• 17 November, 2026 - 7:24 AM

અમેરિકા વિદેશી કામદારોને ગ્રીન કાર્ડ આપતી પ્રક્રિયા વધુ કડક બનાવવા સક્રિય

અમેરિકા વિદેશી કામદારોને ગ્રીન કાર્ડ આપતી પ્રક્રિયા વધુ કડક બનાવવા સક્રિય

અમેરિકાના શ્રમ મંત્રાલયે વિદેશી કામદારોને કાયમી વસવાટ-કાયમી નિવાસીનો દરજ્જો કે ગ્રીનકાર્ડ આપવા માટે સ્પૉન્સર કરતી કંપનીઓ માટે નવા અને સખત નિયમોનો પ્રસ્તાવ મૂકવામાં આવ્યો છે. અમેરિકન નાગરિકો અને સ્થાનિક કામદારોના હિતોનું રક્ષણ કરવા માટે આ પગલું લેવામાં આવી રહ્યું છે. સિલિકોન વેલી અને મોટી ટેક કંપનીઓ વિદેશી પ્રતિભાને જાળવી રાખવા માટે આ પ્રોગ્રામનો મોટાપાયે ઉપયોગ કરતી આવી છે, જેને હવે કડક શરતોનો સામનો કરવો પડશે.

પ્રસ્તાવના મુખ્ય મુદાઓ અને નિયમો

આ પ્રસ્તાવ ‘પરમેનન્ટ લેબર સર્ટિફિકેશન પ્રોગ્રામ’-પર્મમાં સુધારો કરશે. આ એ પ્રક્રિયા છે જેમાં એમ્પ્લોયરે સાબિત કરવું પડે છે કે જે તે નોકરી માટે કોઈ લાયક અમેરિકન કામદાર ઉપલબ્ધ નથી. કંપનીઓએ વિદેશી કર્મચારીને સ્પૉન્સર કરતા પહેલા સ્થાનિક અમેરિકન કામદારો માટે વધુ વ્યાપક અને કડક ભરતી પ્રક્રિયા કરવી પડશે. સ્ટાફિંગ કંપનીઓ સહિત જે કંપનીઓમાં કર્મચારીઓની છટણી થઈ હોય તો તેમની સુરક્ષા માટેના કડક નિયમો લાગુ કરાશે અને કંપનીઓએ નોકરીમાંથી કાઢી મૂકાયેલા કર્મચારીઓ તથા જોબ કટ્સનો રિપોર્ટ આપવો પડશે. આ નોટિસ ફેડરલ રજિસ્ટરમાં પ્રકાશિત કરવામાં આવશે અને સામાન્ય જનતા તથા નિષ્ણાતોને આ પ્રસ્તાવ પર પોતાના લેખિત મંતવ્યો રજૂ કરવા માટે ૬૦ દિવસનો સમય આપવામાં આવશે.

માઈક્રોસોફ્ટ, એડોબ જેવી મોટી ટેક કંપનીઓ પર અસર

ગત મહિને જ અમેરિકાના વાઇસ પ્રેસિડેન્ટ જે.ડી. વાન્સ દ્વારા જાહેરાત કરવામાં આવી હતી કે માઈક્રોસોફ્ટ અને એડોબ સહિતની આઠ મોટી ટેક અને આઉટસોર્સિંગ કંપનીઓ પર-પર્મ પ્રોગ્રામ હેઠળ કર્મચારીઓને ગ્રીન કાર્ડ સ્પૉન્સર કરવા પર અનિશ્ચિત સમય માટે પ્રતિબંધ મૂકવામાં આવ્યો છે, કારણ કે અધિકારીઓ એ વાતની તપાસ કરી રહ્યા છે કે આ કંપનીઓએ સિસ્ટમનો દુરુપયોગ કર્યો છે કે કેમ. તેની સામે માઈક્રોસોફ્ટે આ અંગે નિવેદન આપતા જણાવ્યું હતું કે તેઓ વિઝા પ્રોગ્રામના ઉપયોગનો બચાવ કરે છે અને પ્રશાસનને જરૂરી વધારાની માહિતી પૂરી પાડવા માટે ઉત્સુક છે.

ઇમિગ્રેશન પર વ્યાપક પ્રતિબંધોનો ભાગ

આ પ્રસ્તાવ એડમિનિસ્ટ્રેશનની એ નીતિઓનો એક ભાગ છે જે હેઠળ એમ્પ્લોયર-સ્પૉર્ડ ઇમિગ્રેશનને મર્યાદિત કરવાના પ્રયાસો થઈ રહ્યા છે. અગાઉ કુશળ કામદારો માટેના એચ-વન બી વિઝા અને આંતરરાષ્ટ્રીય સ્નાતકો માટેના ઓપ્શનલ પ્રેક્ટિકલ ટ્રેનિંગ પ્રોગ્રામના વર્ક પરમિટ ફીમાં વધારો કરવામાં આવ્યો છે.

Read Previous

આજે શેરબજારમાં શું કરી શકાય?

Most Popular