એલ્યુમિનિયમ ભારત પ્રદર્શનનો ગુજરાત-કેન્દ્ર સરકારે અનાદર કરતાં ઇન્ડસ્ટ્રીઝમાં રોષ
સરકારે ઉપેક્ષા કરી તેથી એલ્યુમિનિયમ ઇન્ડસ્ટ્રીઝમાં રોષ
એલ્યુમિનિયમ એક્ઝિબિશનમાં પ્રધાન કે સરકારી અધિકારી સરકારી હાજર ન રહ્યા
ગાંધીનગરમાં થયેલા ‘એલ્યુમિનિયમ ભારત પ્રદર્શનનો ગુજરાત-કેન્દ્ર સરકારે અનાદર કર્યો, સંસ્થાના આમંત્રણને ઠુકરાવ્યું
આમંત્રણ છતાં એક પણ મંત્રી કે અધિકારી ડોકાયા નહોતા, વિદેશથી ઇન્વેસ્ટર્સ આવ્યા છતાં સરકાર ન આવી
ગાંધીનગરઃ એક તરફ ગુજરાત અને કેન્દ્ર સરકાર ‘વાયબ્રન્ટ ગુજરાતદ જેવા ભવ્ય રોડ-શો યોજીને દેશ-વિદેશમાં કરોડો રૃપિયાનું રોકાણ આકર્ષવા આકાશ-પાતાળ એક કરી રહી છે, ત્યારે બીજી તરફ રાજ્યના પાટનગર ગાંીનગરના સચિવાલય નજીક જ હેલીપેડ મેદાન નજીક યોજાયેલા દેશના અતિ મહત્વના ‘એલ્યુમિનિયમ ભારતદ પ્રદર્શન પ્રત્યે સરકારના અણછાજતા ઉપેક્ષાભર્યા વલણને કારણે સમગ્ર એલ્યુમિનિયમ ઉદ્યોગજગતમાં ભારે નારાજગી અને રોષ વ્યાપી ગયો છે. તેમાંય ખાસ કરીને ગુજરાતમાં કરોડો રૃપિયાનું નવું મૂડીરોકાણ કરી શકે તેવા પોટેન્શિયલ ઇન્વેસ્ટર્સ પોતાના ઘરઆંગણે હાજર હોવા છતાં ગુજરાત સરકારે આ તક ઝડપવા સહેજ પણ રસ દાખવ્યો નથી.
એલ્યુમિનિયમ ઇન્ડસ્ટ્રીઝના પ્રમુખે જાહેર નિવેદન આપીને સરકારની આ નિરાશાજનક નીતિ સામે તીવ્ર અસંતોષ વ્યક્ત કર્યો છે. પાટનગરના આંગણે જ ૨૬ થી ૨૯ સપ્ટેમ્બર દરમિયાન યોજાયેલા આ મહત્ત્વપૂર્ણ પ્રદર્શનમાં હિન્દાલ્કો, વેદાંત, નાલ્કો અને જિંદાલ જેવી દેશની દિગ્ગજ કોર્પોરેટ કંપનીઓ સહિત ૨૦૦થી વધુ પ્રદર્શનકારો સહભાગી થયા હતા. એેક્ઝિબિશનમાં ૨૦૦ થી ૨૫૦ જેટલા આંતરરાષ્ટ્રીય ખરીદદારો અને ઇન્વેસ્ટર્સ ઉપરાંત ભારતના ખૂણે-ખૂણેથી આવેલા સોળસો વેપારીઓએ તરફથી ગુજરાત સરકારના નાયબ મુખ્યમંત્રી હર્ષ સંઘવીને, ઇન્ડેક્સ બીના અધિકારીઆને તથા કેન્દ્ર સરકારના જુદાં જુદાં પ્રધાનો અને સરકારી અધિકારીઓને આમંત્રણ આપવામાં આવ્યું હોવા છતાંય એક પણ વ્યક્તિએ તેમના એક્ઝિબિશનની નોંધ પણ ન લીધી ન હોવાથી આ નારાજગી ખાસ્સી વધી ગઈ છે.
સરકારની ઉદાસિનતા છતાં હજારોની સંખ્યામાં મુલાકાતીઓએ આ એક્ઝિબિશનમાં હાજરી આપી હતી. આ આયોજનને સફળ બનાવવા અને ગુજરાતને ‘પાર્ટનર સ્ટેટ તરીકે જોડવા માટે મુખ્યમંત્રી, નાયબ મુખ્યમંત્રી, ઉદ્યોગ મંત્રી, ઉદ્યોગ સચિવ તેમજ ઇન્ડેક્સ-બીને વિધિવત આમંત્રણ પાઠવવામાં આવ્યા હતા. જોકે, દિલગીરીની વાત એ છે કે સરકાર તરફથી કોઈ સહકાર તો દૂરની વાત રહી, પરંતુ આટલા મોટા આંતરરાષ્ટ્રીય સ્તરના આયોજનની મુલાકાત લેવાની કે હાજર રહેલા મૂડીરોકાણકારો અને ઉદ્યોગપતિઓ સાથે મુલાકાત લેવાનું સૌજન્ય કેન્દ્ર કે રાજ્ય સરકારના એક પણ પ્રધાન કે સિનિયર અધિકારીએ બતાવ્યું નહોતું.
વાષક રૂ. ૭૫,૦૦૦ કરોડનું ટર્નઓવર ધરાવતા એલ્યુમિનિયમ ક્ષેત્રનું આ આયોજન કોઈ ખાનગી ઇવેન્ટ મેનેજમેન્ટ કંપની દ્વારા નહીં, પરંતુ ‘એલ્યુમિનિયમ એક્સ્ટ્ઝન મેન્યુફેક્ચરર્સ એસોસિએશન ઓફ ઇન્ડિયાદ દ્વારા કરવામાં આવ્યું હતું. આ એસોસિએશનના રાષ્ટ્રીય પ્રમુખ ગુજરાતી છે અને તેના ૩૦ ટકા જેટલા સભ્યો ગુજરાતના જ નાના અને મધ્યમ કક્ષાના ઉદ્યોગ સાહસિકો છે. દેશના ઘરઆંગણે યોજાયેલા આવા મોટા આંતરરાષ્ટ્રીય પ્રદર્શનમાં કેન્દ્ર કે રાજ્ય સરકારનો એક પણ પ્રતિનિધિ હાજરી ન આપે, ત્યારે સરકારની વેપાર-ઉદ્યોગ નીતિની દિશા અને દાનત સામે સવાલો ઊભા થવા સ્વાભાવિક છે. સરકારની આ ઘોર ઉપેક્ષાથી સ્થાનિક અને રાષ્ટ્રીય કક્ષાના ઉદ્યોગપતિઓમાં ઘેરા પ્રત્યાઘાતો પણ પડયા છે.
