શો-કોઝ નોટિસ આપ્યા વિના ટેક્સ અને પેનલ્ટી નક્કી કરવાની કાર્યવાહી સંપૂર્ણ ગેરકાયદેસર
શો-કોઝ નોટિસ આપ્યા વિના ટેક્સ અને પેનલ્ટી નક્કી કરવાની કાર્યવાહી સંપૂર્ણ ગેરકાયદેસર: GSTAT
- કરદાતાને સાંભળવાની તક આપ્યા વિના કલમ ૭૪(૯) હેઠળ કરાયેલો આદેશ કાયદાથી વિપરીત
અમદાવાદ: કરદાતાને શો-કોઝ નોટિસ પાઠવ્યા વિના જીએસટી કાયદાની કલમ ૭૪(૯) હેઠળ આકારણી અધિકારી દ્વારા ટેક્સ અને દંડ નક્કી કરવાની સમગ્ર કાર્યવાહી સંપૂર્ણપણે ગેરકાયદેસર અને રદબાતલ ગણાય, એવો ચૂકાદો જીએસટી એપેલેટ ટ્રિબ્યુનલે જીએસટી કાયદા હેઠળ અધિકારીઓની મનસ્વી કાર્યવાહી સામે એક અત્યંત મહત્વપૂર્ણ ચુકાદો આપ્યો છે. આમ કરદાતાને શો-કોઝ નોટિસ પાઠવ્યા વિના જીએસટી કાયદાની કલમ ૭૪(૯) હેઠળ આકારણી અધિકારી દ્વારા ટેક્સ અને દંડ નક્કી કરવાની સમગ્ર કાર્યવાહી સંપૂર્ણપણે ગેરકાયદેસર અને રદબાતલ ગણાય.
અદાલતે આ અંગે વધુ સ્પષ્ટતા કરતા જણાવ્યું હતું કે, કાયદાકીય પ્રક્રિયા અનુસાર કરદાતા સામે કોઈ પણ આદેશ પસાર કરતા પહેલા તેને શો-કોઝ નોટિસ આપીને પોતાનો પક્ષ રજૂ કરવાની પૂરતી તક આપવી અનિવાર્ય છે. કુદરતી ન્યાયના સિદ્ધાંતનું ઉલ્લંઘન કરીને કરવામાં આવેલો આવો કોઈ પણ ઓર્ડર કાયદાની નજરમાં ટકી શકતો નથી.
શો-કોઝ નોટિસની અનિવાર્યતા: ટ્રિબ્યુનલે ઠેરવ્યું કે કલમ ૭૪ હેઠળ કાર્યવાહી કરતી વખતે કારણ દર્શાવો નોટિસ આપવી એ કાયદાકીય જરૂરિયાત છે, જેના વિના કર કે દંડ આકારવો એ સત્તાનો દુરુપયોગ છે.
કુદરતી ન્યાયના સિદ્ધાંતનો ભંગ: કરદાતાને નોટિસ આપ્યા વિના જ સીધો દંડ કે વેરો નક્કી કરી દેવો એ બંધારણીય અને ન્યાયિક અધિકારોનું ગંભીર ઉલ્લંઘન છે.
કરદાતાઓ માટે રક્ષણ: જીએસટી તંત્રની આવી મનસ્વી કાર્યવાહીનો સામનો કરી રહેલા દેશભરના વેપારીઓ અને કરદાતાઓ માટે આ ચુકાદો એક મજબૂત ઢાલ સમાન સાબિત થશે.
આ ચુકાદાથી સ્પષ્ટ થાય છે કે જીએસટી અધિકારીઓએ આકારણી કે દંડની કાર્યવાહી કરતી વખતે નક્કી કરેલી યોગ્ય કાયદાકીય પ્રક્રિયાનું પાલન કરવું પણ ફરજિયાત છે.
