સલામત રોકાણ માટે કયા મ્યુચ્યુઅલ ફંડની પસંદગી કરશો
ઇક્વિટી માર્કેટના ટેક્સ લાભ મેળવવા ઇચ્છતા પરંતુ સંપૂર્ણ વોલેટિલિટી સ્વીકારવા તૈયાર ન હોય એવા રોકાણકારો માટે ઇક્વિટી સેવિંગ્સ ફંડ્સ એક સંતુલિત વિકલ્પ છે.
તેમને માટે રોકાણ કરવાને લાયક ફંડ Mirae Asset Equity Savings Fund છે. આ ફંડે સાત વર્ષ પૂર્ણ કર્યા છે. ડિસેમ્બર 2018થી અત્યાર સુધીમાં ફંડે આશરે 11.3 ટકા CAGR આપ્યો છે. સાત ટકા વ્યાજ મળતુ હોય તેવા સંજોગોમાં 11.3 ટકાનું રિટર્ન ઉત્તમ ગણી શકાય છે. સામાન્ય રીતે ઇક્વિટી સેવિંગ્સ ફંડ નીચે મુજબ ત્રણ ભાગોમાં રોકાણ કરે છે. એક, કેશ (લૉંગ) ઇક્વિટી, બે આર્બિટ્રાજ પોઝિશન અને ત્રણ ડેટ ઇન્સ્ટ્રુમેન્ટ્સમાં રોકાણ કરે છે. મિરાઈ એસેટ્સ ઇક્વિટી સેવિંગ ફંડની ફાળવણીની વાત કરીએ તો 40 ટકા ફંડ કેશ ઇક્વિટીમાં, 25 ટકા ફંડ આર્બિટ્રાજમાં અને 35 ટકા ડેટમાં રોકવામાં આવેલું છે.
લૉંગ ઇક્વિટી અને આર્બિટ્રાજને મળીને 65 ટકા થી વધુ ગ્રોસ ઇક્વિટી એક્સપોઝર જાળવવામાં આવે છે. આ વ્યૂહ અપનાવવાથી ઇક્વિટી ટેક્સેશનનો લાભ મળે છે. આણ નેટ ઇક્વિટી આશરે 37થી 40 ટકા રહે છે. આ માળખું શુદ્ધ ઇક્વિટી ફંડમાં કરવામાં આવેલા રોકાણ કરતાં ઓછું ફ્લક્ય્ચુએશન-વધઘટ બતાવે છે.
ફંડની પોર્ટફોલિયો સ્ટ્રેટેજી
ઇક્વિટીનો હિસ્સો ફાળવવામાં ગ્રોથ આધારિત અભિગમ અપનાવવામાં આવે છે. સ્ટોક્સની પસંદગી માટેના મુખ્ય માપદંડમાં 4–5 વર્ષ માટે ડબલ ડિજિટ આવક વૃદ્ધિની સંભાવના, 12–12.5 ટકાથી વધુ ROCE (કર બાદ)હોવો જોઈએ. મજબૂત મેનેજમેન્ટ હોય અને સશક્ત બેલેન્સ શીટ હોય તેવી કંપનીઓના શેર્સમાં જ ફંડ રોકાણ કરે છે. તેમ જ કંપનીના શેરનું મૂલ્ય Discounted Cash Flow (DCF) આધારિત હોવું જોઈએ.
ઇન્વેસ્ટમેન્ટમાં 80–85 ટકા ગ્રોથ-વૃદ્ધિ લક્ષી શેર્સમાં અને 15થી 20 ટકા સારી વેલ્યુ કે સારુ મૂલ્ય ધરાવતા શેર્સમાં રોકાણ કરવામાં આવે છે. આ રોકાણ કરતી વેળાએ માર્કેટ કેપ ફોકસ કરવામાં આવે છે. લાર્જ કેપમાં ઓછામાં ઓછું માર્કેટ કેપિટલાઈઝેશન 60 ટકા હોવું જરૂરી છે. ફંડના પોર્ટફોલિયોમાં હાલમાં 72થી 73 ટકા લાર્જ-કેપ સ્ટોક્સ છે. આ લાર્જ-કેપ તરફનો ઝુકાવ ઇક્વિટી વિભાગમાં સ્થિરતા વધારે છે. ઇન્વેસ્ટમેન્ટ માટેના સેક્ટર્સની પસંદગીમાં પણ કાળજી રાખે છે. પ્રાઈવેટ ફાઇનાન્સિયલ્સ, ફાર્મા, કન્ઝમ્પશન (સ્ટેપલ્સ સિવાય), પસંદગીના ઓટો સ્ટોક્સ, સિમેન્ટ, ટેલિકોમ સેક્ટરના શેર્સમાં રોકાણ કરવાનું પસંદ કરે છે. અન્ડરવેઈટ સેક્ટરમાં કેપિટલ ગુડ્સ, ઇન્ફ્રાસ્ટ્રક્ચર, IT સર્વિસીસના શેર્સમાં રોકાણ કરવાનું પસંદ કરે છે. ટેક્સ કટ અને EMI ઘટાડા જેવા પગલાંથી કન્ઝમ્પશન ડિમાન્ડમાં સુધારો થવાની અપેક્ષા છે.
આર્બિટ્રાજ ઘટકનો પણ ઉપયો કરવામાં આવે છે. 65 ટકા ગ્રોસ ઇક્વિટી જાળવવા માટે ઉપયોગ કરવામાં આવે છે. લૉંગ પોર્ટફોલિયોથી અલગ સ્ટોક્સમાં રોકાણ કરવામાં આવે છે. કેશ અને ફ્યુચર્સ માર્કેટ વચ્ચેના ભાવફેરનો લાભ ઊઠાવે છે. લો-રિસ્ક, માર્કેટ-ન્યુટ્રલ રિટર્ન પર ફોકસ કરીને ફંડનું મેનેજમેન્ટ આગળ વધે છે. આ ભાગ હાઈ રિટર્ન માટે નહીં, પરંતુ સ્થિરતા અને ટેક્સ કાર્યક્ષમતા માટે છે.
ડેટ પોર્ટફોલિયોમાં G-Secs-ગવર્મેન્ટ સિક્યોરિટીઝ અને ઉચ્ચ ગુણવત્તાવાળા કોર્પોરેટ બોન્ડ્સમાં જ રોકાણ કરવાનું પસંદ કરે છે. આ રોકાણ 1.8 થી 3.5 વર્ષ માટે કરે છે. અત્યારે આ રોકાણની સમયમર્યાદા 2.7 વર્ષ કરી દેવામાં આવી છે. તેમાંય ખાસ કરીને 11 ટકા રોકાણ AAA રેટેડ, 7 ટકા AA+ અને AAના રેટિંગ ધરાવતા બોન્ડ કે સિક્યોરિટીઝમાં તથા 10 ટકા રોકાણ સરકારી જામીનગીરીઓમાં કરવામાં આવે છે. ડબલ એએ રેટિંગ ઇન્સ્ટ્રુમેન્ટ્સમાં કરેલા એક્સપોઝરની વાત કરીએ તો Piramal Finance-પિરામલ ફાઈનાન્સ, મૂથ્થૂટ ફાઈનાન્સ-Muthoot Finance અને Torrent Pharmaceuticals-ટોરેન્ટ ફાર્માસ્યૂટિકલ્સમાં કરેલા રોકાણનો સમાવેશ થાય છે. મૂડીને સલામત રાખવા માટે આ આયોજન કરવામાં આવી રહ્યું છે.
ફંડના છેલ્લા 7 વર્ષમાં 3-વર્ષના રોલિંગ રિટર્ન આધારે ત્રિરાશી માંડવામાં આવે તો સરેરાશ 3-વર્ષ CAGR 11.3 ટકા રહ્યો છે. આ કેટેગરીમાં સરેરાશ રિટર્ન 9.5 ટકા આપ્યું છે. ફંડના રિટર્નની રેન્જ 8.4 ટકાથી 17.4 ટકાની રહી છે. તેમ જ 84 સમયગાળામાં 10 ટકાથી વધુ રિટર્ન આપ્યું છે. ફંડનું પરફોર્મન્સ સાતત્ય પૂર્ણ છે.
ફંડના ખર્ચનું પ્રમાણ
- Regular Plan: 1.4 ટકાનો ખર્ચ થાય છે. તેમ જ Direct Plan: 0.4 ટકાનો ખર્ચ થાય છે. આમ આ કેટેગરી સરેરાશ કરતાં ઓછો ખર્ચ કંપની કરે છે. તેથી જ લાંબા ગાળે નેટ રિટર્ન વધુ મળી શકે છે.
રોકાણ કરવાનું કોણે વિચારવું જોઈએ?
આ ફંડમાં સંયમિત રોકાણકારે રોકાણ કરવાનું આયોજન કરવું જોઈએ. ઓછા ડ્રોડાઉન ઇચ્છનારાઓએ આ ફંડમાં રોકાણ કરવું જોઈએ. 2–4 વર્ષનો સમયગાળો રોકાણ જાળવી રાખનારાઓએ તેમાં રોકાણ કરવું જોઈએ. તેમ જ વધારાની રકમ પાર્ક કરવા ઇચ્છનારાઓએ તેમાં રોકાણ કરવું જોઈએ. Mirae Asset Mutual Fund દ્વારા સંચાલિત આ ફંડ ગ્રોથ, સ્થિરતા અને ટેક્સ કાર્યક્ષમતા વચ્ચે સંતુલન આપે છે. હાઈ-રિસ્ક ઇક્વિટી બેટ નહીં, પરંતુ નિયંત્રિત વૃદ્ધિ માટે યોગ્ય વિકલ્પ છે.
