આજે શેરબજારમાં શું કરશો?

આજે જેએસડબ્લ્યુ સિમેન્ટના શેર્સમાં લેવાલી કરી શકાય તેમ હોવાનું શેરબજારના નિષ્ણાતોનું કહેવું છે. તેનો વર્તમાન બજાર બાવ રૂ. 133.60નો છે. તેનો ભાવ વધીને ટૂંકા ગાળામાં રૂ. 146થી રૂ. 150નું મથાળું બતાવી શકે છે. JSW Cement માટે ટૂંકા ગાળાનું આઉટલુક તેજી તરફી (bullish) બન્યું છે. આ સ્ટોકને એક અઠવાડિયા કરતાં વધુ સમયથી રૂ. 128ની આસપાસ મજબૂત સપોર્ટ મળી રહ્યો છે. મુવિંગ એવરેજ સપોર્ટ ₹126ની આસપાસ છે. ફેબ્રુઆરી મહિનાથી પ્રાઇસ એક્શન બુલ ચેનલ (તેજીની ચેનલ) તરફ સંકેત કરે છે. ચેનલ સપોર્ટ રૂ. 125 પર છે. તેથી રૂ.128 અને રૂ. 125 વચ્ચેનો વિસ્તાર એક વ્યાપક સપોર્ટ ઝોન બની રહેશે જે ઘટાડાને મર્યાદિત કરી શકે છે. જેએસડબ્લ્યુ સિમેન્ટના શેરનો ભાવ આગામી અઠવાડિયામાં વધીને ચેનલના ઉપલા છેડા સમાન રૂ.146-રૂ.150 સુધી પહોંચી શકે છે.

આજે ફોકસમાં રહેનારા અન્ય શેર્સ

Embassy Developments Ltd: કંપનીએ ઉત્તર પ્રદેશના લખનૌમાં પ્રસ્તાવિત મોટા પાયાના કોમર્શિયલ ડેવલપમેન્ટ માટે ‘ઇન્વેસ્ટ યુપી’ ફ્રેમવર્ક હેઠળ ઉત્તર પ્રદેશ સરકાર સાથે સમજૂતી કરાર પર હસ્તાક્ષર કર્યા છે. આ સૂચિત પ્રસ્તાવમાં રૂ. 1,500 કરોડના રોકાણ સાથે 2.5-3.0 મિલિયન ચોરસ ફૂટ કોમર્શિયલ રિયલ એસ્ટેટ વિકસાવવાની યોજના છે.

Bharat Dynamics Ltd (BDL): કંપનીને મેસર્સ હિન્દુસ્તાન એરોનોટિક્સ લિમિટેડ (HAL) તરફથી આશરે રૂ. 1,347.71 કરોડના કુલ ઓર્ડર મળ્યા છે, જેમાં રૂ. 1,109.37 કરોડના હેલિના લોન્ચર્સ અને LRUs તેમજ રૂ. 238.34 કરોડના CMDS LRUs નો સમાવેશ થાય છે. આ ઓર્ડર 24 થી 60 મહિનાના ગાળામાં પૂર્ણ કરવાનો રહેશે.

Vedanta Ltd: કંપનીએ બુધવારે જણાવ્યું હતું કે તેણે રિયલ એસ્ટેટ ક્ષેત્રમાં પ્રવેશ કરવા માટે સંપૂર્ણ માલિકીની પેટા કંપની ‘વેદાંત પ્રોપર્ટી પ્લેટફોર્મ્સ લિમિટેડ’ (VPPL) ની સ્થાપના કરી છે. VPPL વેદાંતના રિયલ એસ્ટેટ વ્યવસાય અને તેને લગતી પ્રવૃત્તિઓ માટે વ્યૂહાત્મક માધ્યમ તરીકે કામ કરશે.

Bharti Airtel: એસએન્ડપી ગ્લોબલ રેટિંગ્સ (S&P Global Ratings) દ્વારા ભારતી એરટેલનું રેટિંગ ‘BBB’ થી વધારીને ‘BBB+’ કરવામાં આવ્યું છે, જે આફ્રિકા અને ભારતમાં મજબૂત વૃદ્ધિ અને બેલેન્સ શીટની શિસ્ત દર્શાવે છે. આ અપગ્રેડ એરટેલની સુધરતી કમાણી, શિસ્તબદ્ધ મૂડી વ્યવસ્થાપન અને મજબૂત બજાર સ્થિતિ દર્શાવે છે. બુધવારે જાહેર થયેલા અહેવાલમાં S&P એ જણાવ્યું કે, “સ્થિર આઉટલુક અમારો એવો અભિપ્રાય દર્શાવે છે કે ભારતી એરટેલ આગામી 12-24 મહિનામાં તેની કમાણી અને કેશ ફ્લો વધવાની સાથે દેવું ચૂકવી દેશે.”

Apis India Ltd: 100 વર્ષનો વારસો ધરાવતી અને ભારતમાં મધ પ્રોસેસિંગ તેમજ FMCG ક્ષેત્રની અગ્રણી કંપનીઓમાંની એક એવી એપિસ ઇન્ડિયાએ તેની સંગઠનાત્મક ક્ષમતાઓને મજબૂત કરવા અને વૃદ્ધિના આગામી તબક્કાને ટેકો આપવા માટે ત્રણ વરિષ્ઠ નેતૃત્વ પદો પર નિમણૂકની જાહેરાત કરી છે. કંપનીએ અરુણ મિશ્રાને નેશનલ સેલ્સ હેડ – જનરલ ટ્રેડ, અંકિત નગરને ચીફ ફાઇનાન્સિયલ ઓફિસર (CFO) અને કી મેનેજરીયલ પર્સનલ, અને પંકજ ત્રિપાઠીને જીએમ-એચઆર, એડમિન અને આઈટી તરીકે નિયુક્ત કર્યા છે.

Muthoot Capital Services Ltd: કંપનીને એસેટ રિકન્સ્ટ્રક્શન કંપની (ARC) તરફથી બાઈન્ડિંગ બિડ મળી છે. આ બિડ રૂ. 209.10 કરોડની બાકી મુદ્દલ ધરાવતા સ્ટ્રેસ્ડ લોન પોર્ટફોલિયો (નાણાકીય અસ્કયામતો) ને ટ્રાન્સફર કરવા સંબંધિત વ્યવહાર માટેની છે, જે બોર્ડ ઓફ ડિરેક્ટર્સની મંજૂરી અનુસાર કરવામાં આવી રહી છે. આ બિડની રકમ રૂ.96 કરોડ સુધીની છે. કંપની આગળની બોલીઓ માટે ‘સ્વિસ ચેલેન્જ મેથડ’ અપનાવશે અને આ અસ્કયામતોના વેચાણ અંગેનો અંતિમ નિર્ણય કંપનીની પ્રવર્તમાન માર્ગદર્શિકા અને નીતિ મુજબ લેવામાં આવશે.

Electrosteel Castings Ltd: કંપનીએ તેના ખરદાહ વર્ક્સ ખાતે MBF પ્રોડક્શન ફેસિલિટીમાં નિયમિત વાર્ષિક જાળવણી (મેઇન્ટેનન્સ)ની પ્રવૃત્તિઓ સફળતાપૂર્વક પૂર્ણ કરી લીધી છે અને કામગીરી પુનઃ શરૂ કરી દીધી છે. વધુમાં, મેઈન પ્લાન્ટ ખાતે ગુરુવારથી કામગીરી શરૂ થવાની ધારણા છે.

Shilpa Biologicals Pvt. Ltd: શિલ્પા મેડિકેર લિમિટેડની મટીરીયલ સબસિડિયરી કંપની શિલ્પા બાયોલોજિકલ્સ અને સાર્ટોરિયસ સ્ટેડિમ ઇન્ડિયા પ્રાઇવેટ લિમિટેડે બેંગલુરુની એડિશનલ સિટી સિવિલ એન્ડ સેશન્સ કોર્ટ સમક્ષ ₹9 કરોડની ચુકવણી માટે સમાધાન કરાર કર્યો છે. આ સમાધાનની રકમ શિલ્પા બાયોલોજિકલ્સ દ્વારા સાર્ટોરિયસ સ્ટેડિમને ચૂકવવામાં આવી છે. સાર્ટોરિયસે અગાઉ વ્યાજ સાથે ₹20.13 કરોડનો દાવો કર્યો હતો. બંને પક્ષોએ સૌહાર્દપૂર્ણ રીતે વાટાઘાટો કરીને આ સમાધાન કરાર પર હસ્તાક્ષર કર્યા છે.

Texmaco Rail & Engineering: પશ્ચિમ રેલ્વે (Western Railway) દ્વારા ટેક્સમેકો રેલ એન્ડ એન્જિનિયરિંગને નાયલોન નેટ, એન્ટી મંકી ક્લાઇમ્બિંગ ડિવાઇસ અને એન્ટી બર્ડ ડિસ્કવર પૂરા પાડવાના કામ માટે રૂ. 6.28 કરોડનો લેટર ઓફ એક્સેપ્ટન્સ (LOA) ઇશ્યૂ કરવામાં આવ્યો છે.

HCLTech: અગ્રણી વૈશ્વિક ટેક્નોલોજી કંપની એચસીએલટેકે નોકિયા (Nokia) સાથે તેની ભાગીદારીના વિસ્તરણની જાહેરાત કરી છે. આ ભાગીદારી અંતર્ગત AI-સંચાલિત નેટવર્ક ઓટોમેશન અને નોકિયાના SMO માર્કેટપ્લેસ પર હોસ્ટ કરાયેલી ચાર નવી rApps એપ્લિકેશન દ્વારા સ્વાયત્ત નેટવર્કના ઉપયોગને વેગ આપવામાં આવશે.

Accord Transformer & Switchgear Ltd (ATS): ટ્રાન્સફોર્મર અને સ્વિચગિયર સોલ્યુશન્સ ઉત્પાદક કંપની ATS ને ઉત્તર ગુજરાત વિજ કંપની લિમિટેડ (UGVCL) તરફથી 500 KVA, 11/0.415 KV લેવલ1 CRGO કોપર વાઉન્ડ ડિસ્ટ્રિબ્યુશન ટ્રાન્સફોર્મર્સના ઉત્પાદન અને સપ્લાય માટે વેન્ડર રજિસ્ટ્રેશન મંજૂરી મળી છે. આ મંજૂરી કંપનીની વૃદ્ધિની યાત્રામાં વધુ એક મહત્વનો માઈલસ્ટોન છે.

Infosys: AI-ફર્સ્ટ બિઝનેસ કન્સલ્ટિંગ અને ટેક્નોલોજી સર્વિસીસ ક્ષેત્રની વૈશ્વિક અગ્રણી કંપની ઇન્ફોસિસે નોન-પ્રોફિટ હેલ્થકેર ઓર્ગેનાઈઝેશન ‘સેન્ટારા’ (Sentara) સાથે વહાલી વ્યૂહાત્મક ભાગીદારીની જાહેરાત કરી છે, જેનો ઉદ્દેશ્ય કાર્યક્ષમતા વધારવા, તબીબો અને સ્ટાફને સપોર્ટ કરવા અને દર્દીઓના અનુભવો સુધારવાનો છે. એક અલગ જાહેરાતમાં ઇન્ફોસિસે જણાવ્યું કે, તેણે ANA ની ગ્લોબલ CMO ગ્રોથ કાઉન્સિલ અને લાયન્સ (LIONS – કેન્સ લાયન્સ ઇન્ટરનેશનલ ફેસ્ટિવલ ઓફ ક્રિએટિવિટીના આયોજકના સહયોગથી ‘CMO AI Hub’ શરૂ કરવાની ઘોષણા કરી છે.

Hindustan Copper Ltd (HCL): હિન્દુસ્તાન કોપર લિમિટેડ અને એન્જિનિયર્સ ઇન્ડિયા લિમિટેડ (EIL) વચ્ચે તેમની લાંબા સમયની ભાગીદારીને આગળ વધારતા 22 જૂનના રોજ એક મેમોરેન્ડમ ઓફ એગ્રીમેન્ટ (MeA) પર હસ્તાક્ષર કરવામાં આવ્યા છે. ખનિજ સંશોધન અને માઇનિંગથી લઈને સ્મેલ્ટિંગ અને રિફાઇનિંગ સુધીની કામગીરીને ટેકો આપવા માટે, HCL આ કરાર હેઠળ EIL ની કન્સલ્ટન્સી, એન્જિનિયરિંગ, પ્રોજેક્ટ મેનેજમેન્ટ અને એડવાન્સ ટેકનિકલ સોલ્યુશન્સ માટે મદદ લેશે.