાં સુધારો
વી-માર્ટને અસંગઠિત રિટેલમાંથી સંગઠિત રિટેલ તરફ વળતા ગ્રાહકોનો મોટો ફાયદો મળી રહ્યો છે. ઓનલાઇન બિઝનેસમાં ઘટતી જતી ખોટ અને સ્ટોર્સની ઉત્પાદકતામાં સુધારાને કારણે કંપનીના માર્જિનમાં વધારો થયો છે. પશ્ચિમ એશિયાના સંઘર્ષને કારણે કાચા માલના ભાવમાં વધારો એક જોખમ છે, પરંતુ લાંબા ગાળા માટે સ્થિતિ હકારાત્મક છે.
