ટેક્સટાઈલ શેરોમાં તેજીનો માહોલ: ઇન્ડો કાઉન્ટ, વેલસ્પન પર નજર રાખી શકાય
ટેક્સટાઈલ શેરોમાં તેજીનો માહોલ: ઇન્ડો કાઉન્ટ, વેલસ્પન પર નજર રાખી શકાય
ભારતીય શેરબજારમાં ૨૦ નવેમ્બર, ૨૦૨૬ના ટેક્સટાઈલ સેક્ટરના શેરોમાં ભારે વોલ્યુમ સાથે જોરદાર ખરીદી જોવા મળી હતી. મજબૂત ત્રિમાસિક પરિણામો અને આશાસ્પદ બિઝનેસ આઉટલુકને કારણે વેલસ્પન લિવિંગ, પર્લ ગ્લોબલ ઇન્ડસ્ટ્રીઝ, નીતિન સ્પિનર્સ અને ઇન્ડો કાઉન્ટ ઇન્ડસ્ટ્રીજના શેરમાં ત્રણ ટકાથી માંડીને આઠ ટકા સુધીનો ઊછાળો જોવા મળ્યો છે. છેલ્લા એક મહિનામાં જ્યાં બીએસઈ સેન્સેક્સ ૧૪ ટકા વધ્યો છે, ત્યાં ટેક્સટાઈલ શેરોએ બજાર કરતાં અનેકગણું વધુ વળતર આપ્યું છે.
| કંપનીનું નામ | ૨૦ નવે. ૨૦૨૬નો ભાવ (All-Time High / Intraday) | દૈનિક વધારો (%) | છેલ્લા ૧ મહિનાનું વળતર (%) |
| Indo Count Industries | રૂ.૫૯૪.૦૦ | +૩% | +૪૫% |
| Welspun Living | રૂ.૨૭૪.૦૦ | +૮% | +૨૯% |
| Pearl Global Industries | રૂ.૧,૪૬૯.૦૦ | +૫% | +૨૧% |
| Nitin Spinners | રૂ.૭૨૧.૭૫ | +૪% | +૧૧% |
| Gokaldas Exports | રૂ.૭૫૭.૬૦ (52-Wk High: રૂ.૯૪૪.૮૦) | +૨.૫૭% | — |
તેજી પાછળના મુખ્ય પરિબળો
મજબૂત Q2FY27 પરિણામો: જુલાઈ-સપ્ટેમ્બર ૨૦૨૬ ક્વાર્ટર (Q2FY27) માં ટેક્સટાઈલ સેક્ટરે વાર્ષિક ધોરણે (YoY) ૨૬ ટકાની વૃદ્ધિ નોંધાવી છે. ખાસ કરીને Indo Count Industries નો EBITDA બમણાથી પણ વધીને ₹૧૨૩ કરોડથી રૂ. ૨૫૯ કરોડ થયો છે અને માર્જિન વધીને ૧૫.૩ ટકા પર પહોંચ્યું છે જે કંપનીના ૧૩ ટકાના ગાઈડન્સ કરતાં ઘણું ઊંચું છે.
બાંગ્લાદેશની કટોકટીનો ભારતને ફાયદો: બાંગ્લાદેશમાં કાચા માલ અને ઉર્જા સુરક્ષાની સમસ્યાઓ વધી છે. ઉપરાંત, ત્યાંના કામદારો દ્વારા વર્તમાન વેતન કરતાં બમણાથી વધુ પગારની માંગ સાથે થઈ રહેલા વિરોધ પ્રદર્શનોને કારણે બાંગ્લાદેશનો ‘સસ્તા લેબર’ નો ફાયદો જોખમમાં મુકાયો છે, જેનાથી વૈશ્વિક ઓર્ડર ભારત તરફ વળી રહ્યા છે.
બ્રિટન અને યુરોપિયન સંઘના દેશો સાથે ફ્રી ટ્રેડ એગ્રીમેન્ટથી આશા વધી: ભારત યુકે (યુનાઈટેડ કિંગ્ડમ અને યુરોપિયન યુનિયન જેવા મુખ્ય બજારો સાથે દ્વિપક્ષીય કરારો કરી રહ્યું હોવાથી તેના લાભ ટેક્છેસટાઈલ સેક્ટરને મળશે. તેનાથી ૧૦ ટકા થી ૧૨ ટકાનો ડ્યુટી ગેપ (ટેરિફ તફાવત) ઘટશે અને ભારતીય કંપનીઓની સ્પર્ધાત્મકતા વધશે.
રોકાણકારો અને ટ્રેડર્સ માટે સમયગાળા મુજબનું માર્ગદર્શન
ટૂંકા ગાળાના ટ્રેડર્સ માટે (૧ થી ૩ મહિના)
વ્યૂહરચના: ‘બાય ઓન ડિપ્સ’ (ઘટાડે ખરીદી) અને સ્ટ્રિક્ટ સ્ટોપ-લોસ.
કારણ: છેલ્લા એક મહિનામાં ઇન્ડો કાઉન્ટના શેરમાં (+૪૫%) અને વેલસ્પન લિવિનંગના શેરમાં (+૨૯%) જેવા શેરોમાં ખૂબ ઝડપી ઉછાળો આવ્યો છે અને તે ઓલ-ટાઈમ હાઈ પર ટ્રેડ થઈ રહ્યા છે. તેથી નફારૂપી વેચવાલી આવી શકે છે. તેથી ટ્રેડર્સ અને ઇન્વેસ્ટર્સ વર્તમાન ભાવે અને હું નફો કમાવાની તક ચૂકી ગયો તેવી માન્યતાથી ભયભીત થઈને એક સાથે મોટી ખરીદી કરવાને બદલે ૪ ટકાથી ૭ ટકાના કરેક્શનની રાહ જોવી.બીજીતરફ ગોકુલદાસ એક્સપોર્ટ હજુ તેના ૫૨-અઠવાડિયાના ઉચ્ચતમ સ્તર રૂ. ૯૪૪.૮૦થી નીચે રૂ.૭૫૭.૬૦ની ભાવ સપાટીએ ટ્રેડ થઈ રહ્યો હોવાથી તેમાં ટૂંકા ગાળે ‘કેચ-અપ રેલી’ ની તક વધુ સારી છે.
મધ્યમ ગાળાના રોકાણકારો માટે (૬ થી ૧૮ મહિના)
એપેરલ અને હોમ ટેક્સટાઈલ સેગમેન્ટમાં રોકાણ જાળવી રાખવું હિતાવહ છે. મોતીલાલ ઓસ્વાલના વિશ્લેષકોના મતે, આગામી ક્વાર્ટર્સમાં ફેબ્રિક, એપેરલ અને હોમ ટેક્સટાઈલ કંપનીઓ ૧૫ ટકાથી વધુનો ગ્રોથ અને માર્જિનમાં સુધારો જાળવી રાખશે. તેનાથી વિપરીત, સ્પિનિંગ કંપનીઓ એટલે કે નીતન સ્પિનર્સના માર્જિન સામાન્ય સ્તરે આવી શકે છે કારણ કે કોટન યાર્ન વચ્ચેનો ભાવ ગાળો સામાન્ય થઈ રહ્યા છે. તેથી બ્રોકરેજ હાઉસ દ્વારા એપેરલ સ્પેસમાં ગોકલદાસ એક્સપોર્ટ્સ, પર્લ ગ્લોબલ અને અરવિન્દ જેવો શેર્સમાં તથા હોમ ટેક્સટાઈલમાં ઇન્ડો કાઉન્ટ ઇન્ડસ્ટ્રીઝની પસંદગી કરી શકે છે.
લાંબા ગાળાના રોકાણકારો માટે (૨ થી ૩ વર્ષ – FY26 થી FY28)
વ્યૂહરચના: મજબૂત બેલેન્સ શીટ અને એક્સપોર્ટ લીડર્સમાં SIP ઢબે રોકાણ કરો
મોતીલાલ ઓસ્વાલના અંદાજ મુજબ, તેમના કવરેજ હેઠળની ટેક્સટાઈલ કંપનીઓ FY26-28 દરમિયાન અનુક્રમે ૧૭ ટકા, ૩૧ ટકા અને ૫૨ ટકાના દરે વૃદ્ધિ કરશે, જેના કારણે વિશ્લેષકોએ તેના સરેરાશ પીઈ મલ્ટિપલને ૧૫ ટકા પ્રીમિયમ આપ્યું છે. બ્રિટન અને યુરોપિયન સંઘ સાથેના મુક્ત વેપારના કરારો અમલમાં આવતા ભારતીય નિકાસકારો માટે અમેરિકા જેટલું જ મોટું નવું બજાર ખુલશે. બાંગ્લાદેશની માળખાકીય અને લેબર સમસ્યાઓ લાંબા ગાળે વૈશ્વિક રિટેલર્સને ‘ચાઇના + ૧’ અને ‘બાંગ્લાદેશ + ૧’ હેઠળ ભારતમાં કાયમી સપ્લાય ચેઇન સ્થાપવા પ્રેરશે.
રોકાણકારોએ કયા જોખમો પર નજર રાખવી?
-
કપાસના ભાવ: ટેક્સટાઈલ ઉદ્યોગ માટેના કાચા માલ કપાસના ભાવમાં અચાનક ઉછાળો માર્જિન પર દબાણ લાવી શકે છે.
-
નૂર અને ઇંધણ ખર્ચ: વૈશ્વિક શિપિંગ ખર્ચમાં વધારો નિકાસકારોના નફાને અસર કરી શકે છે.
-
અમેરિકા અને યુરોપના ઓર્ડર ફ્લો: અમેરિકા અને યુરોપમાં ગ્રાહક માંગ જળવાઈ રહેવી જરૂરી છે.
(ડિસ્ક્લેમર: આ અહેવાલ ૨૦ નવેમ્બર, ૨૦૨૬ ના બિઝનેસ સ્ટાન્ડર્ડ, મોતીલાલ ઓસ્વાલ અને PL કેપિટલના અધિકૃત અહેવાલો પર આધારિત છે. શેરબજારમાં રોકાણ જોખમોને આધીન છે, રોકાણ કરતા પહેલા તમારા નાણાકીય સલાહકારની સલાહ લેવી જરૂરી છે.)

