જુડોની મેટને વજનદાર દેખાડવા વચ્ચે નાખેલા પ્લાયવૂડથી ખેલાડીઓને ઇજા થવાનું વધી રહેલું જોખમ
સ્પોર્ટ્સ ઓથોરિટી ઓફ ગુજરાતે મેટ ખરીદવા માટેના સ્પેસિફિકેશન બનાવનારનું નામ જાહેર ન કર્યું
કંપનીના મેટના સ્પેસિફિકેશનમાં પાથરવામાં આવતી મેટમાં પ્લાય હોવાનુ્ દર્શાવાયુ પણ નથી, છતાં પ્લાય મોજૂદઃ
અંદાજે રૃા. ૬થી ૭ કરોડ ખર્ચીને મંગાવવામાં આવેલી જુડોની મેટ તાલીમ લઈ રહેલા ખેલાડીઓને ઇજા પહોંચાડી રહી છે
અમદાવાદ: જુડોની રમતના ખેલાડીઓ વારંવાર પટકાતા હોવાથી તેમને માટે સોફ્ટ અને બમ્પી ન હોય તેવી મેટ ખરીદવાને બદલે આ વખતે મેટ કડક હોવાનું બતાવવા માટે તેમાં વચ્ચે પ્લાય બેસાડી દેવામાં આવ્યું છે.પરિણામે જુડો રમતા ખેલાડીઓ તેના પર પટકાયા પછી ઊછળી રહ્યા છે અને તેમને ઇજા થવાનું જોખમ પણ વધી રહ્યું છે. આ મેટની ખરીદી માટે અંદાજે રૃા. ૬થી ૭ કરોડ ખર્ચવામાં આવ્યા છે. મેટનું વજન વધારે દેખાડવા માટે તેમાં પ્લાયવૂડની શીટ્સ મૂકવામાં આવી હોવાનું માનવામાં આવી રહ્યું છે. આ રીતે જુડોની મેટની ખરીદીમાં મોટો ભ્રષ્ટાચાર થયો હોવાના આક્ષેપો પણ થઈ રહ્યા છે. તેમાં સ્પોર્ટ્સ ઓથોરિટી ઓફ ગુજરાતના ઉચ્ચ અધિકારીઓની સંડોવણી હોવાની ચર્ચા પણ ચાલી રહી છે. મેટની ખરીદી કરતાં પહેલ ા તેની ચકાસણી કરવા માટે સ્પોર્ટ્સ ઓથોરિટી ઓફ ગુજરાતના શીતલ શર્મા અને હુત ઠાકોર ગયા હતા.
ટેન્ડર મંગાવીને જુડોની અંદાજે ૩૮૪ યલ્લો મેટ સહિત કુલ ૭૯૨ ઓરેન્જ મેટ ખરીદવામાં આવી છે. આ મેટ નડિયાદની જ્ડુડો એકડમી, વડનગર જુડો એકડમી અને રાજકોટની જી.કેચ ધોળકિયા એકેડમીમાં મોકલવામાં આવી હોવાનું જાણવા મળી રહ્યું છે.ગુજરાતની ખાસ્સી સ્કૂલોમાં આ મેટ મોકલવામાં આવી છે. જુડોની મેટ ખરીદવા માટે ઇનસ્કૂલ આઉટ સોર્સિંગનું ટેન્ડર બહાર પાડવામાં આવ્યું હતું. આ કામગીરી સ્પોર્ટ્સ ઓથોરિટી ઓફ ગુજરાતના મિતેશ બારોટની દેખરેખ હેઠળ થઈ હતી. આ પ્રક્રિયામાં પણ અનિયમિતતા આચરવામાં આવી હોવાનું કહેવાય છે.
આ જ રીતે જુડો માટેના વ્હાઈટ ડ્રેસ, બ્લ્યુ ડ્રેસ, કેટલ બેલ અને વજનદાર ૩૦ પ્લેટના સેટ ખરીદવામાં આવ્યા છે. તેમાંથી યલ્લો મેટની ખરીદીમાં ગરબડ થઈ હોવાની ચર્ચાએ જોર પકડયું છે. જુડોના ખેલાડીઓ બોલી શકતા નથી અને કોચ સીધો વિરોધ નોંધાવી શકતા નથી. સ્પોર્ટ્સ ઓથોરિટી ઓફ ગુજરાત દ્વારા તેની ખરીદી કરવામાં આવી છે. વિશ્વના કોઈપણ દેશમાં જુડોની મેટ વચ્ચે પ્લાય હોતું જ નથી.
સામાન્ય રીતે ટાઈશન, સ્ટેગ અને એસ કે તરીકે ઓળખાતી મેટ ખરીદવામાં આવે છે. પરંતુ આ વખતે ટેન્ડરમાં જુડો મેટની ખરીદી માટેના ટેન્ડરના સ્પેસિફિકેશનમાં ફમ વચ્ચે પ્લાય હોવાનું દર્શાવવામાં આવ્યું નથી. તેમ જ આ મેટનો શિક્ષણ સંસ્થાઓમાં તાલીમ આપવા માટે ઉપયોગમાં લેવામાં આવે છે. નેશનલ અને ઇન્ટરનેશનલ સ્પર્ધા માટે જુડોના ખેલાડીઓને તૈયાર કરવા માટે સામાન્ય રીતે ઓલિમ્પિકના લેવલની મેટ મંગાવવામાં આવે છે.
મેટની વચ્ચે મેટની મજબૂતી બતાવવા માટે જ પ્લાયવૂડની શીટ મૂકવામાં આવી હોવાથી જેમ જેમ મેટનો જુડોની તાલીમ માટે વપરાશ થતો જાય તેમ તેમ મેટ વચ્ચેથી વળી રહી છે. તેનો આકાર રકાબી જેવો થવા માંડયો છે. પરિણામે છોકરાઓને નાની નાની ઇજાઓ થવાની ઘટનાઓ પણ બનવા માંડી છે. તેમાં ખાસ કરીને સ્નાયુઓની ઇજા થવાનો સૌથી મોટો ખતરો હોવાનું રમતના જાણકારોનું કહેવું છે.
