તેલ અને તેલની ધાર જોઈને રોકાણ કરવાનો વ્યૂહ અપનાવો
વધતી મોંઘવારી, ઊંચા વ્યાજદર, વિશ્વના જુદાં જુદાં દેશો વચ્ચે ચાલી રહેલા યુદ્ધ તણાવ અને ટ્રેડ વોર જેવી પરિસ્થિતિઓને ધ્યાનમાં રાખીને રોકાણકારોએ સમજદારીથી નિર્ણય લેવાની જરૂર છે.
યુદ્ધ અને વૈશ્વિક અસ્થિરતા વચ્ચે કયા સેક્ટર જીતશે અને કયા નુકસાનમાં જશે તેની વિગતવાર વિશ્લેષણ કરવામાં આવ્યું છે. વધતી મોંઘવારી, ઊંચા વ્યાજદર, વિશ્વના જુદાં જુદાં દેશો વચ્ચે ચાલી રહેલા યુદ્ધ તણાવ અને ટ્રેડ વોર જેવી પરિસ્થિતિઓને ધ્યાનમાં રાખીને રોકાણકારોએ સમજદારીથી નિર્ણય લેવાની જરૂર છે.
છેલ્લા 5 વર્ષમાં ભારતીય શેરબજારની ચાલને જોતાં તેને બે તબક્કામાં વહેંચી શકાય તેમ છે. એક, પ્રથમ 3.5 વર્ષમાં Nifty 50 લગભગ 18.7 ટકા CAGRથી ઝડપથી વધ્યો હતો. સપ્ટેમ્બર 2024માં PE રેશિયો 21 સુધી પહોંચ્યો હતો. છેલ્લા 1.5 વર્ષમાં બજાર ટોચ તોડવામાં નિષ્ફળ રહ્યું છે. 2025ના વર્ષ દરમિયાન ટ્રેડ વોર અને ટેરિફ્સ વધ્યા હતા. 2026માં અમેરિકા-ઈરાન તણાવને કારણે ક્રૂડ ઓઈલના ભાવમાં 60 ટકા સુધીનો વધારો થયો છે. તેને પરિણામે શેરબજારમાં ઘટાડો જોવા મળ્યો છે.
આ ગાળામાં ઘણા સેક્ટરના શેર્સના મૂલ્ય અને પરફોર્મન્સ નબળા પડ્યા છે. આ સેક્ટરમાં ઇન્ફોર્મેશન ટેક્નોલોજી, રિયલ એસ્ટેટ, ફાસ્ટ મુવિંગ કન્ઝ્યુમર ગુડ્સનો સમાવેશ થાય છે. તેમ જ કેટલાક સેક્ટરના શેર્સના ભાવ અને પરફોર્મન્સ સુધર્યા છે. તેમાં મેટલ્સ, કેપિટલ ગુડ્સ અને એનર્જી સેક્ટરનો સમાવેશ થાય છે.
આ જ ગાળામાં Nifty 50 લગભગ 7 ટકા ઘટ્યો છે. Nifty 500ના 60 ટકા સ્ટોક્સ ઘટાડામાં હોવાનું એટલે કે રેડ લાઈટમાં આવી ગયા હોવાનું જોવા મળે છે. આમ રોકાણ માટેની દિશામાં બદલાવ આવી રહ્યો હોવાનો નિર્દેશ મળી રહ્યો છે. હવે રોકાણકારો ગ્રોથ ઇન્વેસ્ટિંગને બદલે વેલ્યુ ઇન્વેસ્ટિંગ તરફ વળી રહ્યા છે. જોકે 2020માં 52 ટકા સ્ટોક્સ સસ્તા હતા 2024માં 38 ટકા શેર્સ સસ્તા હતા. આમ સસ્તા કે વાજબી ભાવથી મળતા શેર્સની સંખ્યા ઘટી રહી હતી. 2026ના વર્ષમાં વધુ એક ફેરફાર આવ્યો છે. સસ્તા અને વાજબી ભાવથી મળી રહેલા શેર્સની સંખ્યા ફરી વધીને 42 ટકા થઈ છે. આમ હવે કેટલાક સ્ટોક્સ ફરી યોગ્ય કિંમતે ઉપલબ્ધ છે.
છતાં યુદ્ધની સ્થિતિ લંબાવાની શક્યતા વચ્ચે મોંઘવારી વધવાના સંકેતો પણ મળી રહ્યા છે. ક્રૂડ ઓઈલ $60 થી વધીને $90 સુધી રહેવાની સંભાવના છે. જોકે પહેલા તો બેરલદીઠ $118 સુધી તેનો ભાવ પહોંચી ગયો હતો. મધ્યગાળામાં ક્રૂડનો ભાવ $75–80 રહેવાની સંભાવના છે. પરિણામે ઈંધણ, ટ્રાન્સપોર્ટ અને ખાદ્ય વસ્તુઓ મોંઘી થશે.
રિઝર્વ બેન્કની નીતિની પણ ભૂમિકા
વર્તમાન સંજોગોમાં વ્યાજદર ઘટાડા બદલે વધારો થઈ શકે છે. ભારતી રૂપિયા પર દબાણ વધતા અવમૂલ્યન વધી શકે છે. તેમ જ ગુડ્સ એન્ડ સર્વિસ ટેક્સમાં કરવામાં આવેલા ઘટાડા, ઇન્કમ ટેક્સમાં આપેલી રાહત અને એક્સાઈઝ ડ્યૂટીમાં કરવામાં આવેલા ઘટાડા પછી ખર્ચ ઘટી જાય તો માળખાકીય સુવિધા ઊભી કરવાના કામકાજ પર અસર પડી શકે છે.
કંપનીઓની પ્રગિત પર બ્રેક લાગી શકે
કંપનીઓ દ્વારા કરવામાં આવતા મૂડી ખર્ચ પર બ્રેક લાગી શકે છે. તેમ જ ભારતમાંથી થતી નિકાસ પર અસર પડી શકે છે. તેમાંય ખાસ કરીને આફ્રિકા, પશ્ચિમ એશિયાના દેશી અને લેટિન અમેરિકાના દેશોમાં થતી નિકાસ પર અસર પડી શકે છે.
છતાંય રોકાણકારો માટે ચોક્કસ સેક્ટરમાં નવી તક નિર્માણ થઈ શકે છે. આ સેક્ટરમાં ઇન્ફોર્મેશન ટેકનોલોજીના સેક્ટર પર નાની મોટી અસર જોવા મળી શકે છે. આ સેક્ટર સામે આર્ટિફિશિયલ ઇન્ટેલિજન્સને પરિણામે મોટો પડકાર ઊભો થવાની શક્યતા જોવા મળી રહી છે. આ સ્થિતિમાં પણ મોટી અને સારી કંપનીઓએ આર્ટિફિશિયલ ઇન્ટેલિજન્સ આધારિત સોલ્યુશન્સના કામકાજ મેળવવા પર ફોકસ કરવા માંડ્યું છે. તેના થકી નવી સેવાઓ ઊભી કરીને કંપનીઓએ પોતાનો રસ્તો કાઢવા માંડ્યો છે. અમેરિકાની સરકારે એચ-1બી વિઝા માટે નાખેલી એક લાખ ડૉલરની ફીને કારણે નિર્માણ થયેલી સ્થિતિમાંથી પણ માર્ગ કાઢીને કંપનીઓ આગળ વધી રહી છે.
ફાર્મા અને હેલ્થકેર સેક્ટર પર પણ મોટી અસર જોવા મળી શકે છે. ડાયાબિટીસ અને વજન ઘટાડા માટે નવી દવાઓ બજારમાં મૂકાતી રહેશે. હોસ્પિટલોનો વિસ્તરણની કામગીરી જોરશોરથી ચાલશે. જોકે બેન્કિંગ સેક્ટરને માટે બહુ ખરાબ સ્થિતિ આવે તેમ જણાતું નથી. મોટી બેન્કોના કામકાજ વધી રહ્યા છે. તેમની ફસાયેલી મૂડી-એનપીએ-નોન પરફોર્મિંગ એસેટ્સ ઘટી રહી છે.
વર્તમાન સ્થિતિમાં ઓટોમોબાઈલ સેક્ટરની કંપનીઓનું પરફોર્મન્સ પણ સારુ રહેવાની સંભાવના છે. ઓટોમોબાઈલ સેક્ટરમાં અત્યારે ડિમાન્ડ મજબૂત છે અને રહે તેવું જણાઈ રહ્યું છે. જોકે તેની સામે કોમોડિટીનો ખર્ચ વધી જશે. પાવર સેક્ટરનું પરફોર્મન્સ પણ સારુ રહેવાની સંભાવના જણાઈ રહી છે. આમ તો 2031 સુધી 900 GW ક્ષમતા કેળવવાનું લક્ષ્યાંક છે. તેમાંય રિન્યુએબલ એનર્જીનું ઉત્પાદન વધતુ જ જશે.
જોકે કેટલાક સેક્ટરના શેર્સમાં ડીલ કરતાં પહેલા સાવધાની રાખવી થોડી જરૂરી છે. આ સેક્ટરમાં કેપિટલ ગુડ્સ, કન્સ્યુમર ડ્યુરેબલ્સ, ફાસ્ટ મુવિંગ કન્ઝ્યુમર્સ ગુડ્સ, મેટલ્સ અને ઓઈલ અને ગેસ સેક્ટરમાં કામકાજ કરતાં પહેલા થોડી સાવધાની રાખવાની જરૂર રહેશે. તેમાંય ખાસ કરીને ઓઈલ માર્કેટિંગ કંપનીઓને મોટું નુકસાન થઈ શકે છે.
સમગ્રતયા વાત કરીએ તો બજારમાં અનિશ્ચિતતા ઊંચી છે. ઇન્વેસ્ટર્સે કસાથે મોટું રોકાણ ન કરવું જોઈએ. તેલ અને તેલની ધાર જોઈને રોકાણ કરવા પર ફોકસ કરવું જોઈએ. સેક્ટર સારુ છે એમ માની તે સેક્ટરની દરેક કંપનીઓના શેર્સમાં રોકાણ કરવા મચી પડવાનો અભિગમ નુકાસન કારક સાબિત થઈ શકે છે. તેથી જ સારા સેક્ટરમાંની શ્રેષ્ઠ કંપનીઓના શેર્સમાં જ ઇન્વેસ્ટમેન્ટ કરવાનો વ્યૂહ વધુ કારગત સાબિત થઈ શકે છે.
