GST કાઉન્સિલની 7 ઓક્ટોબરની બેઠકમાં ઇનપુટ ટેક્સ ક્રેડિટ અંગે મોટા રાહત આપતા નિર્ણયો લેવાવાની સંભાવના
સાત
ઓક્ટોબરની મળનારી જીએસટી કાઉન્સિલની બેઠકમાં ઇનપુટ ટેક્સ ક્રેડિટ અંગે મોટા રાહત આપતા નિર્ણયો લેવાવાની સંભાવના
વીમા પોલિસીઓ, આઉટડોર કેટરિંગ, મફતમાં વિતરિત કરાતા સેમ્પલ્સ અને એક્સપાયરી અથવા અન્ય નિયમોના કારણે નાશ પામેલા/રાઈટ ઓફ થયેલા માલ પર વેપારીઓને આઈટીસીનો સીધો લાભ મળશે
નવી દિલ્હી: આગામી 7મી ઓક્ટોબરે યોજાનારી જીએસટી કાઉન્સિલની મહત્વની બેઠકમાં કારોબારીઓ અને વેપારીઓ માટે એક ખુબ જ રાહતજનક નિર્ણય લેવાઈ શકે છે. જીએસટી કાઉન્સિલની લો કમિટીએ સીજીએસટી એક્ટની કલમ 17(5)માં પાંચ મહત્વના સુધારા કરવાની ભલામણ કરી છે. આ સુધારાઓનો મુખ્ય હેતુ વિવિધ વસ્તુઓ અને સેવાઓ પર અટકાવવામાં આવેલી ‘ઇનપુટ ટેક્સ ક્રેડિટ’નો લાભ વેપારીઓ માટે મુક્ત કરવાનો છે.
જીએસટી કાઉન્સિલ આ ભલામણોને મંજૂરી આપશે તો કર્મચારીઓ માટે લેવાતી વીમા પોલિસીઓ, આઉટડોર કેટરિંગ, મફતમાં વિતરિત કરાતા સેમ્પલ્સ અને એક્સપાયરી અથવા અન્ય નિયમોના કારણે નાશ પામેલા/રાઈટ ઓફ થયેલા માલ પર વેપારીઓને આઈટીસીનો સીધો લાભ મળશે, જેનાથી કારોબારનો ખર્ચ ઘટશે.
લાઈફ અને હેલ્થ ઈન્સ્યોરન્સ પર ITC: કંપનીઓ દ્વારા તેમના કર્મચારીઓને આપવામાં આવતી ગ્રુપ ઈન્સ્યોરન્સ પોલિસીઓ એ એક અનિવાર્ય બિઝનેસ ખર્ચ છે. હાલમાં લાઈફ અને હેલ્થ ઈન્સ્યોરન્સને ટેક્સ નેટમાંથી દૂર કરવામાં આવ્યા હોવાથી ટેક્સ સંબંધિત અસંગતતા ઊભી થઈ છે. તેથી જ લો કમિટીએ આ વિષય પરથી આઈટીસી બ્લોકિંગ હટાવવાની ભલામણ કરી છે.
આઉટડોર કેટરિંગ અને કેન્ટીન સેવાઓ: બિઝનેસ ઈવેન્ટ્સ, કોન્ફરન્સ અને સ્ટાફ ફંક્શન્સ માટે કરવામાં આવતો કેટરિંગનો ખર્ચ એ બિઝનેસ કામગીરીનો જ એક ભાગ છે. ખાસ કરીને મોટી કંપનીઓમાં કેન્ટીન એ મૂળભૂત જરૂરિયાત બની ગઈ છે. જો આ સેવાઓ અંગત ઉપયોગ માટે ન હોય, તો તેના પર પણ આઈટીસી આપવાની ભલામણ કરાઈ છે.
ફ્રી સેમ્પલ્સ: ફાર્માસ્યુટિકલ અને એફએમસીજી જેવા ક્ષેત્રોમાં માર્કેટ ડેવલપમેન્ટ અને નવા ગ્રાહકો મેળવવા માટે મફતમાં સેમ્પલ આપવા એ સામાન્ય પ્રક્રિયા છે. આના પર આઈટીસી ન મળવાથી કંપનીઓનો ખર્ચ વધતો હતો, જેને હવે દૂર કરવાની ભલામણ છે.
રાઈટ ઓફ કરેલો કે નાશ પામેલો માલ: કાનૂની નિયમો કે શેલ-લાઈફ (એક્સપાયરી ડેટ) પૂરી થવાને કારણે જે માલ નાશ પામે છે કે રાઈટ-ઓફ કરવો પડે છે, તેના પર પણ આઈટીસી નકારવામાં આવશે નહીં.
વાહનો પર ITC બાબતે સર્વસંમતિનો અભાવ
મોટર વાહનો, તેમની લીઝિંગ, રેન્ટિંગ કે હાયરિંગ પર આઈટીસી આપવા અંગે લો કમિટીના સભ્યો વચ્ચે હજુ સુધી પૂરી સર્વસંમતિ સાધી શકાઈ નથી. કેમિટીના કેટલાક સભ્યોએ આશંકા વ્યક્ત કરી હતી કે આ રાહતનો દુરુપયોગ થઈ શકે છે અને અંગત વપરાશ માટેના વાહનોને બિઝનેસના નામે દર્શાવી ટેક્સમાં છૂટ લેવાઈ શકે છે, જેનાથી સરકારની મહેસૂલી આવકને મોટું નુકસાન થઈ શકે છે. જોકે, માત્ર વાહનો ખરીદવા પર રાહત આપવાનું પણ એક સૂચન આવ્યું હતું. અંતે આ અંગે આખરી નિર્ણય લેવાનું કામ 7મી ઓક્ટોબરે મળનારી જીએસટી કાઉન્સિલની બેઠક પર જ છોડવામાં આવ્યું છે.
Tags: 7 ઓક્ટોબર જીએસટી બેઠક Business Expense ITC Business Tax Relief Business tax updates CGST Act Amendment CGST Act Section 17 5 Commercial Vehicle ITC Corporate Health Insurance GST FMCG ITC Relief Free Samples ITC Goods Written Off GST Group Insurance Tax Relief GST Council decisions GST Council meeting GST Council News GST Council Recommendations GST Law Committee GST news India GST Rules Update Health Insurance GST Indian business news Indian economy news Indian Tax Reform 2026 Input Tax Credit Insurance ITC Relief ITC Relief Proposals Ministry of Finance GST Motor Vehicle ITC October 7 GST Meeting Outdoor Catering ITC Pharma Sector GST Tax Credit Unblock Tax Exemption India Unblock ITC અર્થતંત્ર સમાચાર આઈટીસી રાહત આઉટડોર કેટરિંગ જીએસટી ઇનપુટ ટેક્સ ક્રેડિટ એફએમસીજી સેક્ટર જીએસટી કંપની કેન્ટીન આઈટીસી કલમ 17(5) સુધારો ગ્રુપ ઇન્સ્યોરન્સ આઈટીસી ગ્રુપ લાઈફ ઈન્સ્યોરન્સ જીએસટી કાઉન્સિલ નિર્ણય જીએસટી કાઉન્સિલ નિર્ણયો જીએસટી કાઉન્સિલ બેઠક જીએસટી ક્રેડિટ અનબ્લોક જીએસટી ટેક્સ ક્રેડિટ જીએસટી નવી ગાઈડલાઈન્સ જીએસટી ન્યૂઝ જીએસટી લો કમિટી ટેક્સ પોલિસી ભારત ટેક્સ સુધારા 2026 નવી દિલ્હી જીએસટી બેઠક નાણા મંત્રાલય જીએસટી ફાર્મા સેક્ટર આઈટીસી ફ્રી સેમ્પલ્સ આઈટીસી બિઝનેસ સમાચાર ગુજરાતી ભારત ટેક્સ સમાચાર ભારત સરકાર જીએસટી મોટર વ્હીકલ આઈટીસી રાઈટ ઓફ ગુડ્સ જીએસટી વેપાર સમાચાર વેપારીઓ માટે જીએસટી રાહત સીજીએસટી એક્ટ કલમ 17(5) હેલ્થ ઇન્સ્યોરન્સ જીએસટી
