આજે શેરબજારમાં શું કરશો?
એલ્યુમિનિયમ ફ્યુચર્સમાં તેજી યથાવત જળવાઈ રહે તેમ હોવાનું શેરબજારના નિષ્ણાતો જણાવી રહ્યા છે
આધાર હાઉસિંગ ફાઇનાન્સ કંપનીના શેર માટે ટૂંકા ગાળાનો દૃષ્ટિકોણ તેજીનો હોવાનું શેરબજારના નિષ્ણાતોનું કહેવું છે. મંગળવારે શેરના ભાવમાં 3 ટકાનો વધારો થયો હતો, તેને કારણે શેરનો ભાવ રૂ.500ના માનસિક પ્રતિકાર સપાટીથી ઘણો ઉપર ગયો છે. તેના પરથી સ્પષ્ટ થાય છે કે શેરમાં વધારો ગતિ પકડી રહ્યો છે. આધાર હાઉસિંગ ફાઈનાન્સ કંપનીના શેરનો દૈનિક ચાર્ટ પર મુવિંગ એવરેજ ક્રોસઓવર કરી ગઈ હોવાની બાબત પણ તેજીનો જ સંકેત આપે છે. ટ્રેડર્સ રૂ. 517 પર આધાર હાઉસિંગ ફાઇનાન્સ ખરીદી શકે છે. રૂ. 507 પર વધુ એકત્રિત કરવાનું આયોજન કરી શકે છે. સ્ટોપ-લોસ રૂ. 494 રાખીને કામકાજ કરી શકે છે. શેરનો ભાવ રૂ. 528 સુધી જાય ત્યારે સ્ટોપ-લોસ ₹521 સુધી વધારવો જોઈએ.
એલ્યુમિનિયમ ફ્યુચર્સમાં તેજી યથાવત જળવાઈ રહે તેમ હોવાનું શેરબજારના નિષ્ણાતો જણાવી રહ્યા છે. એલ્યુમિનિયમ ફ્યુચર્સમાં સ્થિર તેજી જોવા મળે છે. સમયગાળા મુજબ થોડો સુધારો શક્ય છે. રૂ. 362 પર ખરીદી કરો અને રૂ. 395 સુધી લાભ થવાની શક્યતા રહેલી હોવાનું બજારના નિષ્ણાતો જણાવે છે.
સ્ટીલ ઓથોરિટી ઓફ ઇન્ડિયા-સેઈલના શેરનો ભાવ 15 વર્ષના ઉચ્ચ સ્તરે પહોંચી ગયો છે. સેઈલના શેરના ભાવ 15 વર્ષના ઉચ્ચ સ્તરે હોવાના કારણોમાં ઊંડા ઉતરીએ તો સ્ટીલના વધતા ભાવ અને નિયંત્રિત ખર્ચ વચ્ચે કંપનીનું પ્રદર્શન મજબૂત બની છે.
બ્રોકરેજ હાઉસની ભલામણો
જે.એમ. ફાઈનાન્શિયલ બ્રોકરેજ હાુસે ટાટા ટેક્નોલોજીમાં હોલ્ડિંગ ઘટાડવાની ભલામણ કરી છે. ટાર્ગેટ ભાવ રૂ. 570નો આપ્યો છે.
બ્રોકરેજ હાઉસ પ્રભુદાસ લીલાધરે અમ્બુજા સિમેન્ટના સેર્સમાં લેણ કરવાની ભલામણ કરી છે. ટાર્ગેટ ભાવ રૂ. 524નો આપ્યો છે.
બ્રોકરેજ હાઉસ મોતીલાલ ઓસવાલે અમ્બુજા સિમેન્ટમાં લેમ કરવાની ભલામણ કરી ચે. ટાર્ગેટ ભાવ રૂ. 530નો આપ્યો છે.
બ્રોકરેજ હાઉસ મોતીલાલ ઓસવાલે આદિત્ય બિરલા કેપિટલમાં લેણ કરવાની ભલામણ કરી છે. ટાર્ગેટ ભાવ રૂ. 430નો આપ્યો છે.
બ્રોકરેજ હાઉસ મોતીલાલ ઓસવાલે જિન્દાલ સ્ટીલમાં લેમ કરવાની ભલામણ કરી છે. ટાર્ગેટ ભાવ રૂ. 1400નો આપ્યો છે.
બ્રોકરેજ હાઉસ ઇલારા કેપિટલે પણ જિન્દાલ સ્ટીલમાં લેણ કરીને હોલ્ડિંગમાં વધારો કરવાની ભલામણ કરી છે. તેણે ટાર્ગેટ ભાવ રૂ. 1279નો આપ્યો છે.
