નબળું ચોમાસું વિકાસ અને ફુગાવાની સ્થિતિને અસર કરી શકે
ભારતમાં 21મી જૂન સુધીમાં સામાન્યપણે પડતાં વરસાદની સરખામણીમાં આ વરસે 21મી જૂનના અંત સુધીમાં નોર્મલ કરતાં 43 ટકા ઓછો વરસાદ પડ્યો છે.
અમદાવાદઃ ભારતીય હવામાન વિભાગ (IMD) ની આગાહી મુજબ જો ઓછો વરસાદ પડે, તો તે દેશના વિકાસ અને ફુગાવાની સ્થિતિ પર નકારાત્મક અસર કરી શકે છે. રિઝર્વ બેંક ઓફ ઇન્ડિયા (RBI) ના જૂન બુલેટિનમાં પ્રકાશિત ‘સ્ટેટ ઓફ ધ ઇકોનોમી’ (અર્થતંત્રની સ્થિતિ) લેખમાં આરબીઆઈના અધિકારીઓએ આ વાત જણાવી છે. IMD એ આ વર્ષે દક્ષિણ-પશ્ચિમ ચોમાસામાં સામાન્ય કરતાં ઓછો વરસાદ થવાની આગાહી કરી છે. તાજેતરના ડેટા દર્શાવે છે કે વરસાદની અછત ૧૪ જૂનના ૨૮.૪ ટકાથી વધીને ૨૧ જૂન સુધીમાં લાંબા ગાળાની સરેરાશના ૪૨.૨ ટકા પર પહોંચી ગઈ છે.
ડેપ્યુટી ગવર્નર પૂનમ ગુપ્તાના માર્ગદર્શન હેઠળ આરબીઆઈના સ્ટાફ સભ્યો દ્વારા તૈયાર કરવામાં આવેલા અહેવાલમાં જણાવવામાં આવ્યું છે કે, “જો પ્રતિકૂળ દક્ષિણ-પશ્ચિમ ચોમાસું સાકાર થશે, તો તે ઘરેલું વિકાસ અને ફુગાવાના અંદાજ પર નકારાત્મક અસર કરી શકે છે.”
૧ થી ૨૨ જૂન દરમિયાન ભારતમાં સામાન્ય દક્ષિણ-પશ્ચિમ ચોમાસાના વરસાદથી પ્રદેશવાર તફાવત નીચે મુજબ છે. ભારતમાં 21મી જૂન સુધીમાં સામાન્યપણે પડતાં વરસાદની સરખામણીમાં આ વરસે 21મી જૂનના અંત સુધીમાં નોર્મલ કરતાં 43 ટકા ઓછો વરસાદ પડ્યો છે.
