બાયોકોન શેરમાં ખરીદીની તક, ટાર્ગેટ ભાવ રૂ.480ઃ ટેક્નિકલ ચાર્ટ તેજીનો સંકેત આપે છે

મે મહિનામાં બાયોકોન-Bioconના શેરમાં જોરદાર તેજી જોવા મળી હતી અને શેરમાં લગભગ 20 ટકાનો વધારો નોંધાયો હતો. જોકે જૂન મહિનામાં શેરનો ભાવ મોટાભાગે મર્યાદિત રેન્જમાં રહ્યો હતો અને સમગ્ર મહિનામાં માત્ર 2.4 ટકાનો સામાન્ય ઘટાડો નોંધાયો હતો. આ સુધારા છતાં શેર રૂ. 400ના મહત્વના સપોર્ટ લેવલની ઉપર ટક્યો રહ્યો છે. ઉપરાંત, ભાવની ચાલ પરથી સ્પષ્ટ થાય છે કે શેરે રૂ. 405ની આસપાસ મજબૂત આધાર (બેઝ) બનાવ્યો છે. છેલ્લા બે સપ્તાહ દરમિયાન પણ શેરમાં તેજીનો ઝોક જોવા મળ્યો છે. 

અમારી ધારણા મુજબ હવે બાયોકોનનો શેર ફરી તેજી પકડી શકે છે અને રૂ. 480 સુધીનો ઉછાળો નોંધાવી શકે છે. હાલમાં રૂ. 426ના સ્તરે બાયોકોનનો શેર ખરીદી શકાય છે. જો શેરનો ભાવ રૂ. 410 સુધી આવે તો વધુ ખરીદી કરવાની સલાહ છે. આ રીતે સરેરાશ ખરીદ કિંમત નીચે લાવી શકાય છે. શેરમાં શરૂઆતમાં સ્ટોપ-લોસ ₹395 રાખવો જોઈએ.

જો શેરનો ભાવ રૂ. 450 સુધી પહોંચે તો સ્ટોપ-લોસ વધારીને રૂ. 425 કરી દેવો જોઈએ. ત્યારબાદ જો શેર રૂ. 470 સુધી પહોંચે તો સ્ટોપ-લોસ વધુ વધારીને રૂ. 455 કરવો જોઈએ. અંતિમ લક્ષ્યાંક રૂ. 480 રાખીને તે સ્તરે નફો બુક કરીને બહાર નીકળી જવું જોઈએ.

નિફ્ટીમાં શું કરી શકાયઃ ચાર્ટ પર નિફ્ટી-50 અને સેન્સેક્સમાં ઇન્વર્ટેડ હેડ એન્ડ શોલ્ડર પેટર્ન જોવા મળી રહી છે, જે આગામી સપ્તાહોમાં બજારમાં વધુ તેજી આવવાની શક્યતા દર્શાવે છે. અગાઉ નિફ્ટી-50 અને સેન્સેક્સ બંનેએ તેમના મધ્યમ ગાળાના મહત્વના રેઝિસ્ટન્સ લેવલ તોડી ઉપરની દિશામાં આગળ વધ્યા છે. તેથી બજારમાં તેજીનો અભિગમ રહેશે તે માટેની અમારી માન્યયતા યથાવત રહીને મજબૂત બની રહી છે. ગયા સપ્તાહ દરમિયાન બંને સૂચકાંકોમાં આશરે 0.9 ટકાનો વધારો નોંધાયો હતો.

સાપ્તાહિક નિફ્ટી-50 આગાહી: તેજીવાળાઓનો દબદબો યથાવત, ચાર્ટમાં મજબૂત તેજીનો સંકેત

દૈનિક ચાર્ટમાં બનતી ઇન્વર્ટેડ હેડ એન્ડ શોલ્ડર પેટર્ન બજારમાં તેજી વધુ મજબૂત થવાનો સંકેત આપે છે. બીજી તરફ નિફ્ટી બેન્ક ઇન્ડેક્સ સતત ત્રીજા સપ્તાહે પણ સાંકડી રેન્જમાં અટવાયેલો રહ્યો હતો. ગયા સપ્તાહે તેમાં 0.4 ટકાનો ઘટાડો નોંધાયો હતો. તેમ છતાં તેનો એકંદર અભિગમ હકારાત્મક છે અને આગામી દિવસોમાં આ ઇન્ડેક્સ આ રેન્જમાંથી ઉપર તરફ બ્રેકઆઉટ આપે તેવી શક્યતા છે. સેક્ટરલ ઇન્ડેક્સમાં BSE રિયલ્ટી ઇન્ડેક્સ સૌથી વધુ ચમક્યો હતો અને તેમાં 7.8 ટકાનો ઉછાળો નોંધાયો હતો.

FPI સતત ખરીદદારો

વિદેશી પોર્ટફોલિયો રોકાણકારો (FPI) સતત ત્રીજા સપ્તાહે ભારતીય શેરબજારમાં ચોખ્ખા ખરીદદાર રહ્યા હતા. તેમણે ગયા સપ્તાહે આશરે 463 મિલિયન ડોલરનું રોકાણ કર્યું હતું. જો આગામી સપ્તાહોમાં તેમની ખરીદીમાં વધુ વધારો થશે તો તે નિફ્ટી અને સેન્સેક્સને વધુ ઊંચા સ્તરે પહોંચવામાં મદદરૂપ બની શકે છે.

નિફ્ટી-50 (24,270.85)

ટૂંકા ગાળાનો અંદાજ

અપેક્ષા મુજબ નિફ્ટીએ 24,200નું મહત્વનું રેઝિસ્ટન્સ તોડી આગળ વધ્યું છે. આ વધારાથી દૈનિક ચાર્ટ પર ઇન્વર્ટેડ હેડ એન્ડ શોલ્ડર પેટર્નની પણ પુષ્ટિ થઈ છે. મહત્વના સપોર્ટ લેવલ આ પ્રમાણે છે. નિફ્ટી 50 24,200, 24,000 અને 23,900 એ ટેકો ધરાવે છે.  અહીંથી નિફ્ટી 24,750થી 24,800 સુધી જઈ શકે છે. ઇન્વર્ટેડ હેડ એન્ડ શોલ્ડર પેટર્ન મુજબ લાંબો લક્ષ્યાંક આશરે 25,300નો બને છે. જો નિફ્ટી 23,900થી નીચે બંધ થશે તો ટૂંકા ગાળાની સ્થિતિ નબળી બની શકે છે અને 23,600 સુધી ઘટાડો જોવા મળી શકે છે. જોકે હાલમાં તેની શક્યતા ઓછી છે.

મધ્યમ ગાળાનો અંદાજ

નિફ્ટી હાલમાં 22,000થી 26,500ની વિશાળ રેન્જમાં મજબૂતીથી આગળ વધી રહ્યો છે. આવતા બે મહિનામાં તે 26,500ની ઉપરની રેન્જ સુધી પહોંચી શકે છે. જો 26,500ની ઉપર મજબૂત બ્રેકઆઉટ મળશે તો લાંબા ગાળામાં નિફ્ટી 28,000 અને ત્યારબાદ 30,000 સુધી પહોંચી શકે છે. આ તેજીનો અંદાજ ખોટો સાબિત કરવા માટે નિફ્ટીએ 22,000થી નીચે તૂટવું જરૂરી રહેશે.

નિફ્ટી બેન્ક (57,938.50)ઃ ટૂંકા ગાળાનો અંદાજ

નિફ્ટી બેન્ક સતત ત્રીજા સપ્તાહે પણ 56,800થી 58,800ની સાંકડી રેન્જમાં રહ્યો છે. અમારી અપેક્ષા મુજબ અંતે ઇન્ડેક્સ 58,800ની ઉપર બ્રેકઆઉટ આપી શકે છે. એવું બનશે તો નિફ્ટી બેન્ક 60,500થી 61,500 સુધી પહોંચી શકે છે. જો ઇન્ડેક્સ 56,800થી નીચે જશે તો ટૂંકા ગાળે 56,000 અથવા તેનાથી પણ નીચે ઘટાડો જોવા મળી શકે છે. પરંતુ હાલ અમારી પ્રાથમિકતા તેજીવાળા બ્રેકઆઉટની જ છે.

મધ્યમ ગાળાનો અંદાજ

મધ્યમ ગાળાનો તેજીનો અભિગમ યથાવત છે. 61,000થી 61,500 વચ્ચે મોટું રેઝિસ્ટન્સ છે. જો ઇન્ડેક્સ 61,500ની ઉપર જશે તો મધ્યમ ગાળે 65,000 સુધીનો વધારો જોવા મળી શકે છે. લાંબા ગાળામાં તે 68,000થી 69,000 સુધી પણ પહોંચી શકે છે. મહત્વના સપોર્ટ નીચે મુજબ છે. નિફ્ટી બેન્ક 53,500, 50,000ની સપાટીએ મજબૂત ટેકો ધરાવે છે. જો નિફ્ટી બેન્ક 50,000થી નીચે જશે તો તેજીનો અંદાજ રદ થઈ શકે છે.

સેન્સેક્સ (77,763.91)

અપેક્ષા મુજબ સેન્સેક્સે 77,400નું રેઝિસ્ટન્સ પાર કર્યું છે. હવે 78,800થી 79,000 સુધીનો વધારો શક્ય છે. નિફ્ટીની જેમ સેન્સેક્સમાં પણ ઇન્વર્ટેડ હેડ એન્ડ શોલ્ડર પેટર્ન જોવા મળે છે. જો સેન્સેક્સ 79,000ની ઉપર મજબૂતીથી જશે તો તે પેટર્નની પુષ્ટિ થશે અને ત્યારબાદ 81,000થી 81,500 સુધીનો ઉછાળો જોવા મળી શકે છે. સેન્સેક્સ 77,400, 76,700 અને 76,300થી 76,000 ટેકો ધરાવે છે. જો સેન્સેક્સ 76,000થી નીચે જશે તો ટૂંકા ગાળાનો અભિગમ નબળો બનશે અને 74,000થી 73,000 સુધી ઘટાડાની શક્યતા રહેશે.

મધ્યમ ગાળાનો અંદાજ

સેન્સેક્સ હાલમાં 71,000થી 86,000ની વિશાળ રેન્જમાં આગળ વધી રહ્યો છે. આગામી મહિનાઓમાં તે 86,000 સુધી પહોંચી શકે છે. જો 81,500ની ઉપર નિર્ણાયક બ્રેકઆઉટ મળશે તો આ લક્ષ્ય વધુ મજબૂત બનશે. લાંબા ગાળામાં 86,000ની ઉપર જઈને સેન્સેક્સ 90,000 અને ત્યારબાદ 94,000 સુધી પહોંચી શકે છે.

નિફ્ટી મિડકેપ-150 (22,884.35)

ઇન્ડેક્સ 22,539ના નીચલા સ્તરેથી મજબૂત રીતે પાછો ફર્યો છે. તેના મહત્વના સપોર્ટ લેવલની વાત કરીએ તો તે 22,750, 22,600ની સપાટીએ ટેકો ધરાવે છે. ટૂંકા ગાળે 23,200થી 23,300નું રેઝિસ્ટન્સ ચકાસી શકે છે.  અમારી ધારણા મુજબ અંતે 23,300ની ઉપર બ્રેકઆઉટ મળી શકે છે. ત્યારબાદ મધ્યમ ગાળે ઇન્ડેક્સ 26,000થી 26,500 સુધી જઈ શકે છે. લાંબા ગાળે 28,000થી 28,500 સુધી પહોંચવાની શક્યતા પણ વધશે. જો ઇન્ડેક્સ 22,600થી નીચે જશે તો ટૂંકા ગાળે 22,000 સુધી ઘટાડો થઈ શકે છે. લાંબા ગાળે 21,000થી 20,800 મહત્વપૂર્ણ સપોર્ટ છે. જો ઇન્ડેક્સ 20,800થી નીચે જશે તો લાંબા ગાળાનો તેજીનો અંદાજ નબળો પડશે.

ટૂંકા ગાળાના લક્ષ્યાંકો

• નિફ્ટી-50: 24,750થી 24,800
• સેન્સેક્સ: 81,000થી 81,500
• નિફ્ટી બેન્ક: 60,500થી 61,500

નિફ્ટી સ્મોલકેપ-250 (17,996.25)

ગયા સપ્તાહે જણાવેલ 17,550નો સપોર્ટ ખૂબ મજબૂત સાબિત થયો છે. ઇન્ડેક્સ 17,544 સુધી ઘટીને ફરી ઉપર આવ્યો છે. હવે તે 18,300ના મહત્વના રેઝિસ્ટન્સ સુધી જઈ શકે છે. અમારી ધારણા મુજબ ઇન્ડેક્સ 18,300ની ઉપર નિર્ણાયક બ્રેકઆઉટ આપશે. એવું બનશે તો મધ્યમ ગાળામાં ઇન્ડેક્સ 22,500થી 23,000 સુધી પહોંચી શકે છે. લાંબા ગાળે 24,000થી 25,000 સુધીનો માર્ગ ખુલ્લો થઈ શકે છે. જો 18,300ની ઉપર બ્રેકઆઉટ નહીં મળે તો ઇન્ડેક્સ થોડો સમય 17,500થી 18,300ની રેન્જમાં જ રહી શકે છે. જો 17,500થી નીચે જશે તો 17,000 અથવા 16,500થી 16,300 સુધી ઘટાડો જોવા મળી શકે છે.