સુપર ઇન્વેસ્ટર ડોલી ખન્નાના પોર્ટફોલિયાના આ ત્રણ શેર્સ પર નજર રાખો
સુપર ઇન્વેસ્ટર ડોલી ખન્નાના પોર્ટફોલિયાના આ ત્રણ શેર્સ પર નજર રાખો
પ્રખ્યાત સુપર ઇન્વેસ્ટર ડોલી ખન્નાએ જૂન 2026 ના ક્વાર્ટરમાં તેમના પોર્ટફોલિયોમાંથી 6 શેર્સ બાદ કરીને માત્ર 3 શેર્સ પર જ પસંદગીનો કળશ ઢોળ્યો છે. રૂ. 308 કરોડના આ પોર્ટફોલિયોમાં ત્રણેય કંપનીઓ અલગ અલગ ક્ષેત્રની હોવા છતાં તેમનામાં એક સમાન ગુણ છે. આ કંપનીઓ તેના શેરહોલ્ડર્સને ડિવિડન્ડની નિયમિત ચૂકવણી કરે છે. અહીં આ ત્રણેય શેર્સનું વિશ્લેષણ, તેમના પ્લસ (સકારાત્મક પાસાં) અને માઈનસ (નકારાત્મક પાસાં) સાથે રજૂ કર્યું છે:
ચેન્નઈ પેટ્રોલીયમ કોર્પોરેશન લિમિટેડ
આ એક રિફાઈનિંગ કંપની છે જે ડોલી ખન્નાના જાહેર કરાયેલા પોર્ટફોલિયોનો આશરે 82 ટકા ભાગ (રૂ.257 કરોડ) રોકે છે. કંપનીને તાજેતરમાં ‘નવરત્ન’ નો દરજ્જો પણ મળ્યો છે. આ કંપની આકર્ષક ડિવિડન્ડ આપે છે. કંપની 4.6 ટકાની શાનદાર ડિવિડન્ડ યીલ્ડ આપે છે. આ સેક્ટરની અન્ય કંપનીઓ સરેરાશ 2.3 ટકા ડિવિડંડ આપે છે. FY26 માં કંપનીનો નેટ પ્રોફિટ વધીને રૂ. 3,103 કરોડ થયો અને ડેટ (દેવું) રૂ. 9,167 કરોડથી ઘટીને રૂ. 1,964 કરોડ થઈ ગયું છે. કંપનીનો શેર હાલમાં 5x ના PE પર ટ્રેડ થઈ રહ્યો છે, જે ઇન્ડસ્ટ્રી PE (10x) કરતાં અડધું છે. જોકે કંપનીના રિફાઇનિંગ માર્જિનમાં ફેરફારને કારણે પ્રોફિટમાં ભારે ઉતાર-ચડાવ આવે છે. FY25 માં પ્રોફિટ ઘટીને માત્ર રૂ. 214 કરોડ રહ્યો હતો. બીજું, કંપનીના ખોટના વર્ષોમાં (FY19-FY21) કંપનીએ કોઈ ડિવિડન્ડ આપ્યું નહોતું.
2. પ્રકાશ ઈન્ડસ્ટ્રીઝ
આ કંપની સ્પોન્જ આયર્ન, સ્ટીલ બિલેટ્સ અને ફેરો એલોય્સના ઉત્પાદન સાથે સંકળાયેલી છે. ડોલી ખન્ના આ કંપનીમાં 2.1 ટકા શેર હિસ્સો (રૂ.49 કરોડ) ધરાવે છે. કંપનીના ઓપરેટિંગ માર્જિનમાં સુધારો થઈ રહ્યો છે. પોતાની કોલસાની ખાણ અને પાવર પ્લાન્ટ હોવાને કારણે માર્જિન 10 ટકાથી વધીને 15 ટકા થયું છે. કંપની નિયમિત ડિવિડન્ડ વધારો આપે જ છે. ડિવિડન્ડ પેઆઉટ રેશિયો FY24 ના 6% થી વધીને FY26 માં 10% થયો છે. કંપનીનો શેર 7x ના PE પર ઉપલબ્ધ છે, જે ઇન્ડસ્ટ્રી એવરેજ (18x) ની સરખામણીએ સસ્તો છે. જોકે કંપનીનો છેલ્લા 5 વર્ષમાં સેલ્સનો સરેરાશ ગ્રોથ (CAGR) માત્ર 2 ટકા જ રહ્યો છે. જૂન 2026 ક્વાર્ટરમાં કંપની પર 23 ટકાનો સામાન્ય ટેક્સ લાગુ પડતાં નેટ પ્રોફિટ ઘટીને રૂ. 71 કરોડ રહ્યો હતો.
3. સેવેરા ઈન્ડસ્ટ્રીઝ
ચેન્નઈમાં 4-સ્ટાર હોટેલ ધરાવતી આ માઇક્રોકેપ કંપનીમાં ડોલી ખન્નાએ જૂન ક્વાર્ટરમાં પોતાનો હિસ્સો વધારીને 1.7 ટકા (રૂ.3.3 કરોડ) કર્યો છે. કારણ કે કંપની લગભગ સંપૂર્ણપણે ડેટ-ફ્રી છે અને પ્રોમોટર્સ પોતાનો હિસ્સો વધારીને 64.6 ટકા કર્યો છે. સેલ્સ FY23 ના ₹61 કરોડથી વધીને FY26 માં ₹102 કરોડ થયું છે. તેના વેચાણનો સર્વગ્રાહી વિકાસ દર-સીએજીઆર 19 ટકાનો રહ્યો છે. હોટેલ સેક્ટરમાં સરેરાશ યીલ્ડ શૂન્ય હોવા છતાં આ કંપની 1.85 ટકા ડિવિડન્ડ યીલ્ડ આપે છે. જોકે કંપની મુખ્યત્વે ચેન્નઈની એક જ હોટેલ પ્રોપર્ટી પર નિર્ભર છે. આ બાબતને થોડી જોખમી ગણી શકાય છે. તેમ જ કંપનીના શેરનું માર્કેટ કેપ માત્ર રૂ. 194 કરોડનું હોવાથી દૈનિક ટ્રેડિંગ વોલ્યુમ ઓછું રહે છે.
