આનંદ રાઠી બ્રોકરેજ હાઉસે મારુતિ સુઝુકી, ડૉ. રેડ્ડીઝ અને ટાટા સ્ટીલમાં રોકાણ કરવાની ભલામણ કરી
આનંદ રાઠી શેર એન્ડ સ્ટોક બ્રોકર્સના સિનિયર મેનેજર – ઇક્વિટી ટેક્નિકલ રિસર્ચર્સે આગામી 1થી 2 સપ્તાહ માટે રોકાણકારોને ત્રણ શેર ખરીદવાની ભલામણ કરી છે. તેમાં મારુતિ સુઝુકી ઇન્ડિયા, ડૉ. રેડ્ડીઝ લેબોરેટરીઝ અને ટાટા સ્ટીલનો સમાવેશ થાય છે. નિફ્ટીનો સતત ચોથો સાપ્તાહિક વધારો જોવાતા ભૂરાજકીય તણાવમાં ઘટાડો, ક્રૂડ ઓઇલના ભાવમાં નરમાઈ અને વિદેશી મૂડીના બહાર જવાના પ્રવાહમાં ઘટાડાને કારણે રોકાણકારોનો વિશ્વાસ મજબૂત બન્યો છે. રોકડના માર્કેટમાં શુક્રવારે વિદેશી પોર્ટફોલિયો રોકાણકારોએ ભારતીય શેરોમાં રૂ. 1,355.33 કરોડની ખરીદી કરી હતી. NSDLના આંકડા મુજબ જુલાઈ મહિનામાં અત્યાર સુધી FPIsએ ભારતીય શેરોમાં રૂ. 708 કરોડનું રોકાણ કર્યું છે.
ટેક્નિકલ ચાર્ટ મુજબ નિફ્ટી-50એ 24,250ના મહત્વના રેઝિસ્ટન્સની ઉપર બ્રેકઆઉટ આપીને 24,270.85 પર સપ્તાહ પૂર્ણ કર્યો હતો.આ બ્રેકઆઉટ બજારના તેજીવાળા માળખાને વધુ મજબૂત બનાવે છે અને હવે નિફ્ટી ધીમે-ધીમે 24,400થી 24,600ના ઝોન તરફ આગળ વધી શકે છે. જોકે આ સ્તરે થોડું પ્રોફિટ બુકિંગ અથવા સમયસરનું કોન્સોલિડેશન જોવા મળી શકે છે. જો ઉપરના સ્તરેથી થોડો ઘટાડો થાય તો તેને બજારમાં ટ્રેન્ડ બદલાવ નહીં પરંતુ સ્વસ્થ સુધારો આવે તેવી શક્યતા છે. આ સ્થિતિમાં સારી કંપનીઓના શેર નીચા ભાવે ખરીદવાની તક મળી શકે છે. નિફ્ટીમાં 23,800 નિફ્ટી માટે તાત્કાલિક સપોર્ટ છે. ત્યારબાદ 23,500 મહત્વપૂર્ણ સપોર્ટ છે. જ્યાં સુધી આ સપોર્ટ લેવલ અકબંધ રહેશે ત્યાં સુધી શેર્સમાં ઘટાડે ખરીદી કરવાનો વ્યૂહ યોગ્ય રહેશે.
બેન્ક નિફ્ટીઃ તેમ જ બેન્ક નિફ્ટી 59,000ની ઉપર નિર્ણાયક રીતે બંધ થાય તો બજારમાં તેજીનો આગામી તબક્કો શરૂ થઈ શકે છે. જ્યારે 57,000થી નીચે સતત ઘટાડો થશે તો ટૂંકા ગાળાનો સુધારો શરૂ થઈ શકે છે. આ બંને સ્તરોમાંથી કોઈ એક તૂટે નહીં ત્યાં સુધી બેન્ક નિફ્ટી મર્યાદિત રેન્જમાં જ રહેવાની શક્યતા છે. મધ્યમ ગાળે તેમનો અભિગમ હજુ પણ હકારાત્મક છે અને ઘટાડામાં પસંદગીના શેર ખરીદવાની સલાહ આપવામાં આવી છે.
આગામી 1-2 સપ્તાહ માટે ખરીદવા લાયક ત્રણ શેરમાં મારુતિ સુઝુકિ ઇન્ડિયાનો સમાવેશ
મારુતિ સુઝુકી ઇન્ડિયા
અગાઉનો બંધ ભાવ: ₹14,366
ખરીદીની રેન્જ: ₹14,100થી ₹14,400
લક્ષ્યાંક: ₹15,250
સ્ટોપ-લોસ: ₹13,800
મારુતિ સુઝુકીના શેરે ₹14,200થી ₹14,300ના મહત્વના રેઝિસ્ટન્સ ઝોનની ઉપર મજબૂત બ્રેકઆઉટ આપ્યો છે. વધેલા ટ્રેડિંગ વોલ્યુમ દર્શાવે છે કે નવા ખરીદદારો બજારમાં પ્રવેશી રહ્યા છે. શેર હાલમાં 100 સપ્તાહની મૂવિંગ એવરેજ (₹13,324) અને 200 સપ્તાહની મૂવિંગ એવરેજ (₹11,738) બંનેની ઉપર ટ્રેડ થઈ રહ્યો છે, જે લાંબા ગાળાની તેજી દર્શાવે છે. ટેક્નિકલ ઇન્ડિકેટર્સ પણ હકારાત્મક છે. RSI 55 પર પહોંચી 50થી ઉપર ગયો છે. MACDમાં બુલિશ ક્રોસઓવર બન્યો છે. OBV સતત નવા ઉચ્ચ સ્તર બનાવી રહ્યો છે. CVD પણ હકારાત્મક બન્યો છે. જોકે ADX 23 હોવાથી ટ્રેન્ડ હજુ વિકસિત થઈ રહ્યો છે, તેમ છતાં ટેક્નિકલ માળખું મજબૂત છે. શેર ₹15,200થી ₹15,500 સુધી જઈ શકે છે.
ડૉ. રેડ્ડીઝ લેબોરેટરીઝ
અગાઉનો બંધ ભાવ: ₹1,374.10
ખરીદીની રેન્જ: ₹1,340થી ₹1,380
લક્ષ્યાંક: ₹1,480
સ્ટોપ-લોસ: ₹1,300
ડૉ. રેડ્ડીઝના શેરે તેના ઘટતા ટ્રેન્ડલાઇન રેઝિસ્ટન્સની ઉપર મજબૂત બ્રેકઆઉટ આપ્યો છે. શેર 100 સપ્તાહની મૂવિંગ એવરેજ (રૂ.1,265)**ની ઉપર ટ્રેડ થઈ રહ્યો છે. ટેક્નિકલ સંકેતો પણ હકારાત્મક છે. RSI 63 પર છે, જે ખરીદીની મજબૂત ગતિ દર્શાવે છે. MACDમાં બુલિશ ક્રોસઓવર બન્યો છે. OBV સતત ઉપર જઈ રહ્યો છે. CVD પણ હકારાત્મક છે. ADX 13 દર્શાવે છે કે ટ્રેન્ડ હજુ શરૂઆતના તબક્કામાં છે, છતાં ટેક્નિકલ માળખું મજબૂત છે.
ટાટા સ્ટીલ
અગાઉનો બંધ ભાવ: ₹189.80
ખરીદીની રેન્જ: ₹186થી ₹190
લક્ષ્યાંક: ₹205
સ્ટોપ-લોસ: ₹180 (ક્લોઝિંગ આધારે)
ટાટા સ્ટીલના શેરે અગાઉના બ્રેકઆઉટ ઝોન નજીક હિડન બુલિશ ડાયવર્જન્સ બનાવ્યું છે, જે દર્શાવે છે કે તાજેતરના ઘટાડા છતાં લાંબા ગાળાની તેજી હજુ યથાવત છે. હાલનો સપોર્ટ ઝોન 200 દિવસની સિમ્પલ મૂવિંગ એવરેજ (SMA) સાથે મેળ ખાય છે, જે તેને મહત્વપૂર્ણ સપોર્ટ બનાવે છે. ટેક્નિકલ ઇન્ડિકેટર્સ મુજબ MACD ખૂબ જ ઓવરસોલ્ડ ઝોનમાં પહોંચી ગયો છે, જે જાન્યુઆરી 2025 જેવી સ્થિતિ દર્શાવે છે. તે સમયે પણ શેરમાં મજબૂત રિકવરી જોવા મળી હતી. આ તમામ ટેક્નિકલ સંકેતો સૂચવે છે કે હાલના સ્તરેથી શેરમાં ફરી તેજી આવી શકે છે.
આ તમામ ભલામણો ટેક્નિકલ વિશ્લેષણ પર આધારિત છે. શેરબજારમાં રોકાણ અને ટ્રેડિંગમાં મૂડી ગુમાવવાનું જોખમ રહેલું છે. કોઈપણ રોકાણ કરતા પહેલાં તમારા નાણાકીય સલાહકાર અથવા પ્રમાણિત રોકાણ નિષ્ણાતની સલાહ લેવી યોગ્ય રહેશે.
