આજે શેરબજારમાં શું કરશો?

આજે મુંબઈ સ્ટોક એક્સચેન્જ અને નેશનલ સ્ટોક એક્સચેન્જમાં ટ્રેડિંગ કે ઇન્વેસ્ટ કરવા લાયક શેર્સમાં Axis Bank Ltdનો સમાવેશ થાય છે. તેનો એએસઈ અને બીએસઈનો કોડNSE: AXISBANK અને BSE: 532215) છે. બજારના નિષ્ણાતો તેમાં લેવાલી કરવાનો સંકેત આપી રહ્યા છે. આ સ્ક્રિપમાં લેવાલી કરવાની ભલામણ સિટિ રિસર્ચે 27મી જાન્યુઆરીએ કરી છે. એક્સિસ બેન્ક લિમિટેડનો વર્તમાન બજાર ભાવ રૂ. 1330થી રૂ. 1333નો છે. તેને માટે ટાર્ગેટ પ્રાઈસ રૂ. 1463થી રૂ. 1480નો નક્કી કરવામાં આવ્યો છે. વર્તમાન ભાવ સપાટીથી તેમાં 10થી 12 ટકાનો સુધારો જોવા મળી શકે છે. એક્સિસ બેન્ક લિમિટેડના શેરના ભાવમાં 17થી 19 ટકાનો વધારો થવાની શક્યતાને પણ નકારી શકાતી નથી.

એક્સિસ બેન્ક લિમિટેડના ફંડામેન્ટલ્સની વાત કરવામાં આવે તો ત્રિમાસિક આવકમાં મજબૂત વધારો થયો છે. વાર્ષિક ધોરણે તેની તુલના કરવામાં આવે તો ત્રીજા ત્રિમાસિક ગાળામાં તેમાં 2.9થી 3 ટકાનો સુધારો જોવા મળ્યો છે. બેન્ક તન્દુરસ્ત લોન પોર્ટફોલિયો ધરાવે છે. તેનો લોનપોર્ટફોલિયો સતત વધી રહ્યો છે. બેન્કની અસ્ક્યામતોની ગુણવત્તા ઉત્તમ હોવાનું વિશ્લેષકોનું કહેવું છે. છૂટક અને કોર્પોરેટ લોન પોર્ટફોલિયોમાં વિવિધતા હોવાથી સંગીન છે. બેન્કના ચોથા ત્રિમાસિક ગાળાના પરિણામો વધુ સારા આવવાની સંભાવના વ્યક્ત કરવામાં આવી રહી છે. આ સંભાવનાને જોરે તેની સ્ક્રિપમાં સુધારો જોવા મળી શકે છે. ક્રેડિટની ડિમાન્ડમાં થઈ રહેલો વધારો શેર્સના પરોર્મન્સને મજબૂતી બક્ષી રહ્યો છે. બેન્કની ક્રેડિટ કોસ્ટમાં ઘટાડો થવાનો ટ્રેન્ડ ચાલુ હોવાનું જોવા મળી રહ્યો છે. એક્સિસ બેન્ક લિમિટેડના શેરના શેરબજારના પરફોર્મન્સ સામેના જોખમની વાત કરવામાં આવે તો  બેન્કના નેટ ઇન્ટરેસ્ટ માર્જિન નીચે આવી રહ્યા છે. શેરબજારના કેટલાક સેશન્સમાં સંસ્થાકીય લેવાલોની લેવાલીને પરિણામે વોલ્યુમ ખાસ્સા વધી રહ્યા છે. ક્રેડિટ કોસ્ટમાં જોવા મળી રહેલી વધઘટ પણ એક નકારાત્મક બાબત છે.

આઈસીઆઈસીઆઈ બેન્ક લિમિટેડ–ICICI Bank Ltdનો કોડ NSE: ICICIBANK અને BSE: 532174) છે. મોતીલાલ ઓસવાલ બ્રોકરેજ હાઉસ દ્વારા આઈસીઆઈસીઆઈ બેન્કમાં લેવાલી કરવાની 27મી જાન્યુઆરીએ જ ભલામણ કરવામાં આવી રહી છે. આઈસીઆઈસીઆઈ બેન્ક લિમિટેડના શેરનો વર્તમાન બજાર ભાવ રૂ. 1340ની આસપાસનો છે. તેનો ટાર્ગેટ ભાવ રૂ. 1700નો નક્કી કરવામાં આવ્યો છે. આમ તેમાં 25 ટકાનો સુધારો ટૂંકાથી મધ્યમગાળામાં જોવા મળી શકે છે. આઈસીઆઈસીઆઈ બેન્ક લિમિટેડનો છૂટક અને કોર્પોરેટ લોનના પોર્ટફોલિયોનો સતત વિકાસ થઈ રહ્યો છે. કેપિટલ એડિક્વસી રેશિયો તન્દુરસ્ત છે. કંપની પાસે આવકના એક કરતાં વધુ સ્રોત છે. ભારતની બેન્કિંગ ઇન્ડસ્ટ્રીઝના એક સ્થિર શેરની કેટેગરીમાં આઈસીઆઈસીઆઈ બેન્ક લિમિટેડનો શેર આવે છે. બેન્ક નિફ્ટીમાં હેવી વેઈટ શેર ગણાય છે.

ટાટા સ્ટીલ લિમિટેડ-Tata Steel Ltdનો એનએસઈ-NSE કોડ TATASTEEL અને બીએસઈ-BSE કોડ 500470 છે. આ શેરમાં પણ મોતીલાલ ઓસવાલ બ્રોકરેજ હાઉસે સપ્તાહના શ્રેષ્ઠ શેર તરીકે લેવાલી કરવાની ભલામણ કરી છે. શેરનો વર્તમાન બજાર ભાવ રૂ. 220નો છે. તેમાં સત્તર ટકા સુધીનો સુધારો જોવા મળી શકે છે. કંપનીના Fundamentals-ફંડામેન્ટલ્સની વાત કરીએ તો સ્થાનિક બજારમાં સ્ટીલની ડિમાન્ડ વધી રહ છે. માળખાકીય સુવિધા ઊભી કરવા માટેની સરકારી નીતિઓ અનુકૂળ હોવાથી ટાટા સ્ટીલનો બિજનેસ વધવાની સંપૂર્ણ સંભાવના દેખાઈ રહી છે. ટાટા સ્ટીલની ઓર્ડરબુક તગડી છે. ઓર્ડરબુક તેના કામકાજ અને આવક તથા નફામાં વધારો કરે તેવી શક્યતા છે. તદુપરાંત ટાટા સ્ટીલ ડિવિડંડ આપતી કંપની છે. ટાટા સ્ટીલની વર્કિંગ કેપિટલમાં સુધારો થઈ રહ્યો છે.

ટેકનિકલ ચાર્ટની દ્રષ્ટિએ આજે ટ્રેડિંગ કરવા કે ઇન્વેસ્ટમેન્ટ કરવા પાત્ર શેર્સમાં આઈટીસી લિમિટેડ-ITC Ltdનો સમાવેશ થાય છે. તેનો NSEનો કોડ ITC અને BSEનો કોડ  500875 છે. ચાર્ટના સંકેતો તેમાં લેવાલી કરવા જણાવી રહ્યા છે. આઈટીસી લિમિટેડનો શેર ટેકાની સપાટીથી છલાંગ લગાવે તેવી સંભાવના જણાઈ રહી છે. તેનો વોલ્યુમમાં પણ વધારો થઈ રહ્યો હોવાના નિર્દેશ મળી રહ્યા છે. કંપનીનો રોકડનો પ્રવાહ મજબૂત છે. ડિવિડંડ આપતી કંપની છે. તેના શેરબજારના ભાવને ટેકો આપતો મજબૂત પાયો પણ છે. તાજેતરના ટેકનિકલ સ્કેનના રિપોર્ટ શેર્સ એકત્રિત કરવાની પ્રક્રિયા ચાલી રહી હોવાનો નિર્દેશ આપે છે. શેરનો વર્તમાન બજાર ભાવ-CMP રૂ.450થી રૂ. 480ની રેન્જમાં છે. આઈટીસી લિમિટેડનો રિલેટિવ સ્ટ્રેન્ગ્થ ઇન્ડેક્સ રિકવર થઈ રહ્યો છે. ટેકાની સપાટીએ ટકી રહ્યો છે. વોલ્યુમ વધતા બ્રેકઆઉટ આવવાની સંભાવના નકારી શકાતી નથી.

ટેકનિકલ ચાર્ટની દ્રષ્ટિએ ટ્રેડિંગ કે ઇન્વેસ્ટમેન્ટ કરવા પાત્ર અન્ય શેર્સમાં ટાટા પાવર લિમિટેડ- Tata Power Ltdના શેરનો સમાવેશ થાય છે. તેનો NSE કોડ TATAPOWER  અને BSE કોડ 500400 છે. તેમાં ટેકનિકલ બ્રેકઆઉટ આવે છે કે નહિ તેના પર નજર રાખવી જરૂરી છે. રિન્યુએબલ એનર્જીના સેક્ટરમાં ટાટા પાવરના વધી રહેલા કામકાજ તેના પરફોર્મન્સને વેગ આપશે. ટાટા પાવરનો શેર સ્ટ્રક્ચરલ સપોર્ટ પણ ધરાવે છે. સ્ટ્રક્ચરલ સપોર્ટ લાંબા ગાળાની ભાવ સપાટીને નિર્દેશ આપી શકે છે. ટેકનિકલ ચાર્ટમાં બની રહેલી પેટર્ન દર્શાવે છે કે શેરમાં કન્સોલિડેશનની પ્રક્રિયા ચાલી રહી છે. શેરનો વર્તમાન બજાર ભાવ રૂ. 350થી રૂ. 380ની રેન્જમાં અથડાતો હોવાનું જોવા મળી રહ્યું છે. શેર વચગાળાની તત્કાળ જોવા મળથી પ્રતિકાર સપાટીને તોડીને ઉપર જાય અને વોલ્યુમ વધો તો તે પછી તેમાં મજબૂત બ્રેકઆઉટ આવવાની સંભાવના છે.

આજના દિવસ દરમિયાન રિલાયન્સ ઇન્ડસ્ટ્રીઝના શેરનું પરફોર્મન્સ નબળું રહેવાની શક્યતા છે. રિલાયન્સ ઇન્ડસ્ટ્રીઝ-Reliance Industries Ltdના શેરનો NSE કોડ RELIANCE છે, જ્યારે BSEનો કોડ 500325 છે. 27મી જાન્યુઆરીએ જોવા મળેલા ટ્રેન્ડની વાત કરવામાં આવે તો તેના શેરના ભાવમાં થોડી નરમાઈ જોવા મળી રહી છે. બજારમાં તેના શેરના ભાવમાં 0.3થી 0.4 ટકાનો ઘટાડો જોવા મલ્યો છે. સમગ્ર તયા તેનો બિઝનેસ મજબૂત છે. પરંતુ સેક્ટરના મિશ્ર પરફોર્મન્સને પરિણામે નજીકના ગાળામાં તેના શેરબજારના ભાવ પર દબાણ રહેવાની સંભાવના છે. ટૂંકા ગાળામાં શેરમાં થોડો ઘટાડો જોવા મળી શરે છે. બજારમાં જોવા મળી રહેલી મોટી વધઘટ શેરના ભાવ પર અસર કરી શકે છે. શેરબજારના ઇન્ડેક્સમાં ઘટાડો જોવા મળે તો માર્કેટની વધઘટ સાથે રિલાયન્સના શેરમાં પણ ઘટાડો જોવા મળી શકે છે. કોમોડિટી ને કેપિટલ એક્સપેન્ડિચરની સાઈકલના દબાણની અસર રિલાયન્સના શેરના ભાવ પર પડતી જોવા મળી શકે છે.

આજે નિફ્ટીમાં શું કરશો?

Nifty 50માં આજની ગતિવિધિની વાત કરવામાં આવે તો તેની ટ્રેડિંગ રેન્જ 25,200થી 25,450ની રહેવાની સંભાવના છે. નિફ્ટી-50માં 25,500થી 26,000ની રેન્જમાં પ્રતિકાર જોવા મળી રહ્યો છે. નિફ્ટી 50 સળંગ આગેકૂચ કરે તે માટે આ સપાટીએથી બ્રેકઆઉટ આવવો જરૂરી છે. ટેકાની સપાટીથી નીચે ઉતરી જાય તો નિફ્ટી-50માં વધુ મોટું કરેક્શન આવી શકે છે. નિફ્ટી 50 25,450થી ઉપર જાય તો નિફ્ટી 50 ન્યૂટ્રલથી પોઝિટિવ ઝોનમા રહેશે. અન્યથા રેન્જબાઉન્ડ રહેવાની શક્યતા રહેલી છે.

બેન્ક નિફ્ટિ ફ્યુચર્સ-Bank Nifty Futuresની વાત કરીએ તો 59000થી 60000ની ઉપજ જાય તો તેમાં તેજીનો વક્કર જોવા મળી શકે છે. 58,600થી 59200ની સપાટીએ બેન્ક નિફ્ટિ મજબૂત ટેકો ધરાવે છે. દરેક ઘટાડે લેવાલી કરવાની ભલામણ કરવામાં આવે છે. બેન્ક નિફ્ટી ટેકાની સપાટી જાળવી રાખે અને વિશ્વના બજારોમાંથી પોઝિટિવ સિગ્નલ મળે તો ઘટાડો ખરીદી કરી શકાય છે.

નિફ્ટી-500-Nifty 500માં નરમાઈ જોવા મળી રહી છે. જાન્યુઆરી 2026માં નિફ્ટિ-500માંથી 70 ટકા શેર્સના ભાવ નીચે ઉતરી ગયા છે. બજારની બ્રેડ્થમાં નબળાઈ હોવાથી ટ્રેડિંગ કરનારાઓએ સાવધાની રાખવી જરૂરી છે.

નિફ્ટી ફ્યુચર્સ-Nifty Futuresમાં મિક્સ ટ્રેન્ડ જોવા મળી શકે છે. કારણ કે 25,200ની સપાટીએ પુટના પડેલા સોદાઓની સંખ્યા ખાસ્સી મોટી  હોવાનું જણાઈ રહ્યું છે. જ્યારે 25,500ની સપાટીએ કોલના સોદા થયેલા છે. આ સૂચવે છે કે ઓપ્શનના માર્કેટમાં રેન્જબાઉન્ડ ટ્રેડિંગ જોવા મળી શકે છે.

ટૂંકમાં ત્રીજા ત્રિમાસિક ગાળાના પરિણામોએ એક્સિસ બેન્કના શેરને મજબૂતી બક્ષી છે. ભારત અને યુરોપિયન સંઘના 37 દેશો વચ્ચે ફ્રી ટ્રેડ એગ્રીમેન્ટે પણ આશાવાદ ખડો કરતાં બજાર સુધરવાનો નિર્દેશ આપ્યો છે. બેન્ક ઇન્ડેક્સ મહત્વની ટેકાની સપાટીના ઝોનમાં છે. એફઆઈઆઈ-FIIની વેચવાલી સતત સાવધ રહેવાનો સંકેત આપે છે. નિફ્ટિ 50ની બ્રેડ્થમાં નબળાઈ જોવા મળી રહી છે. ગ્લોબલ ટ્રેડ અને ટેરિફના ટંટાની અસર બજાર પર જોવા મળી શકે છે.