આજે શેરબજારમાં શું કરશો?

આજે યશ હાઈવોલ્ટેજના શેર્સમાં લેણ કરી શકાય

બ્રોકરેજ હાઉસ ચોઈસ ઈન્સ્ટિટ્યુશનલ ઈક્વિટીઝના નિષ્ણાતોની શેર્સમાં રોકાણ કરવાની ભલામણ 

શેરબજારમાં આજે યશ હાઈવોલ્ટેજના શેર્સમાં લેણ કરી શકાય છે. શેરનો વર્તમાન બજાર ભાવ રૂ. 700 છે. તેનો ટાર્ગેટ ભાવ રૂ. 1200 નક્કી કરવામાં આવ્યો છે. ભારતના વિશાળ પાવર ઈન્ફ્રાસ્ટ્રક્ચર નિર્માણનો યશ હાઈવોલ્ટેજને મોટો ફાયદો મળી શકે છે. નાણાકીય વર્ષ ૨૦૩૨ સુધીમાં ટ્રાન્સમિશન ક્ષમતામાં મોટા વધારા માટે ₹૯ લાખ કરોડથી વધુનું રોકાણ થવાનું છે. આ રોકાણ યશ હાઈવોલ્કંટેજ કંપની માટે ફાયદાકારક સાબિત થઈ શકે છે.

કંપનીએ રૂ. ૧૫૩ કરોડના નવા પ્લાન્ટમાં રોકાણ કર્યું છે. આ રોકાણથી ઉત્પાદન ક્ષમતા વધીને ૧૫,૦૦૦ યુનિટ્સ વાર્ષિક થશે. આ વધારો આગામી ૪-૫ વર્ષોમાં કંપનીની આવકમાં ૪૦ ટકા જેટલો મોટો વાર્ષિક વૃદ્ધિ દર (CAGR) લાવવામાં મદદરૂપ થશે. હાલમાં, ડોમેસ્ટિક માર્કેટમાં કંપનીનો બજાર હિસ્સો ૧૮ ટકા જેટલો છે.

ચોઈસ ઇન્સ્ટિટ્યૂશન ઇક્વિટીઝના નિષ્ણાતોએઆ શેર ખરીદવાની સલાહ આપી રહ્યા છે અને શેરના ભાવનો ટાર્ગેટ ભાવ આગામી એક વર્ષમાં રૂ. ૧,૨૦૦ની સપાટી સુધી પહોંચે તેવી ગણતરી મૂકવામાં આવી છે. ભવિષ્યમાં કંપની એનએસઈ (NSE) મેઈનબોર્ડ પર લિસ્ટ થાય તો રોકાણકારોને વધુ ફાયદો મળી શકે છે.

નિફ્ટીમાં શું થઈ શકે છે

ગઈકાલે નિફ્ટી ૨૪૩ પોઈન્ટ ઘટીને ૨૩,૧૨૩ પર બંધ થયો, જે છેલ્લા બે મહિનાનો સૌથી નીચલો સ્તર છે. નબળા વૈશ્વિક સંકેતો અને મધ્ય પૂર્વમાં વધતા તણાવને કારણે બજારમાં દબાણ જોવા મળ્યું હતું. નિફ્ટી તેના મહત્વના મૂવિંગ એવરેજની નીચે ટ્રેડ કરી રહ્યો છે, જે સૂચવે છે કે બજારનું વલણ નકારાત્મક એટલે કે મંદી તરફી છે. ઇન્ડિયા VIX (વોલેટિલિટી ઈન્ડેક્સ) ૮ ટકા વધીને ૧૭ ની નજીક પહોંચ્યો છે, જે બજારમાં અનિશ્ચિતતા વધારે છે.

હવે નિફ્ટી માટે ૨૩,૩૦૦ના સ્તરે મહત્વની પ્રતિકાર સપાટી જોવા મળી રહી છે. નિફ્ટી ફિફ્ટી ૨૩,૦૭૦ ની નીચે જશે, તો બજાર ૨૨,૭૦૦-૨૨,૮૦૦ ના સ્તર સુધી જઈ શકે છે.

બ્રોકરેજ હાઉસની ભલામણો

બ્રોકરેજ હાઉસ જે.એમ. ફાઈનાન્શિયલે ટાઈટન કંપનીના શેર્સમાં લેણ કરવાની ભલામણ કરી છે. ટાર્ગેટ ભાવ રૂ. 4900નો આપ્યો છે. બ્રોકરેજ હાઉસ મોતીલાલ ઓસવાલે પણ ટાઈટન કંપનીના શેર્સમાં લેણ કરવાની ભલામણ કરી છે. તેણે ટાર્ગેટ ભાવ રૂ. 5250નો આપ્યો છે.

બ્રોકરેજ હાઉસ આઈસીઆઈસીઆઈ સિક્યોરિટીઝે ટાઈટન કંપનીના શેરમાં રોકાણ વધારવાની ભલામણ કરી છે. ટાર્ગેટ ભાવ રૂ. 5100 નક્કી કર્યો છે.

બ્રોકરેજ હાઉસ જે.એમ. ફાઈનાન્શિયલ્સે બ્લ્યુ સ્ટોન જ્વેલના શેર્સમાં લેણ કરવાની ભલામણ કરી છે. ટાર્ગેટ ભાવ રૂ. 650નો નક્કી કર્યો છે.

બ્રોકરેજ હાઉસ જે.એમ. ફાઈનાન્શિયલે ટેન્નેકો ક્લિનના શેર્સમાં લેણ કરવાની ભલામણ કરી છે. તેનો ટાર્ગેટ ભાવ રૂ. 680નો દર્શાવવામાં આવ્યો છે.

બ્રોકરેજ હાઉસ મોતીલાલ ઓસવાલે આર.આર. કાબેલને શેર્સમાં નવું લેણ ન કરવા અને જૂનું રોકાણ ન કાઢવાની અને જૈસે હૈની સ્થિતિ જાળવી રાખવાની ભલામણ કરી છે. શેરનો ટાર્ગેટ ભાવ રૂ. 2020 આપવામાં આવ્યો છે.