આજે શેરબજારમાં શું કરશો?

ફંડામેન્ટલ્સની દ્રષ્ટિએ આજે શેરબજારમાં ટ્રેડ કરવાને લાયક કે પછી ઇવેસ્ટ કરવાના લાયક શેર્સમાં ટાટા કન્સલ્ટન્ટી સર્વિસિસ-Tata Consultancy Services (TCS)નો સમાવેશ થાય છે. 29મી જાન્યુઆરીએ બજાર બંદ રહ્યું ત્યારે તેનો ભાવ રૂ. 3100થી 3150ની રેન્જમાં રહ્યો હતો. બ્રોકરેજ કંપની મેક્વારીએ શેરનો ભાવ વધીને રૂ. 4810ના મથાળે જવાની સંભાવના વ્યક્ત કરી છે. અન્ય વિશ્લેષકોના મતાનુસાર ટીસીએસના શેરનો ભાવ 13થી 18 ટકા વધીને રૂ. 3618 સુધી પહોંચે તેવી શક્યતા છે. ટીસીએસ ભારતની મોટામાં મોટી આઈટી કંપની છે. વિશ્વસ્તરના ક્લાયન્ટ્સ ધરાવે છે. ક્લાયન્ટ્સમાં ખાસ્સી વિવિધતા છે. વિશ્વસ્તરે ડિજટલ ટ્રાન્સફોર્મેશનની મજબૂત ડિમાન્ડ ઊભી થઈ છે. કંપની પાસે રોકડનો મજબૂત પ્રવાહ છે જે તેની આર્થિક સંગીનતાનો નિર્દેશ આપે છે. કંપની છેલ્લા વીસ વર્ષથી સતત ડિવિડંડ આપતી આવેલી કંપની છે. આર્ટિફિશિયલ ઇન્ટેલિજન્સ અને ક્લાઉડ સર્વિસની ડિમાન્ડ વધતા કંપની તેની સેવાઓનું ફલક વિસ્તારી રહી છે. મંદીના માહોલ વચ્ચે પણ કંપનીને તેની સર્વિસના માધ્યમથી સ્થિર આવક થઈ રહી છે. કંપનીઓ દ્વારા ઇન્ફોર્મેશન ટેક્નોલોજી પાછળ ખર્ચ કરવાનું ચાલુ રહેતા ટીસીએસના કામકાજમાં વધારો થશે તે નિશ્ચિત છે. વિશ્વસ્તરે કંપનીઓ મૂડી ખર્ચ કરવામાં વધારો કરી રહી છે. તેથી આવકમાં રિકવરી આવી જવાની સંભાવના છે. જોકે આવકમાં ચઢાવ ઉતાર આવવાની સાઈકલને કંપનીના શેર્સમાં રોકાણ કરવાના જોખમ તરીકે જોઈ શકાય છે. ડિસેમ્બર 2025ના અંતે પૂરા થયેલા ત્રિમાસિક ગાળામાં કંપનીને થયેલો નફો ગયા વર્ષના ડિસેમ્બરમાં પૂરા થયેલા ત્રિમાસિક ગાળાના નફાની તુલનાએ ઓછો એટલે કે 14 ટકા જ થયો છે.

ફંડામેન્ટલ્સની દ્રષ્ટિએ રોકાણ કરવાને લાયક કે પછી ટ્રેડિંગ કરવાના લાયક બીજા શેરમાં બેન્કિંગ સેક્ટરના HDFC Bankના શેરનો સમાવેશ થાય છે. એચડીએફસી બેન્કના શેરનો વર્તમાન બજાર ભાવ રૂ. 935થી 940નો છે. સીએલએસએ- CLSA અન્ય બ્રોકરેજ હાઉસ એચડીએફસી બેન્કના શેરમાં લેવાલી કરવાની ભલામણ કરી રહ્યા છે. બજારના પરફોર્મન્સ કરતાં એચડીએફસી બેન્કના શેરનું પરફોર્મન્સ સારુ રહેવાની ધારણા મૂકવામાં આવી રહી છે. એચડીએફસી બેન્કના કરન્ટ એકાઉન્ટ અને સેવિંગ્સ એકાઉન્ટ(કાસા)માં ખાસ્સી ડિપોઝિટ પડી રહી છે. તેથી બેન્કનો સરેરાશ વ્યાજ ચૂકવવાનો દર નીચે આવે છે. બેન્કનો રિટેઈલ લોનનો પોર્ટફોલિયો સંગીન છે. બેન્કની વેલ્થ એકત્રિત થઈ રહી છે. એસેટ ક્વોલિટી મજબૂત છે. ભારતમાં થઈ રહેલી ધિરાણની વૃદ્ધિ બેન્ક માટે લાભદાયક છે. ક્રેડિટમાં વૃદ્ધિ થતાં બેન્કના ફંડામેન્ટલ્સ એટલે કે બેન્કના કામકાજમાં વધારો થશે. બેન્કનો લોન પોર્ટફોલિયો સંગીન બનશે. પરિણામે બેન્કની આવક અને નફામાં વધારો થશે. હા, એસેટ ક્વોલિટી અત્યારે તો સારી છે, એક મોટી લોન એનપીએમાં રૂપાંતરિત થાય તો તેને કારણે બેન્કના નફાના ગણિતો ખોરવાઈ શકે છે. આ એક જોખમી પરિબળ ગણી શકાય છે.

ઇલારા કેપિટના મતાનુસાર ફંડામેન્ટલ્સની દ્ર્ષ્ટીએ ત્રીજો મજબૂત શેર હોય તો તે કન્ઝ્યુમર ગુડ્સના સેક્ટરની કંપની Radico Khaitan-રાડિકો ખૈતાન છે. તેનો વર્તમાન બજાર ભાવ રૂ. 2959નો છે. બ્રોકિંગ હાઉસ કે પછી વિશ્લેષકોનું માનવું છે કે શેરનો ભાવ વધીને રૂ. 3500ના મથાળાને આંબી જાય તેવી સંભાવના છે. આમ તેના વર્તમાન ભાવમાં 18 ટકાનો સુધારો જોવા મળી શકે છે. ઇન્ડિયન સ્પિરિટને પ્રીમિયમ ભાવથી કંપની વેચી રહી છે. તેમ જ તેની બ્રાન્ડ્સનું વચર્સ જળવાઈ રહેલું છે. કંપનીનો રોકડનો પ્રવાહ મજબૂત છે. તેમ જ કંપનીના પ્રોડક્ટ્સ પરના માર્જિન પણ ખાસ્સા સારા છે. પ્રીમિયમ પીણાઓ પરના માર્જિનને કારણે રાડિકો ખૈતાનના શેરમાં તેજીનો વક્કર જળવાઈ રહેવાની શક્યતા છે.

ટેકનિકલ ચાર્ટની દ્રષ્ટિએ Axis Bank બેન્કના શેરમાં ડે ટ્રેડિંગ કરવું કે પછી ઇન્વેસ્ટમેન્ટ કરવું લાભદાયી સાબિત થઈ શકે છે. ડિસેમ્બર 2025માં પૂરા થયેલા ત્રિમાસિક ગાળામાં એક્સિસ બેન્કનો નફો તગડો રહ્યો હોવાથી વિશ્લેષકો તેમાં રોકાણ કરવાની ભલામણ કરી રહ્યા છે. એક્સિસ બેન્કના શેરનો વર્તમાન ભાવ રૂ. 1,333થી રૂ. 1,340ની રેન્જમાં છે. તેનો ભઆવ સુધરીને રૂ. 1463 અને તેનાથીય ઉપર રૂ. 1480 સુધી જઈ શકે છે. ડે ટ્રેડર માટે તેમાં સારી તક ઊભી થઈ રહી છે. આવકમાં વધારો થયા પછી એક્સિસ બેન્કના શેર્સના વોલ્યુમમાં સુધારો જોવા મળી રહ્યો છે. પરિણામે તેમાં વર્તમાન ભાવ સપાટીની ઉપરની તરફ બ્રેકઆઉટ જોવા મળી રહ્યું છે. આ હકીકત દર્શાવે છે કે ટૂંકા ગાળા માટેની આ એક મજબૂત સ્ક્રિપ છે. ટૂંકા ગાળાની તેજીને ટેકો મળે તેવી પેટર્ન તેના ચાર્ટમાં રચાઈ રહી છે.

ટેકનિકલ ચાર્ટની નજરે બીજો ટ્રેડિગ કે ઇન્વેસ્ટમેન્ટ કરવાને પાત્ર શેરમાં KEI Industriesના શેરનો સમાવેશ થાય છે. આ શેરનો વર્તમાન બજાર ભાવ રૂ. 3800નો છે. બ્રોકરેજ હાઉસ મોર્ગન સ્ટેન્લીના મતાનુસાર શેરનો ભાવ સુધરીને રૂ. 5220ના મથાળાને આંબી શકે છે. આમ તેના ભાવમાં 37 ટકાનો સુધારો કે વધારો જોવા મળી શકે છે. ઇલેક્ટ્રિકલ અને કેબલ ઇન્ફ્રાસ્ટ્રક્ચરના સેક્ટરમાં કામકાજ સતત વધી રહ્યા છે. કંપનીને નવા નવા ઓર્ડર્સ મળી રહ્યા છે. તેથી તેની આવક અને નફો વધવાની શક્યતાને કારણ તેના શેર્સના ભાવમાં સુધારો થવાની સંભાવના દેખાઈ રહી છે. આ મિડકેપ શેરમાં અફરાતફરીને કારણે ટ્રેડિંગ કરવાની સારામાં સારી તક છે. જોકે જોખમ લેવાની ક્ષમતા પ્રમાણે સ્ટૉપલૉસ રાખીને કામકાજ કરવું હિતાવહ છે.

કામકાજની દ્રષ્ટિએ અત્યારે નબળા ગણાતા બ્લુચિપ કંપનીના શેર્સમાં રિલાયન્સ ઇન્ડસ્ટ્રીઝ લિમિટેડ-Reliance Industries Limited (RIL)નો સમાવેશ થાય છે. ટૂંકા ગાળા માટે તેમાં નરમાઈ જોવા મળી શકે છે. રિલાયન્સના શેરનો વર્તમાન બજાર ભાવ રૂ. 1390ની આસપાસનો છે. તેનું માર્કેટ પરફોર્મન્સ અપેક્ષા કરતાં નબળું રહેવાની ધારણા રાખવામાં આવી રહી છે. કંપનીના ફંડામેન્ટલ્સ સારા હોવા છતાં માર્કેટમાં તેના શેર્સના ભાવ વધવાને બદલે 13 ટકાની આસપાસ ઘટ્યા છે. ટેકનિકલ ચાર્ટ દર્શાવે છે કે શેરના ભાવની 50થી 100 દિવસની વધઘટના સરેરાશ ભાવ રૂ. 1450થી રૂ. 1480ની રેન્જમાં પ્રતિકાર જોવા મળી રહ્યો છે. પરિણામે તેનાથી ઉપર જવાની હાલ તુરંત તો શક્યતા જણાતી નથી. કંપનીના ક્રૂડ ઓઈલથી માંડીને કેમિકલ્સના કામકાજ ચઢાવ ઉતારની સાઈકલમાંથી પસાર થઈ રહ્યા છે. બીજી તરફ ક્રૂડની રિફાઈનરીમાં કરવામાં આવતા રિફાઈનિંગના માર્જિન ઓછા થઈ રહ્યા છે. શેરબજારના ઇન્વેસ્ટર્સ અને ટ્રેડર્સનું ફોકસ પણ એનર્જી સેક્ટરની કંપનીઓ તરફથી ફંટાઈને બેન્ક અને ફાઈનાન્સ કંપનીઓના શેર્સ પર આવી ગયું છે. ફંડામેન્ટલ્સની દ્રષ્ટિએ આ શેર વેચી દેવા જેવો જરાય જણાતો નથી. પરંતુ ટેકનિકલ ચાર્ટની દ્રષ્ટિએ ટૂંકા ગાળામાં તેમાં નરમાઈ જોવા મળી શકે છે.

આજે નિફ્ટીમાં શું કરશો?

આજના Nifty 50 ટેકનિકલ લેવલની વાત કરીએ તો 25,300-25150ની સપાટીએ ટેકો ધરાવે છે. તેમ જ 25560થી 25600ની સપાટીએ ટૂંકા ગાળાનો પ્રતિકાર જોવા મળી રહ્યો છે. નિફ્ટી 50ની બસો દિવસની સરેરાશ મુવમેન્ટને જોતાં ટૂંકા ગાળામાં નિફ્ટી 50 25100થી 25600ની રેન્જમાં જ રહે તેવી સંભાવના છે. નિફ્ટી 50 25600ની ઉપર બંધ આવે તો તેમાં સુધારાની ગતિને વેગ મળી શકે છે. અલબત્ત વર્તમાન સ્થિતિમાં બેન્ક સ્ટોક્સ અને લાર્જ કેપ કંપનીઓના શેર્સમાં અફરાતફરી જોવા મળી શકે છે. તેનો પ્રભાવ ટેકનિકલ ચાર્ટ આધારિત ટ્રેડિંગ પર પડી શકે છે.

હવે Bank Nifty ઇન્ડેક્સની વાત કરીએ તો તેમાં નજીકની મુદતમાં કોઈ જ અવરોધ જણાતા નથી. નિફ્ટીની તુલનાએ તેનો રિલેટીવ સ્ટ્રેન્ગ્થ ઇન્ડેક્સ સારો છે. બીજું, બેન્કોની આવક વધી રહી છે. બેન્કોની આવક વધી રહી હોવાથી ઉપરની તરફ મજબૂત ટેકો ઊભો થઈ રહ્યો છે.

Nifty Futures & Optionsની વાત કરીએ તો ટેકનિકલ ડેરિવેટિવ્સના આંકડાંઓને જોતાં 25,400 સૌથી વધુ કૉલ ઓપ્શન જોવા મળી રહ્યા છે. તેથી આ સપાટીએ પ્રતિકાર જોવા મળી શકે છે. તેમાં જ 25300ની સપાટીએ સૌતી વધુ પુટ ઓપ્શન લેવાયા છે. પરિણામે 25300ની સપાટીએ બજાર મજબૂત ટેકો ધરાવતું હોવાનો સંકેત મળે છે. કૉલ અને પુટ ઓપ્શનની વિગતવાર સમજણ આપીએ તો બજારમાં ટ્રેડિંગ કરનારા મોટી સંખ્યામાં ટ્રેડર્સે 25400ના સ્ટ્રાઈક પ્રાઈસથી કૉલ ઓપ્શન લીધા છે આ ટ્રેડરો માને છેકે બજાર 25400થી ઉપર જવાની ગુંજાયશ જ નથી. ટૂંકા ગાળામાં નિફ્ટી ફ્યુચર્સ અને ઓપ્શન 25400ની સપાટીથી ઉપર જવાની શક્યતા બહુ જ સીમિત થઈ ગઈ છે. પરિણામે આ રેન્જમાં જ બજાર રહે તેવી ધારણા બાંધી શકાય છે.

Nifty 500 & SME Indexesની વાત કરીએ તો મિડકેપ અને સ્મોલ કેપ શેર્સના વેપાર વહેવારોના મોટી અફરાતફરી જોવા મળી રહી હોવાની બાબતના અને તેમાં હાથબદલા કે રોટેશન વધી રહ્યા હોવાની બાબતના અનુસંધાનમાં કહી શકાય છે કે માર્કેટની બ્રેડ્થ સારી છે.

આજના દિવસની બજારની વાત કરવામાં આવે તો બેન્કિગ અને ફાઈનાન્શિયલ સેક્ટરની કંપનીઓની ક્રેડિટ-ધિરાણ વધી રહ્યા છે. તેમની વધી રહેલી આવક બજારના ઇન્ડેક્સને ટેકો આપતી રહેશે. માળખાકીય સુવિધા-ઇન્ફ્રાસ્ટ્રક્ચર અને ઇલેક્ટ્રોમિકેનિકલ ઇન્ફ્રાસ્ટ્રક્ચરની વધી રહેલી ડિમાન્ડને પરિણામે કેપેક્સ-મૂડી ખર્ચમાં વધારો થઈ શકે છે. કન્ઝ્યુમર પ્રોડક્ટ્સના સેક્ટરની કંપનીની આવક વધવાની શક્યતાથી તેનો ગ્રોથ સારો રહેવાની શક્યતા રહેલી છે. એનર્જી અને કોમોડિટીના સેક્ટરની કંપનીઓ વેપારના ચઢાવ ઉતારની સાઈકલમાંથી પસાર થઈ રહી હોવાથી તેમાં અફરાતફરી જોવા મળી શકે છે. ઈન્ફોર્મેશન ટેક્નોલોજીના સેક્ટરની કંપનીઓમાં પણ ચઢાવ ઉતારની સાઈકલ-cyclic pressure તેમની આવક પર ઊભું કરી રહ્યું છે.