આજે શેરબજારમાં શું કરશો?
એન્ડુરન્સ ટેક્નોલોજીમાં લેણ કરી શકાયઃ શેરનો ભાવ વધીને રૂ. 2975ના મથાળે જઈ શકે
શેરબજારમાં ટ્રેડિંગ અને ઇન્વેસ્ટમેન્ટ કરનારાઓ આજે એન્ડુરન્સ ટેક્નોલોજીના શેરમાં રોકાણ કરવાનું વિચારી શકે છે. એન્ડ્યુરન્સટેક્નોલોજીના શેરનો વર્તમાન બજાર ભાવ રૂ. 2532ની આસપાસનો છે. ઘટાડો વધુ લેણ કરીને હોલ્ડિંગ વધારી શકાય છે. લેવાલી કર્યા પછી પહેલો સ્ટોપલૉસ રૂ. 2380નો રાખી લેવામાં જ સલામતી છે. એપ્રિલ માસના આરંભમાં ટેકાના ભાવની સપાટીથી એન્ડ્યુરન્સ ટેક્નોલોજીના શેર્સના ભાવમાં ઊછાળો જોવા મળ્યો છે. ત્યારથી તેમાં સુધારાની ચાલ ચાલુ જ રહી છે. અત્યાર સુધીમાં એન્ડ્યુરન્સ ટેકનોલોજીનો શેર મહત્વના પ્રતિકાર સપાટીઓને વળોટીને આગળ વધતો જોવા મળ્યો છે. આ ટ્રેન્ડ ચાલુ રહેવાની સંભાવના છે અને ભાવ નવી ઊચી સપાટીને આંબી શકે છે.
શેરનો ભાવ વધીને રૂ. 2780ની સપાટીએ પહોંચે ત્યારે રૂ. 2680નો સ્ટોપલૉસ રાખીને નફાને સલામત કરી શકાય છે. ત્યારબાદ શેર રૂ. 2880ની સપાટીએ પહોંચી જાય તે સમયે સ્ટોપલૉસને વધી ઉપર લઈ જઈને 2780નો કરી દેવામાં લાભ છે. છેલ્લે ટ્રેડર્સ અને ઇન્વેસ્ટર્સ શેરનો ભાવ રૂ. 2975ની આસપાસ પહોંચે ત્યારે એક્ઝિટ કરી શકે છે.
સેન્સેક્સ અને નિફ્ટીમાં સામાન્ય સુધારો જોવા મળ્યો છે. બુધવારે ભારતીય શેરબજારમાં સતત ચાર દિવસના ઘટાડા બાદ વિરામ આવ્યો હતો. બેએસઈ સેન્સેક્સ ૪૯.૭૪ પોઈન્ટ વધીને ૭૪,૬૦૮.૯૮ પર અને એનએસી નિફ્ટી ૩૩.૦૫ પોઈન્ટ વધીને ૨૩,૪૧૨.૬૦ પર બંધ રહ્યો હતો. મિડકેપ અને સ્મોલકેપ ઇન્ડેક્સમાં મુખ્ય ઇન્ડેક્સ કરતા વધુ સારી તેજી જોવા મળી હતી.
મેટલ, એનર્જી અને એફએમસીજી શેરોમાં મજબૂતી જોવા મળી શકે છે. આઈ.ટી અને ઓટો સેક્ટર પર દબાણ રહ્યું છે. ભારતીય રૂપિયો સતત ચોથા દિવસે નબળો પડીને રેકોર્ડ નીચલી સપાટીએ બંધ રહ્યો હતો. નિષ્ણાતોના મતે ટૂંકા ગાળામાં રૂપિયો ૯૫.૪૫ થી ૯૬ ની રેન્જમાં રહી શકે છે.
રિલાયગેર બ્રોકિંગના નિષ્ણાતોનું કહેવું છે કે નિફ્ટીમાં ૨૩,૬૦૦–૨૩,૭૦૦ ની ઝોનમાં વેચવાલીનું દબાણ આવી શકે છે. રોકાણકારોએ ફાર્મા, હેલ્થકેર અને મેટલ સેક્ટરમાં લાંબા ગાળાના ટ્રેડ માટે ધ્યાન આપવું જોઈએ.
