આજે બજારમાં શુ કરશો?
આજે કિમ્સમાં લેણ કરી શકાય (KIMS)
કિમ્સના શેરનો વર્તમાન બજાર ભાવ રૂ. 797.25ની આસપાસ બોલાઈ રહ્યો છે. શેરનો ટ્રેન્ડ તેજી તરફ વળી રહ્યો છે અને વર્તમાન સ્તરેથી રેલીનો નવો તબક્કો જોવા મળે તેવી શક્યતા છે
KIMS (ક્રિષ્ણા ઇન્સ્ટિટ્યૂટ ઓફ મેડિકલ સાયન્સીસ)નો સ્ટોક લાંબા ગાળાના અપટ્રેન્ડમાં એટલે કે તેજીતરફી જણાઈ રહ્યો છે. પરંતુ 6 જુલાઈએ રૂ. 858.15 ની રેકોર્ડ ઊંચી સપાટીને સ્પર્શ્યા પછી, તેની કિંમતમાં ઘટાડો થયો હતો. જોકે, સ્ટોક હવે રૂ. 780 ના સપોર્ટ નજીક છે, જ્યાં વધતી જતી ટ્રેન્ડલાઈન પણ મળે છે. ઉપરાંત, સ્ટોકે દૈનિક ચાર્ટ પર ‘મોર્નિંગ સ્ટાર’ કૅન્ડલસ્ટિક પૅટર્ન બનાવી છે. તેથી શેરની ભાવિ ચાલ અંગે મળતા સંકેતો દર્શાવે છે કે ટ્રેન્ડ તેજી તરફ વળી રહ્યો છે અને વર્તમાન સ્તરેથી આપણને રેલીનો નવો તબક્કો જોવા મળે તેવી શક્યતા છે.
આ અપસ્વિંગ (ઉછાળો) સ્ટોકને રૂ. 900 સુધી લઈ જઈ શકે છે. વેપારીઓ (ટ્રેડર્સ) અત્યારે રૂ. 797 પર ખરીદી શકે છે અને રૂ. 760 પર સ્ટોપ-લોસ રાખી શકે છે. જ્યારે કિંમત રૂ. 850 પર પહોંચે, ત્યારે સ્ટોપ-લોસ સુધારીને રૂ. 800 કરી શકાય છે. રૂ. 875 ની રેલી પર, સ્ટોપ-લોસ વધારીને રૂ. 860 કરો. છેવટે રૂ. 900 પર નફો બુક કરી નીકળી જશો તો ફાયદામાં રહી શકાશે.
(નોંધ: આ ભલામણો ટેકનિકલ એનાલિસિસ પર આધારિત છે. ટ્રેડિંગમાં નુકસાનનું જોખમ રહેલું છે. તમારા અંગત નાણાંકીય સલાહકારને પૂછીને જ રોકાણ કરવાનો નિર્ણય લેવો હિતાવહ છે.)
