આજે અમદાવાદમાં બેઠક યોજાશે: સાત લાખ દુકાનદારો, ૬૦ હજાર ડિસ્ટ્રીબ્યુટર્સ એફએમસીજી કંપની સામે મોરચો માંડશે
જૂના ડિસ્ટ્રીબ્યુટર્સનું માર્કેટ રૃા. ૫ લાખથી વધી જાય તે પછી કંપનીઓ તે બજારમાંથી ડિસ્ટ્રીબ્યટર્સને પડતા મૂકી કંપનીઓ સીધું વેચાણ કરે છે
ડિસ્ટ્રીબ્યુટર્સ એકવાર રૃા. ૫ લાખનું વેચાણ તેના વિસ્તારમાં કરી આપે તે પછી તે તમામ રિટેઈલર્સને પોતે સપ્લાય આપવાનું ચાલુ કરી દઈને બજારમાં પોતાનું વર્ચસ્વ જમાવવાનો પ્રયાસ કરી રહેલી ફાસ્ટ મુવિંગ કન્ઝ્યુમર ગુડ્સ કંપનીઓ સામિે ગુજરાતભરના સાત લાખ છૂટક દુકાનદારો અને ૫૯૭૦૦થી વધુ ડિસ્ટ્રીબ્યુટર્સ મોરચો માંડવા તૈયાર થઈ રહ્યા છે. આવતીકાલે રવિવારે આ દુકાનદારો અને ડિસ્ટ્રીબ્યુટર્સને એક કરવા માટે અમદાવાદમાં એક બેઠક યોજવામાં આવી રહી છે.
ફાસ્ટ મુવિંગ કંપનીઓ રૃા. ૫ લાખનું માર્કેટ થઈ જાય તે પછી તેની આસપાસને બે ત્રણ ગામ કે નાના શરહેરને મર્જ કરીને ૧૦થી ૧૫ લાખનું બજાર કરી દઈને તેમાં પોતાની રીતે સીધું વેચાણ કરવા માંડી જાય છે. પરિણામે વરસ બે વરસ મહેનત કરનાર ડિસ્ટ્રીબ્યુટર્સ અન ેસેલ્સ એક્ઝિક્યુટીની મહેનત પછી મળતર મળવાનો સમય આવે ત્યારે જ તેમનો ધંધો છીનવાઈ જાય છે. તેથી ડિસ્ટ્રીબ્યુટર્સનો આક્રોશ વધી રહ્યો છે. પરિણામે ફેડરેશન ઓફ ગુજરાત એફએમસીજી ડિસ્ટ્રીબ્યુટર્સ એસોસિયેસન તથા ફેડરેશન ઓફ ઓલ ઇન્ડિયા ડિસ્ટ્રીબ્યુટર્સે સાથે મળીને લડત છેડવાનો નિર્ણય કર્યો છે. આ કંપનીઓમાં હિન્દુસ્તાન લીવર લિમિટેડ, રેકિટ એન્ડ કોલમેન, નેસ્લે, કોલગેટ, મેકેન્સ, જ્હોનસન એન્ડ જ્હોન્સન તથા બ્રિટાનિયાનો સમાવેશ થાય છે. કંપનીઓ સામે લડત છેડવા હૈદરાબાદથી પણ ટ્રેડના લીડર્સ અમદાવાદ આવ્યા છે.
બીજીતરફ એફએમસીજી મોલમાં સપ્લાય કરીને નાના દુકાનદારોને ખેતમ કરવાનો પેંતરો રચી રહ્યા હોવાથી નાના દુકાનદારો પણ તેમનાથી ખફા છે અને તેમની વિરુદ્ધ મોરચો માંડવા તૈયાર થઈ રહ્યા છે. મોલમાં સસ્તુ મળતું હોવાનો પ્રચાર કરીને દુકાનદારોનો ધંધો તોડી રહ્યા છે. પરંતુ વાસ્તવિકતા જુદી જ હોવાનું દુકાનદારો અને ડિસ્ટ્રીબ્યુટર્સનું કહેવું છે. તેનું ઉદાહરણ આપતા દુકાનદારો અને ડિસ્ટ્રીબ્યુટર્સ જણાવે છે કે કેડબરીની સેલીબ્રેશન ચોકલેટનું ૧૦૯.૫ ગ્રામના વજનનું પેકિંગ ડિસ્ટ્રીબ્યુટર્સને રૃા.૧૧૦માં આપે છે. તેની મોલમાં એમઆરપી. ૧૪૦ની મહત્તમ છૂટક કિંમત રાખી છે. આજ રીતે કેડબરી સેલીબ્રેશનનું ૧૫૩.૨૫ ગ્રામનું પેકેટ છૂટક વેપારીએ રૃા. ૧૬૦માં વેચવાનું હ ોય છે. મોલમાં તેની કિંમત ૨૧૦ની છે. તેનું વજન ૧૭૯.૬૬ ગ્રામ છે. આ વજન પ્રમાણે તેની મહત્તમ છૂટક કિંમત રૃા. ૧૮૭.૫૭ થવી જોઈએ. આમ મોલમાંથી ખરીદનાર તેના રૃા. ૨૨.૩૪ વધુ ચૂકવી આવે છે. આમ મોલમાં સસ્તુ મળતું હોવાનો દાવો કરીને ફાસ્ટ મુવિંગ કન્ઝ્યુમર ગુડ્સ કંપનીઓ લોકોને છેતરી રહી છે. કારણ કે લોકો પ્રોડક્ટ્સ પરના ગ્રામ અને તેની છૂટક કિંમતની સરખામણી કરવાની માનસિકતા ધરાવતા નથી. પરિણામે એફએમસીજી કંપનીઓ એક તરફ દુકાનદારોને તોડી રહી છે. બીજીતરફ ગ્રાહકોને છેતરીને ખંખેરી રહી છે. પરિણામે છૂટક વેપારીઓ અને ડિસ્ટ્રીબ્યુટર્સે એફએમસીજી કંપનીઓ સામે મોરચો માંડવાનો નિર્ણય કરી લીધો છે.
ગ્રામમાં ફેરફાર કરીને ભાવ બદલી ગ્રાહકને છેેતરતી કંપનીઓ
સો ગ્રામ વજનના ડેટોલના ૫ સાબુનો બન્ચ રૃા. ૧૮૨માં વેચાય છે. આ સ્થિતિમાં એક સાબુની પડતર કિંમત રૃા.૩૬.૪૦ની થાય છે. ડિસ્ટ્રીબ્યુટર્સ છૂટક દુકાનદારને આ સાબુ આપે તે પછી ગ્રાહકને રૃા. ૩૬.૫૦માં એક સાબુ મળે છે. મોલમાં ૪ સાબુના પેકના રૃા. ૧૫૬નો ભાવ છે. આમ મોલમાંથી સાબુ ખરીદનારે એક સાબુના રૃા.૧૩૯ ચૂકવવા પડી રહ્યા છે. માલમાંથી ખરીદી કરનાર ગ્રાહક એક સાબુએ રૃા.૨.૬૦ વધુ ચૂકવે છે. ડેટોલના જ ૧૫૦ ગ્રામ વજનના ચાર સાબુનું પેકેટ છૂટક દુકાનમાં રૃ. ૨૧૭ના ભાવે વેચાય છે. પરંતુ મોલમાં તેની કિંમત રૃા.૨૯૦ની રાખવામાં આવેલી છે. આમ દુકાનમાં સાબુદીઠ રૃા. ૫૪.૨૫ ચૂકવે છે. તેની સામે મોલમાં સાબુદીઠ રૃા. ૫૮ ચૂકવે છે. આમ એક સાબુએ રૃા.૨.૭૫ વધુ ચૂકવે છે.
બાળકો માટેને પોપિન્સનું જે પેક છૂટક દુકાનમાં રૃા.૨૦માંમળે છે તે જ પેકિંગ મોલમાં રૃા.૩૦ લઈ વેચવામાં આવી રહ્યું છે. ગ્રામેજમાં ફેરફાર કરીને ગ્રાહકોને ખેંખેરવાનો ખેલ ચાલી રહ્યો છે. લોકોને એફએમસીજી કંપનીઓનો આ ખેલ ન સમજાતો હોવાથી ગ્રાહકો લૂંટાઈ રહ્યા છે.
