• 17 November, 2026 - 8:07 AM

FSSAIએ ન્યુટ્રાસ્યુટિકલ્સની કંપનીઓના લાઈસન્સ સસ્પેન્ડ કર્યા

FSSAIએ ખાદ્ય સુરક્ષાના નિયમોના ભંગ બદલ ૬ ન્યુટ્રાસ્યુટિકલ્સ ઉત્પાદકો સામે લાયસન્સ સસ્પેન્શ કરવા સહિતના પગલાં લીધા

કંપનીઓના મેન્યુફેક્ચરિંગ એકમમાંથી એક્સપાયરી ડેટના કાચા માલ મળ્યા, ચોમેર ગંદકી ફેલાયેલી હતી અને દાવા પ્રમાણેના ઘટકો પ્રોડક્ટ્સમાં નહોતા

દેશમાં ન્યુટ્રાસ્યુટિકલ્સ-પોષણયુક્ત અને ઔષધીય ગુણધર્મો ધરાવતા ખાદ્ય ઉત્પાદનોના વધતા વપરાશ વચ્ચે ફૂડ સેફ્ટી રેગ્યુલેટર ફૂડ સેફ્ટી એન્ડ સ્ટાન્ડર્ડ્સ ઓથોરિટી ઓફ ઇન્ડિયાએ કડક હાથે કામ લઈને ભીર ખાદ્ય સુરક્ષાના ધોરણોના ઉલ્લંઘનો બદલ ૬ ન્યુટ્રાસ્યુટિકલ્સ ઉત્પાદક કંપનીઓ વિરુદ્ધ લાયસન્સ સસ્પેન્ડ કરવા સહિતની નિયમનકારી કાર્યવાહી કરી છે. નિયમનકારે સોશિયલ મીડિયા પર આ કંપનીઓના નામ, ઉત્પાદનો અને ઉલ્લંઘનની વિગતો જાહેર કરવાની સાથે ઉત્પાદન એકમો પર મળી આવેલી અત્યંત અસ્વચ્છ પરિસ્થિતિઓના ફોટોગ્રાફ્સ પણ શેર કર્યા છે.

FSSAIની ઝપેટમાં આવેલી ૬ કંપનીઓએ કરેલા ઉલ્લંઘનો

ફૂડ સેફ્ટી સ્ટાન્ડર્ડ ઓથોરિટી ઓફ ઇન્ડિયાએ જે ૬ કંપનીઓ સામે કાર્યવાહી કરવામાં આવી છે તેમની વિગતો નીચે મુજબ છે:

આયરેન હર્બલ્સ (Airen Herbals)

કંપનીના Lycowey Syrupમાં સીરપમાં થિયામીન, વિટામિન ઇ એસિટેટ, કોપર, સેલેનિયમ અને ઝિંકનું પ્રમાણ નિર્ધારિત ભલામણ કરેલા ડાયેટરી અલાઉન્સ મર્યાદા કરતાં ઘણું વધારે હોવાનું તપાસમાં બહાર આવ્યું છે. 

Maxford Pain Reliefના પ્રોડક્ટ પર ઘૂંટણના દુખાવા અંગેના અનધિકૃત દાવા અને ચિત્રો વપરાયા છે. તેમાં થિયામીનનું પ્રમાણ RDA મર્યાદાથી વધુ હતું અને બોટનિકલ ઘટકોનું જાહેરનામું ન્યુટ્રાસ્યુટિકલ્સ નિયમો મુજબ નહોતું.

એક્વાબ્લિસ લાઇફસાયન્સિસ (Aquabliss Lifesciences)

ઉત્પાદન એકમ પર એક્સપાયરી ડેટના કાચા માલનો સંગ્રહ થયેલો જોવા મળ્યો છે. તેમ જ ઉત્પાદન એકમમાં ભારે અસ્વચ્છતા અને નબળી સેનિટેશન પરિસ્થિતિ જોવા મળી હતી.

રાસ્કમ હેલ્થકેર (Raskam Healthcare):

કંપનીના ઉત્પાદનોમાં ‘શિલજીત’ (Shilajit) જેવા અનધિકૃત ઘટકનો ઉપયોગ થતો હોવાનું જણાયું છે. ઉપરાંત જરૂરી રેકોર્ડ્સ અને ડોક્યુમેન્ટેશનની જાળવણી કરવામાં આવી નહોતી.

સુપરક્યોર બાયોટેક (Supercure Biotech)

Gemkolin 9G softgel capsules: આ કેપ્સ્યુલ્સમાં બાયોટિન (Biotin) નું પ્રમાણ ૧૦૦ mcg હતું, જે મહત્તમ અનુમતિપાત્ર RDA મર્યાદા (૪૦ mcg) કરતા ઘણું વધારે હતું.

Vitamin E softgel capsule: આ કેપ્સ્યુલમાં વિટામિન ઇ ને બદલે ઘઉંના જર્મ ઓઇલ – Wheat germ oil) નો ઉપયોગ કરાયો હતો, જેથી પ્રોડક્ટનું નામ ભ્રામક બને છે. ફૂડ એડિટિવ્સના આઈએનએસ નંબરો જાહેર નહોતા કરાયા.

Superbiotic capsules: આ કેપ્સ્યુલ્સમાં લેક્ટોબેસિલસ સ્પોરોજીનેસ, સ્ટ્રેપ્ટોકોકસ ફેકોલિસ, ક્લોસ્ટ્રિડિયમ બ્યુટીરીકમ અને બેસિલસ મેસેન્ટેરિકસ જેવા બિન-અનુમતિપાત્ર અને રોગકારક (Pathogenic) સ્ટ્રેઇન્સ મળી આવ્યા હતા.

અંબિકા આયુર્વેદિક હેલ્થકેર (Ambico Ayurvedic Healthcare)

ન્યુટ્રાસ્યુટિકલ્સ બનાવવા માટે એક્સપાયર્ડ સામગ્રી કે ઘટકોનો ઉપયોગ કરવા બદલ અને ઉત્પાદન જગ્યા પર અત્યંત નબળી સ્વચ્છતા માટે દંડાયા છે.

વેદાંત રેમેડીઝ (Vedant Remedies)

  • આ કંપનીના કૃત્રિમ ‘ઇલાયચી ફ્લેવરિંગ’ (Cardamom Flavouring) અને ‘સ્ટ્રોબેરી ફ્લેવરિંગ’ માં ઉત્પાદન માટે એક્સપાયર્ડ સામગ્રીનો ઉપયોગ થયો હોવાનું જણાયું. આ ઉપરાંત સેનિટેશનની ખામીઓ, અપૂરતું ઇન્ફ્રાસ્ટ્રક્ચર અને ટેસ્ટિંગની અપૂરતી વ્યવસ્થાઓ પકડાઈ છે. 

ન્યુટ્રાજ્યુટિકલ્સ શું છે?

FSSAI ની વ્યાખ્યા મુજબ, ન્યુટ્રાજ્યુટિકલ્સ એ “ખોરાકની અર્ક, આઇસોલેટ્સ અને શુદ્ધ રાસાયણિક સંયોજનોનો એક વર્ગ છે જે શારીરિક લાભ પ્રદાન કરે છે અને સ્વાસ્થ્ય જાળવવામાં મદદ કરે છે.” આ એવા ખાદ્ય ઉત્પાદનો છે, જે દૈનિક પોષણ ઉપરાંત લક્ષિત, ઔષધ જેવા સ્વાસ્થ્ય લાભો પૂરા પાડે છે અને મુખ્યત્વે ફૂડ સેફ્ટી સ્ટાન્ડર્ડ ઓથોરિટ દ્વારા નિયંત્રિત થાય છે. હાલમાં ઉદ્યોગ જગત આના માટે હળવા નિયમનો ઈચ્છે છે, જ્યારે ગ્રાહક સુરક્ષા માટે કડક દેખરેખ પણ જરૂરી બની છે.

Read Previous

અમેરિકા વિદેશી કામદારોને ગ્રીન કાર્ડ આપતી પ્રક્રિયા વધુ કડક બનાવવા સક્રિય

Most Popular