ફિક્સ્ડ ઇન્કમથી આગળ વિચાર કરી રહ્યા છો? આ ફંડે સતત સારું પ્રદર્શન કર્યું છે: ICICI પ્રુડેનશિયલ રેગ્યુલર સેવિંગ્સ ફંડ દેવાની સ્થિરતા સાથે ઇક્વિટી આધારિત વૃદ્ધિનો લાભ આપે છે

આઈસીઆઈસીઆઈ પ્રુડેન્સિયલ રેગ્યુલર સેવિંગ ફંડ  એક કન્ઝર્વેટિવ હાઇબ્રિડ ફંડ છે, તેણે વર્ષોથી તેના સમકક્ષ ફંડોની સરખામણીએ સતત વધુ સારું પ્રદર્શન કર્યું છે અને દેવા કરતાં વધુ વળતર આપ્યા છે. મોટા ભાગે લાર્જ-કેપ ઇક્વિટી પોર્ટફોલિયો અને વધુ યિલ્ડ-વળતર આપતા ડેટ પોર્ટફોલિયાના સંયોજનની તેની વ્યૂહરચનાએ તેને વધુ સારા રિસ્ક-એડજસ્ટેડ રિટર્ન્સ મેળવવામાં મદદ કરી છે. છેલ્લા 10 વર્ષમાં ફંડે 9 ટકા ચક્રવૃદ્ધિ વાર્ષિક વૃદ્ધિ દર (CAGR) નોંધાવ્યો છે, જે કેટેગરીની સરેરાશ 7.3 ટકા કરતાં નોંધપાત્ર રીતે વધુ છે.

કન્ઝર્વેટિવ હાઇબ્રિડ ફંડ એવા રોકાણકારો માટે હોય છે, જેઓ ઓછાથી મધ્યમ જોખમ સ્વીકારવા તૈયાર હોય અને મર્યાદિત ઇક્વિટી એક્સપોઝર ઇચ્છતા હોય. આવા ફંડ સામાન્ય રીતે તેમની કુલ સંપત્તિના 75થી 90 ટકા ડેટમાં અને 10થી 25 ટકા ઇક્વિટીમાં રોકાણ કરે છે. ડેટમાં રોકાણ સ્થિરતા અને નિયમિત આવક આપે છે, જ્યારે ઇક્વિટી વૃદ્ધિ માટે વધારાનો લાભ આપે છે. છેલ્લા પાંચ વર્ષ દરમિયાન આ ફંડે બજારની સ્થિતિ અનુસાર પોતાની ઇક્વિટી ફાળવણી 15થી 24 ટકા વચ્ચે જાળવી રાખી છે, જ્યારે બાકીની રકમ ડેટ સાધનોમાં રોકવામાં આવી છે.

ફંડ એવા ક્ષેત્રો અને શેરોથી દૂર રહે છે જ્યાં ક્ષેત્રનું ભવિષ્ય અને કંપનીના મૂળભૂત પરિબળો બંને નબળા હોય.

ફંડ ટોપ-ડાઉન અને બોટમ-અપ રોકાણ પદ્ધતિનું સંયોજન અપનાવે છે. સૌપ્રથમ તે એવા ક્ષેત્રોની ઓળખ કરે છે, જેને વર્તમાન આર્થિક અને વ્યવસાયિક ચક્રનો લાભ મળી શકે. ઉદાહરણ તરીકે, આર્થિક મંદીના સમયમાં પોર્ટફોલિયોને વધુ સુરક્ષિત અને સ્થિર વ્યવસાય ધરાવતા ક્ષેત્રો તરફ ઝુકાવવામાં આવે છે. પછી તે પસંદ કરેલા ક્ષેત્રોમાંથી મજબૂત ફંડામેન્ટલ્સ-મૂળભૂત મજબૂતી અને આકર્ષક મૂલ્યાંકન ધરાવતી કંપનીઓની પસંદગી કરે છે. પોર્ટફોલિયોની રચના એવી શિસ્તબદ્ધ પદ્ધતિ પર આધારિત છે, જેમાં ક્ષેત્રની આકર્ષકતા અને ચોક્કસ કંપનીની તકો બંનેને ધ્યાનમાં લેવામાં આવે છે. સૌથી વધુ ફાળવણી તે કંપનીઓને આપવામાં આવે છે જ્યાં ક્ષેત્રનું ભવિષ્ય અને કંપનીના મૂળભૂત પરિબળો બંને મજબૂત હોય. ઓછી ફાળવણી એવા આકર્ષક ક્ષેત્રોને આપવામાં આવે છે જ્યાં મર્યાદિત તકો હોય અથવા નબળા ક્ષેત્રોમાં પણ લાંબા ગાળાની વૃદ્ધિની ક્ષમતા ધરાવતી મજબૂત કંપનીઓને આપવામાં આવે છે.

ફંડ કોન્ટ્રેરિયન અભિગમ પણ અપનાવે છે, જેમાં તે એવા શેરોની શોધ કરે છે જે હાલમાં બજારમાં ઓછા પસંદગીના હોય, પરંતુ જેમાં ઘટાડાનું જોખમ મર્યાદિત અને લાંબા ગાળાની વૃદ્ધિની સારી સંભાવના હોય. શેરોની પસંદગી વિગતવાર મૂલ્યાંકન વિશ્લેષણના આધારે કરવામાં આવે છે, જેથી સુરક્ષાનો પૂરતો માર્જિન જળવાઈ રહે અને માત્ર બજારની તેજીને અનુસરવામાં ન આવે. હાલમાં ફંડે મોટી ખાનગી બેંકો, જીવન વીમા કંપનીઓ, પસંદગીની IT કંપનીઓ, કેમિકલ અને ફાર્મા શેરોમાં વધુ રોકાણ (Overweight) રાખ્યું છે.જ્યારે કેપિટલ માર્કેટ સાથે જોડાયેલા વ્યવસાયો, ઔદ્યોગિક કંપનીઓ, કન્ઝ્યુમર ડિસ્ક્રેશનરી અને ઇ-કોમર્સ કંપનીઓમાં ઓછું રોકાણ (Underweight) રાખ્યું છે.

તાજેતરના પોર્ટફોલિયો મુજબ ત્રણ સૌથી મોટા ક્ષેત્રો બેન્કિંગ, વીમા અને ઓટોમોબાઇલ્સ રહ્યા છે. છેલ્લા એક વર્ષમાં ફંડે રિટેલિંગ, ફૂડ પ્રોડક્ટ્સ અને બેંકોમાં રોકાણ વધાર્યું, જ્યારે ફાર્મા, ઓઇલ અને સિમેન્ટ ઉત્પાદનોમાં રોકાણ ઘટાડ્યું છે. માર્કેટ-કેપના આધારે જોવામાં આવે તો ઇક્વિટી ફાળવણીમાંથી લગભગ બે-તૃતીયાંશ રોકાણ લાર્જ-કેપમાં છે અને બાકીની રકમ મિડ-કેપ તથા સ્મોલ-કેપમાં છે. હાલમાં કુલ સંપત્તિના આશરે 13 ટકા લાર્જ-કેપમાં, 3 ટકા મિડ-કેપમાં, 6 ટકા સ્મોલ-કેપમાં રોકાણ કરવામાં આવ્યું છે.

ડેટ વિભાગમાં ફંડ સક્રિય રીતે સંચાલિત અને લવચીક વ્યૂહરચના અપનાવે છે. પોર્ટફોલિયોમાં સરકારી સિક્યોરિટીઝ, ઉચ્ચ ગુણવત્તાવાળા કોર્પોરેટ બોન્ડ, PSU ડેટ અને સિંગલ-A રેટિંગ સુધીના પસંદગીના ખાનગી કોર્પોરેટ બોન્ડનો સમાવેશ થાય છે. છેલ્લા પાંચ વર્ષ દરમિયાન પોર્ટફોલિયોની મેકોલે ડ્યુરેશન 1.25થી 3.5 વર્ષ વચ્ચે જાળવવામાં આવી છે. તાજેતરના પોર્ટફોલિયો મુજબ ફંડે 17 ટકા સરકારી સિક્યોરિટીઝમાં, 52 ટકા કોર્પોરેટ ડેટમાં, 3 ટકા પાસ-થ્રુ સર્ટિફિકેટ્સમાં, 2 ટકા સર્ટિફિકેટ્સ ઓફ ડિપોઝિટમાં રોકાણ કર્યુ છે. આ ફંડની વિશેષતા એ છે કે તેમાં નોન-AAA રેટેડ ડેટમાં પણ નોંધપાત્ર રોકાણ કરવામાં આવે છે, જે સામાન્ય રીતે પોર્ટફોલિયોના 30થી 50 ટકા વચ્ચે રહે છે.

આ પ્રકારના ડેટમાં નોંધપાત્ર રોકાણ ધરાવતા થોડા કન્ઝર્વેટિવ હાઇબ્રિડ ફંડમાં Nippon India Conservative Hybrid, SBI Conservative Hybrid અને Aditya Birla Sun Life Regular Savingsનો પણ સમાવેશ થાય છે. તાજેતરના પોર્ટફોલિયોમાં AAA રેટેડ સિક્યોરિટીઝમાં 11 ટકા, AA રેટેડ સિક્યોરિટીઝમાં 39 ટકા અને Single-A સિક્યોરિટીઝ – 6 ટકા રોકાણ કર્યું છે.  ક્રેડિટ જોખમ ઘટાડવા માટે ફંડ સામાન્ય રીતે નોન-AAA ડેટની મેચ્યોરિટી 2થી 3 વર્ષ સુધી મર્યાદિત રાખે છે.

આ વિભાગના મુખ્ય ઇશ્યૂઅર્સમાં Prism Johnson, Kogta Financial (India), Ashiana Housing, Hiranandani Financial Servicesનો સમાવેશ થાય છે. ફંડના ડેટ પોર્ટફોલિયોની યિલ્ડ ટુ મેચ્યોરિટી (YTM) 8 ટકા હતી, જ્યારે કેટેગરીની સરેરાશ 7.2 ટકા હતી.

સારામાં સારું પરફોર્મન્સ

ICICI Prudential Regular Savings Fundએ મોટા ભાગના ઇક્વિટી અને વ્યાજદરના ચક્રોમાં સતત વધુ સારા રિસ્ક-એડજસ્ટેડ રિટર્ન્સ આપ્યા છે. છેલ્લા સાત વર્ષના પાંચ વર્ષના રોલિંગ રિટર્ન્સના વિશ્લેષણ મુજબ ફંડે સરેરાશ 9.7 ટકા વાર્ષિક ચક્રવૃદ્ધિ વળતર આપ્યું છે, જ્યારે કેટેગરીની સરેરાશ 8.7 ટકા રહી હતી. આ સમયગાળા દરમિયાન ફંડના પાંચ વર્ષના રોલિંગ રિટર્ન્સ 8.2 ટકાથી 11.6 ટકા વચ્ચે રહ્યા હતા. ત્રણ વર્ષના રોલિંગ રિટર્ન્સના આધારે ફંડે સરેરાશ 9.6 ટકા CAGR નોંધાવ્યો છે, જ્યારે કેટેગરીની સરેરાશ 8.8 ટકા હતી. ફંડના રેગ્યુલર પ્લાનનો બેઝ એક્સપેન્સ રેશિયો 1.42 ટકા છે, જે કેટેગરીની 1.44 ટકા સરેરાશ કરતાં થોડો ઓછો છે.

ડાયરેક્ટ પ્લાનનો એક્સપેન્સ રેશિયો 0.80 ટકા છે, જ્યારે કેટેગરીની સરેરાશ 0.75 ટકા છે. ફંડનો હેતુ પરંપરાગત ડેટ રોકાણ કરતાં વધુ વળતર મેળવવાનો છે અને સાથે જ મુખ્યત્વે ડેટ આધારિત પોર્ટફોલિયો દ્વારા ઘટાડાના જોખમને મર્યાદિત રાખવાનો છે. આ ફંડ એવા રોકાણકારો માટે યોગ્ય હોઈ શકે છે, જેઓ ઓછાથી મધ્યમ જોખમ સ્વીકારી શકે છે અને મધ્યમ ગાળાના રોકાણ માટે મર્યાદિત ઇક્વિટી એક્સપોઝર ઇચ્છે છે.

શા માટે રોકાણ કરવું?

વિવિધ બજાર ચક્રોમાં સતત ડેટ-પ્લસ રિટર્ન્સ આપે છે. વધુ યિલ્ડ આપતું ડેટ પોર્ટફોલિયોની આવકમાં વધારો કરે છે. લાર્જ-કેપ ઇક્વિટી લાંબા ગાળાની વૃદ્ધિ માટે વધારાનો લાભ પણ આપે જ છે