જૂન 2026ના અંત સુધીમાં થિયેટરમાં સ્ક્રિન થતી ફિલ્મોની આવકમાં 21 ટકાનો વધારો થયો
મલ્ટિપ્લેક્સ એસોસિએશન ઓફ ઇન્ડિયા (MAI) દ્વારા જાહેર કરાયેલા અહેવાલ અનુસાર, વર્ષ ૨૦૨૬ના પ્રથમ છ મહિનામાં ભારતીય બોક્સ ઓફિસ પર શાનદાર તેજી જોવા મળી છે. થિયેટરમાં ફિલ્મ જોવા આવનારાઓની સંખ્યામાં ૨૧ ટકાનો મોટો ઉછાળો આવ્યો છે. વર્ષ ૨૦૨૫ના પ્રથમ છ મહિનાની સરખામણીએ, ૨૦૨૬ના પ્રથમ અર્ધવાર્ષિક ગાળામાં ભારતીય મલ્ટિપ્લેક્સના કલેક્શનમાં ૨૧ ટકાનો નોંધપાત્ર વધારો થયો છે.
-
પ્રેક્ષકોની સંખ્યા અને ટિકિટના ભાવમાં વધારો: બોક્સ ઓફિસની આ કમાણી વધવા પાછળ મુખ્યત્વે થિયેટરોમાં આવતા પ્રેક્ષકોની સંખ્યામાં થયેલો વધારો અને ટિકિટના ભાવમાં થયેલી વૃદ્ધિ જવાબદાર છે. આ સકારાત્મક ટ્રેન્ડ માત્ર મેટ્રો શહેરો પૂરતો મર્યાદિત નથી, પરંતુ ટાયર-II અને ટાયર-III (નાના-મોટા તમામ) કેન્દ્રોમાં પણ પ્રેક્ષકોનો ભારે ધસારો જોવા મળ્યો છે.
કન્ટેન્ટ અને સિનેમા ટ્રેન્ડમાં બદલાવ
-
મિડ-બજેટ ફિલ્મોની સફળતા: કોવિડ પછીના સમયમાં કાં તો ફિલ્મો બ્લોકબસ્ટર બનતી હતી અથવા સાવ ફ્લોપ જતી હતી. પરંતુ હવે આ અનિશ્ચિતતા ઘટી છે. મોટા બજેટની ફિલ્મોની સાથે સાથે મધ્યમ કક્ષાની ફિલ્મો પણ દર્શકોને ખેંચી લાવવામાં સફળ રહી છે. વિવિધતા સભર ફિલ્મો: આ સફળતા પાછળ બ્લોકબસ્ટર ફ્રેન્ચાઇઝી, ઓરિજિનલ સ્ટોરીઝ, પ્રાદેશિક સિનેમા અને આંતરરાષ્ટ્રીય રિલીઝનું ઉત્તમ મિશ્રણ કારણભૂત છે.
-
કમાણી કરનારી મુખ્ય ફિલ્મો: બોક્સ ઓફિસને વેગ આપનારી ફિલ્મોમાં બોર્ડર ૨, ધુરંધર ૨, પ્રોજેક્ટ હેલ મેરી, માઇકલ, ભૂત બંગલા, ઓબ્સેસન, રાજા શિવાજી, કરુપ્પુ, મેં વાપસ આઉંગા, કોકટેલ ૨, અને વેલકમ ટુ ધ જંગલ નો સમાવેશ થાય છે. થિયેટરોમાં ફિલ્મોનો સતત અને નિયમિત પ્રવાહ જ આ ઉદ્યોગના લાંબા ગાળાના વિકાસ માટે સૌથી મહત્વનું પરિબળ છે, એમ મેનેજિંગ ડિરેક્ટર, સિનેપોલિસ ઇન્ડિયાના મેનેજિંગ ડિરેક્ટર દેવાંગ સંપતનું કહવું છે.
-
સિનેમા ઉદ્યોગના નિષ્ણાતો વર્ષ ૨૦૨૬ના બીજા ભાગ (H2) માટે પણ ભારે આશાવાદી છે. આગામી સમયમાં રજૂ થનારી ફિલ્મોનું લાઇન-અપ ઘણું મજબૂત હોવાથી આ સકારાત્મક ગતિ વર્ષના અંત સુધી જળવાઈ રહેશે તેવો અંદાજ છે.
