જીએસીટી ચોરીની આગોતરી બાતમી હોય તો જ અધિકારીની પૂર્વ મંજૂરીથી માલ લઈ જતાં વાહનોની રસ્તામાં ચકાસણી કરાશે
જીએસીટી ચોરીની આગોતરી બાતમી હોય તો જ અધિકારીની પૂર્વ મંજૂરીથી માલ જતાં વાહનોની રસ્તામાં ચકાસણી કરાશે
આઠમી ઓક્ટોબરે મળનારીGST કાઉન્સિલની ૫૭મી બેઠક સંખ્યાબંધ નિર્ણયો લેવાશે: આયાત માટે નિયુક્ત કરેલી એજન્સીઓને સોના, ચાંદી અને પ્લેટિનમની આયાત પર મળતી ૩% IGST મુક્તિ પાછી ખેંચી લેવાની દરખાસ્ત મૂકવામાં આવી: વેપારીઓ અને કંપનીઓ માટે મોટર વાહનો પર ઇનપુટ ટેક્સ ક્રેડિટની જોગવાઈ વધુ ઉદાર બનાવવામાં આવી શકે છે
નવી દિલ્હી: ભારત સરકાર અને રાજ્યોના નાણાં મંત્રીઓના પ્રતિનિધિત્વ ધરાવતી સર્વોચ્ચ નીતિ નિર્ધારક સંસ્થા જીએસટી કાઉન્સિલ ની ૫૭મી મહત્વપૂર્ણ બેઠકમાં ‘નેક્સ્ટ-જનરેશન GST’ સુધારા એજન્ડા હેઠળ યોજાનારી આ બેઠકમાં વ્યાપારીઓ, વાહનવ્યવહાર ક્ષેત્ર, રિયલ એસ્ટેટ, ઈ-કોમર્સ, તેમજ ઈન્સ્યોરન્સ અને બુલિયન માર્કેટને સ્પર્શતા અનેક ક્રાંતિકારી નિર્ણયો લેવાય તેવી પ્રબળ શક્યતા છે. આ બેઠકનું આયોજન નવી દિલ્હીના ભારત મંડપમ ખાતે કરવામાં આવ્યું છે. “અનિવાર્ય સંજોગો” ને કારણે અગાઉ નક્કી કરેલી તારીખમાં ફેરફાર કરીને હવે આ બેઠક ગુરુવાર, ૮ ઓક્ટોબર ૨૦૨૬ ના રોજ સવારે ૧૧:૦૦ વાગ્યાથી યોજાશે.
પેસેન્જર વાહનો, ઇલેક્ટ્રિક વ્હીકલ્સ (EV) અને ટ્રાન્સપોર્ટ માટે અપાતી ITCનો વ્યાપ વધારશે
કાઉન્સિલ સમક્ષ રજૂ કરાયેલી પ્રપોઝલ મુજબ, વેપારીઓ અને કંપનીઓ માટે મોટર વાહનો પર ઇનપુટ ટેક્સ ક્રેડિટ (ITC) ની જોગવાઈ વધુ ઉદાર બનાવવામાં આવી શકે છે. ડ્રાઇવર સહિત ૧૩ વ્યક્તિઓની બેસવાની ક્ષમતા ધરાવતા વાહનોની ખરીદી, ઈન્સ્યોરન્સ, સર્વિસિંગ, રિપેરિંગ અને મેન્ટેનન્સ પર કંપનીઓને ઇનપુટ ટેક્સક્રેડિટનો લાભ મળશે. અત્યારે આ લાભ માત્ર ચોક્કસ વ્યવસાયો પૂરતો જ મર્યાદિત છે.
ઈલેક્ટ્રિક વાહનોના ભાડાં અને પેસેન્જર ટ્રાન્સપોર્ટ સુવિધામાં અન્ય પેટ્રોલ-ડીઝલ વાહનોની જેમ ૫ ટકા (મર્યાદિત ITC સાથે) અથવા ૧૮ ટકા (પૂર્ણ ITC સાથે) નો સમાન દર લાગુ કરીને બન્નેને સમકક્ષ લાવવામાં આવશે.
ઈ-કોમર્સ પ્લેટફોર્મના માધ્યમથી ઓર્ડર કરવામાં આવેલી સામાનની ડિલિવરી સર્વિસ પર હાલના ૧૮ ટકા જીએસટીને બદલે ઇનપુટ ટેક્સક્રેડિટ આપ્યા વિના જ તમામ પર 5 ટકાનો એકસમાન જીએસટી લાગુ કરવામાં આવે તેવી સંભાવના છે. ડીલરો અને એજન્ટો દ્વારા વેચાતા ડેમોન્સ્ટ્રેશન વાહનો પર એકસમાન ઇનપુટ ટેક્સ ક્રેડિટનો લાભ મળશે. જ્યારે જૂના વાહનોના વેપારમાં ક્રેડિટની શરત માત્ર જે-તે ચોક્કસ વાહન પૂરતી જ મર્યાદિત રહેશે.
લીઝ પર અપાતા વાહનોમાં રજિસ્ટ્રેશન ચાર્જ, રોડ ટેક્સ અને ઈન્સ્યોરન્સ જેવી રકમ પર લીઝિંગ સેવાના દરે જ ટેક્સ લાગશે. આ સિવાય મેટ્રો રેલને પણ ટ્રાન્સપોર્ટ ડોક્યુમેન્ટ્સ હેઠળ આવરી લેવામાં આવશે, બીજીતરફ વાવણી માટેના બિયારણોના વેરહાઉસિંગને જીએસટી મુક્ત કરવામાં આવશે.
આંતરરાજ્ય માલસામાનની હેરફેર: ટ્રકો માટે અટકાયત અને તપાસમાંથી રાહત
રાજ્યોની સરહદો પરથી પસાર થતા ગુડ્સ વાહનોની વારંવાર થતી ભૌતિક તપાસ ઘટાડવા માટે મોટો નિર્ણય લેવાય તેવી શક્યતા રહેલી છે. ચોક્કસ બાતમી અને વરિષ્ઠ અધિકારીની આગોતરી મંજૂરી હોય તો જ વાહનને રસ્તામાં અટકાવી શકાશે. પાંચ રાજ્યોમાંથી પસાર થતાં ટ્રક કે વાહનની પાંચેય રાજ્યમાં અલગ-અલગ તપાસ કરવાને બદલે માત્ર એક જ પોઈન્ટ પર વેરિફિકેશન કરવામાં આવશે, જેથી ટ્રાન્સપોર્ટેશન સમય બચશે અને વિલંબ ટાળી શકાશે. જોકે, જ્યાં ખરીદદારે પોતે ટેક્સ ચૂકવવાનો હોય અથવા દસ્તાવેજો વગર માલ જતો હોય ત્યાં રાજ્ય તંત્રને તપાસનો અધિકાર રહેશે.
રિયલ એસ્ટેટ, ઇન્ફ્રાસ્ટ્રક્ચર અને હોસ્પિટાલિટી ક્ષેત્ર માટે ITC ની સુધારણા
ઔદ્યોગિક અને ઇન્ફ્રાસ્ટ્રક્ચર પ્રોજેક્ટ્સનો ટેક્સ બોજ ઘટાડવા માટે અગત્યની ક્રેડિટ રાહતો વિચારણા હેઠળ છે. કારખાના કે ફેક્ટરીની બહાર જમીનમાં કાયમી ધોરણે નાખવામાં આવતી પાઇપલાઇન અને ટેલિકોમ ટાવરને અત્યાર સુધી અસ્થાવર મિલકત ગણી ઇનપુટ ટેક્સક્રેડિટ અપાતી નહોતી. હવે તેને વ્યવસાયનો ભાગ ગણી ઇનપુટ ટેક્સક્રેડિટ આપવાની ભલામણ કરવામાં આવી છે, જેનાથી રિફાઇનરી, પેટ્રોકેમિકલ્સ, ગેસ અને વોટર પ્રોજેક્ટ્સની ખર્ચ-પડતરમાં મોટો ઘટાડો થશે. સરકારી માલિકીની કંપનીઓ વચ્ચે પ્રોજેક્ટ અમલીકરણ વખતે કરારબદ્ધ કિંમતને જ માન્ય રાખવામાં આવશે, જેથી તેમની વચ્ચે નોશનલ વેલ્યુ આકારણીનો વિવાદ ઉકેલાશે. રૂ. ૭,૫૦૦ સુધીના હોટેલ રૂમ, કેટરિંગ, આઉટડોર કેટરિંગ, સ્પોર્ટસ/વેલનેસ અને રિસોર્ટમાં અપાતી સ્પા-જીમ સેવાઓ માટે એક જ લાઇનના બિઝનેસમાં ઇનપુટ ટેક્સ ક્રેડિટ પાસ થ્રૂની મંજૂરી આપવામાં આવશે. પરિણામે ગ્રાહકો પર થતો ડબલ કરવેરાનો બોજ અટકશે.
કર્મચારીઓના ગ્રુપ ઈન્સ્યોરન્સ પર કંપનીઓને ઇનપુટ ટેક્સક્રેડિટનો લાભ
કંપનીઓ અને એમ્પ્લોયર્સ માટે એક અત્યંત રાહતરૂપ પ્રસ્તાવ કાઉન્સિલ સમક્ષ મૂકવામાં આવ્યો છે. વ્યક્તિગત ધોરણે લેવાતી હેલ્થ કે લાઈફ પોલિસી જીએસટી મુક્ત છે, પરંતુ જ્યારે કોઈ કંપની તેના કર્મચારીઓ માટે ગ્રુપ હેલ્થ કે લાઈફ ઈન્સ્યોરન્સ ખરીદે છે ત્યારે તેના પર ૧૮ ટકા જીએસટી લાગે છે. અત્યાર સુધી કંપનીઓ આ ૧૮ ટકા જીએસટી પર ઇનપુટ ટેક્સ ક્રેડિટ (ITC) ક્લેમ કરી શકતી નહોતી. હવે કાઉન્સિલ આ ૧૮ ટકા ટેક્સ પર કંપનીઓને ITC ક્લેમ કરવાની મંજૂરી આપવા અંગે વિચારણા કરશે, જેથી કોર્પોરેટ હેલ્થ કવરેજને મોટો વેગ મળશે.
જીએસટી ન ભરનારા વેપારીઓની ધરપકડના અધિકારો, જેલની સજા અને ફોજદારી કાર્યવાહીમાં મોટો ઘટાડો
કરદાતાઓને વહીવટી અને કાયદાકીય હુમલાઓથી બચાવવા માટે કમ્પ્લાયન્સ સંબંધિત ક્રાંતિકારી સુધારાનો પ્રસ્તાવ છે. ધરપકડના અધિકાર પર અંકુશ મૂકવામાં આવે તેવી શક્યતા છે. જીએસટી અધિકારીઓ પાસે રહેલી સીધી ધરપકડની સત્તા નાબૂદ કરીને, હવે જ્યુડિશિયલ ઓથોરાઇઝેશન (અદાલતી મંજૂરી) ફરજિયાત બનાવવામાં આવે તેવી શક્યતા છે. ક્રિમિનલ કેસની મર્યાદામાં વધારો: ફોજદારી કાર્યવાહી શરૂ કરવા માટેની કરચોરીની ન્યૂનતમ મર્યાદા રૂ. ૧ કરોડથી વધારીને રૂ. ૫ કરોડ કરવામાં આવશે. જીએસટી કાયદા હેઠળ આવતા ૨૪ પૈકી ૯ ગુનાઓને સંપૂર્ણપણે નાબૂદ કરાશે અને ૨૪ ગુનાઓ માટે સજા હળવી કરાશે. ન્યૂનતમ જેલ સજાની કડક જોગવાઈ હટાવાશે જેથી કોર્ટ પાસે દંડ કરવાનો વિકલ્પ રહે અને મહત્તમ જેલની સજા ૩ વર્ષથી ઘટાડી ૨ વર્ષ કરાશે. વર્ગીકરણ કે વેલ્યુએશનના સામાન્ય વિવાદોને ક્રિમિનલ પ્રોસેસથી બહાર રાખવામાં આવશે. નાના ટેક્સપેયર્સ માટે લેટ ફી માફી અને પેનલ્ટીનું વ્યાજબીકરણ કરવામાં આવશે.
સોના, ચાંદી અને પ્લેટિનમની આયાત પર IGST મુક્તિ પાછી ખેંચવાની પ્રપોઝલ
દેશના ફોરેક્સ રિઝર્વ (વિદેશી હૂંડિયામણ)નું રક્ષણ કરવા અને બુલિયન માર્કેટમાં સમાનતા લાવવા માટે કાઉન્સિલ મોટો નિર્ણય લઈ શકે છે.
૨૦૧૭થી બેંકો અને સરકારી નામાંકિત એજન્સીઓ (Nominated Agencies) ને સોના, ચાંદી અને પ્લેટિનમની આયાત પર મળતી ૩% IGST મુક્તિ પાછી ખેંચી લેવાની પ્રપોઝલ મૂકવામાં આવી છે. આ મુક્તિ રદ થવાથી સામાન્ય બુલિયન એક્સચેન્જ અને બેંકો/એજન્સીઓ માટે ટેક્સના નિયમો એકસમાન બનશે. બિન-જરૂરી આયાત અટકાવી દેશમાંથી બહાર જતું વિદેશી હૂંડિયામણ રોકવાના હેતુથી આ નિર્ણય લેવાઈ રહ્યો છે.
Tags: 57th GST Council meeting October 2026 Bank precious metal import tax 2026 Bharat Mandapam GST meeting agenda Bullion exchange parity GST Council Business Standard GST news analysis Business Today GST report Commercial vehicle ITC relief India Corporate health insurance coverage boost Corporate health policy 18 percent GST credit Corporate tax and GST compliance news Demo vehicle ITC GST Council Ease of doing business tax reforms India Ecommerce delivery 5 percent GST Electric vehicle GST rate parity Employee group insurance GST ITC claim Evasion and fraud GST prosecution Financial penalty and tax recovery GST Foreign currency outflow gold imports Forex reserve conservation gold import GST arrest powers judicial authorization GST Council meeting outcome news GST Council meeting rescheduled October 8 GST Council Secretariat office memorandum GST criminal proceedings relaxations GST input tax credit on motor vehicles GST late fee waiver small taxpayers GST laws and prosecution committee GST prosecution threshold raise 5 crore GST કાઉન્સિલ ૫૭મી બેઠક Hospitality hotel room GST ITC pass through IGST exemption withdrawal gold silver import Import duty on gold silver platinum Indian indirect tax policy updates Interstate truck movement check relaxations Metro rail transport document GST Minimum sentence removal GST offences Next Generation GST reforms agenda Passenger transport PV renting GST PTI GST Council news updates Public sector enterprise GST contract price Real estate pipeline telecom tower ITC Second hand car GST margin scheme Seed warehousing GST exemption Single point verification for transport GST Softening of offences under GST law Spa and gym hotel ITC rationalisation Tax classification and valuation disputes Tax cost reduction infrastructure projects Trade facilitation GST Council decisions Uniform delivery tax rate e-commerce Vehicle insurance and repair GST ITC Vehicle leasing road tax GST treatment અદાલતી મંજૂરી જીએસટી ધરપકડ આંતરરાજ્ય ટ્રક તપાસ રાહત આઉટડોર કેટરિંગ જીએસટી સુધારો ઈ કોમર્સ ડિલિવરી જીએસટી ૫ ટકા ઈઝ ઓફ ડુઈંગ બિઝનેસ ટેક્સ ઈલેક્ટ્રિક વાહનો જીએસટી નીતિ ઔદ્યોગિક વાહનો જીએસટી આઈટીસી કરચોરી કેસ જીએસટી કાયદો કર્મચારી ગ્રુપ ઈન્સ્યોરન્સ જીએસટી ક્રેડિટ કસ્ટમ્સ અને જીએસટી ઇન્ટેલિજન્સ કસ્ટમ્સ અને જીએસટી પોર્ટ ચેક્સ કોર્પોરેટ હેલ્થ ઈન્સ્યોરન્સ ટેક્સ રાહત જીએસટી ઈનપુટ ટેક્સ ક્રેડિટ ફેરફાર જીએસટી ઓડિટ અને કમ્પ્લાયન્સ જીએસટી કાઉન્સિલ પરિપત્ર વિશ્લેષણ જીએસટી કાયદાકીય સુધારા ૨૦૨૬ જીએસટી જેલ સજા નિયમો હળવા જીએસટી ધરપકડ નિયમોમાં ફેરફાર જીએસટી પેનલ્ટી અને દંડ વ્યાજબીકરણ જીએસટી ફોજદારી કાર્યવાહી મર્યાદા જીએસટી બેઠક ૮ ઓક્ટોબર ૨૦૨૬ જીએસટી ૫ કરોડ પ્રોસિક્યુશન લિમિટ ટેક્સ સુધારા અહેવાલ ગુજરાતી ટ્રાન્સપોર્ટેશન જીએસટી નિયમ દેશમાં જીએસટી કલેક્શન અને નીતિ નાના કરદાતાઓ જીએસટી લેટ ફી માફી નિર્મલા સીતારામન જીએસટી બેઠક નેક્સ્ટ જનરેશન જીએસટી રિફોર્મ્સ પબ્લિક સેક્ટર કંપનીઓ જીએસટી કરાર પાઇપલાઇન અને ટેલિકોમ ટાવર જીએસટી પેસેન્જર વાહન ૧૩ સીટર આઈટીસી પ્લેટિનમ આયાત જીએસટી નિયમ ફોરેક્સ રિઝર્વ અને બુલિયન ટેક્સ બિયારણ વેરહાઉસિંગ જીએસટી મુક્તિ બેંકો ગોલ્ડ ઇમ્પોર્ટ ટેક્સ ભારત મંડપમ જીએસટી બેઠક ભારતીય બુલિયન માર્કેટ જીએસટી ભારતીય શેરબજાર અને જીએસટી નિર્ણય મેટ્રો રેલ જીએસટી ડોક્યુમેન્ટ રિયલ એસ્ટેટ જીએસટી આઈટીસી વાહન લીઝિંગ જીએસટી દર વાહનો પર જીએસટી ક્રેડિટ વેપારીઓ માટે જીએસટી રાહત સેકન્ડ હેન્ડ વાહન જીએસટી ક્રેડિટ સોના ચાંદી આયાત આઈજીએસટી સોનાની આયાત ડ્યુટી અને જીએસટી સ્પા અને જિમ હોટેલ જીએસટી હેલિકોપ્ટર સેવા જીએસટી મુક્તિ હોટેલ અને રેસ્ટોરન્ટ જીએસટી આઈટીસી ૧૮ ટકા જીએસટી ઈન્સ્યોરન્સ આઈટીસી
