બિઝનેસનું ટર્નઓવર ક્રોસ કર્યાની તારીખથી રજિસ્ટ્રેશન મંજૂરીની વચ્ચેના દિવસાના વેપારમાં ચૂકવેલા જીએસટીની આઈટીસી નથી મળતી
GST રજિસ્ટ્રેશન આપેલા સર્ટિફિકેટમાં વિસંગતતાથી ઇનપુટ ટેક્સ ક્રેડિટથી વંચિત રહેતા વેપારીઓ
બિઝનેસનું ટર્નઓવર ક્રોસ કર્યાની તારીખથી રજિસ્ટ્રેશન મંજૂરીની વચ્ચેના દિવસાના વેપારમાં ચૂકવેલા જીએસટીની આઈટીસી નથી મળતી
અમદાવાદ,મંગળવારઃ ગુડ્સ એન્ડ સવસ ટેક્સના કાયદા હેઠળ રૃા. ૪૦ લાખના ટર્નઓવરની મર્યાદાઓ વટાવી જાય એટલે વેપારીઓએ ફરજિયાત નોંધણીના નિયમ હેઠળ વેપારીઓએ સમયસર અરજી કરી હોય તો પણ નિયમ નંબર ૧૦(૨)માં કરવામાં આવેલી જોગવાઈ મુજબ વેપારીનું ટર્નઓવરની મર્યાદાને જે તારીખ વળોટી ગયું હોય તે તારીખને બદલે રજિસ્ટ્રેશન મંજૂર થયા તારીખથી નોંધણીની મંજૂરી આપવામાં આવતી હોવાથી વેપારીઓને વચગાળાની ઇનપુટ ટેક્સ ક્રેડિટ ન મળતી હોવાથી મોટું નુકસાન થઈ રહ્યું છે.
ડિપાર્ટમેન્ટના અધિકારીઓ ટર્નઓવર રૃા. ૪૦ લાખની લિમિટ વટાવી ગયું તે તારીખને બદલે રજિસ્ટ્રેશન માટે અરજી કર્યા પછી રજિસ્ટ્રેશનને જે તારીખે મંજૂર કરવામાં આવે તે તારીખથી પ્રમાણપત્ર આપવામાં આવે છે. આ વિસંગતતાને કારણે ટર્નઓવરની લિમિટ ક્રોસ કર્યાની તારીખથી માંડીને રજિસ્ટ્રેશન મંજૂર કર્યાની તારીખ વચ્ચેના દિવસોમાં કરેલા વેપારમાં ચૂકવેલા જીએસટીની ઇનપુટ ટેક્સ ક્રેડિટ વેપારીઓને મળતી જ નથી. માત્ર માલ સપ્લાય કરતા વેપારીઓ માટેની થ્રેસ હોલ્ડ લિમિટ રૃ. ૪૦ લાખના વાષક ટર્નઓવરની છે. તેમ જ સેવાઓ અને માલ બંને આપતા વેપારીઓ માટે થ્રેસ હોલ્ડ લિમિટે રૃ. ૨૦ લાખ વાષક ટર્નઓવરની છે. આ લિમિટ વટાવી ગયા પછી રજિસ્ટ્રેશન લેવું વેપારીઓ માટે ફરજિયાત છે.
વાસ્તવમાં વેપારીને અરજી કર્યાની તારીખથી ૩૦ જ દિવસમાં નોંધણી મેળવી લેવા માટે પાત્ર બની જાય છે. તેથી ટર્નઓવર મર્યાદા વટાવી તે તારીખથી નોંણી પ્રમાણપત્ર અમલી ગણાવવું જોઈએ. પરંતુ જીએસટી પોર્ટલ અને ડિપાર્ટમેન્ટ દ્વારા કાયદાની આ સ્પષ્ટ જોગવાઈ હોવા છતાં અરજી મંજૂર થાય તે તારીખનું પ્રમાણપત્ર આપવામાં આવે છે. તેથી વેપારીઓેને મોટું આર્થિક નુકસાન થઈ રહ્યું હોવાનું જણાવતા ગુજરાત ચેમ્બરના પ્રમુખ રાજેશ ગાંધીનું કહેવું છે કે વેપારી અરજી કરે તે તારીખથી તેને આપવામાં આવતું નોંધણીનું પ્રમાણપત્ર અમલમાં આવી જ જવું જોઈએ.
રજિસ્ટ્રેશનની નોંધણીની તારીખ અલગ ગણવાથી એટલે કે અરજી કર્યાની તારીખથી નહિ, પંરતું અરજી મંજૂરીની તારીખ ગણવામાં આવતી હોવાથી વચગાળાના સમયગાળા માટેના વેપાર વહેવારો માટે વેપારીને ઇનપુટ ટેક્સ ક્રેડિટ મેળવવામાં તકલીફ પડે છે.પરિણામે વેપારીઓને મોટું આથક નુકસાન થાય છે.બે તારીખ વચ્ચેના ગાળામાં વેપારીઓ ગ્રાહકો પાસેથી ટેક્સ વસૂલી શકતા નથી. કારણ કે નોંધણી ણી નંબર મંજૂર ન થાય ત્યાં સુધી વેપારી સત્તાવાર રીતે જીએસટી ઇનવોઇસ ફાડી શકતો નથી. પરિણામે, તે ગ્રાહક પાસેથી ટેક્સ એકત્રિત કરી શકતો નથી, પરંતુ પાછળથી ડિપાર્ટમેન્ટ તે સમયગાળાનો ટેક્સ તેની પાસેથી માંગે છે. ડિપાર્ટમેન્ટ દ્વારા નોટિસો આપીને અને દંડ કરીને વેપારીઓની પરેશાની વધારવામાં આવી રહી છે. અરજી કર્યાની તારીખ અને રજિસ્ટ્રેશન મંજૂર થયાની તારીખ વચ્ચેના ગાળામાં કરવામાં આવેલા વેપારના વ્યવહારોને બિન-નોંધાયેલા વેપાર તરીકે ડિપાર્ટમેન્ટ ગણતરીમાં લે છે. તેની સાથે જ વેપારીઓને વ્યાજ, પેનલ્ટી અને દંડ સાથેની નોટિસો પણ ફટકારે છે.
વેપાર શરૃ કરવામા આવતી અનિશ્ચિતતા
સ્વૈચ્છિક કે ફરજિયાત નોંધણી માટે અરજી કર્યા પછી જ્યાં સુધી ડિપાર્ટમેન્ટ પ્રમાણપત્ર મંજૂર ન કરે ત્યાં સુી વેપારી કાયદેસર રીતે ધંધો શરૃ કે ચાલુ રાખી શકતો નથી. આમ વેપારીઓનો વેપાર અટકી જાય છે. ગુજરાત ચેમ્બરનું કહેવું છે કે વેપારીઓએ નિયમ મુજબ ૩૦ દિવસમાં અરજી કરી દીધી હોય તો તેમને ટર્નઓવર મર્યાદા વટાવી તે તારીખથી જ નોંધણી આપવી જોઈએ, જેથી તેમને પાછલા સમયગાળા માટે ખોટી નોટિસો કે વ્યાજ-પેનલ્ટીનો સામનો કરવો પડશે નહિ. પરંતુ ડિપાર્ટમેન્ટના અધિકારીઓ આ વ્યવસ્થાને અનુસરતા નથી. ત્યારબાદ ગુડ્સ એન્ડ સવસ ટેક્સના નોધણી પ્રમાણપત્ર માટે વેપારીઓએ નિયમ અનુસાર સમયસર અરજી કરી હોવા છતાં ડિપાર્ટમેન્ટ તરફથી અલગ-અલગ પ્રકારની અસંગતતાઓ દર્શાવીને વેપારીઓને જીએસટી અધિકારીઓ નોટિસો ફટકારી રહ્યા છે. પરિણામે વેપારીઓમાં ભારે અસંતોષ લાગણી વધી રહી છે. તેમ જ અધિકારીઓ ગમે ત્યારે તેમના પર ત્રાટકશે તેવો ભયનો માહોલ સર્જાયો છે. સેન્ટ્રલ ગુડ્સ એન્ડ સવસીસ ટેક્સ એક્ટ ૨૦૧૭ની કલમ ૨૨(૧) મુજબ સપ્લાયરનું કુલ ટર્નઓવર નિર્ધાારિત થ્રેશોલ્ડ મર્યાદા વટાવી જાય, ત્યારે જે તે રાજ્ય કે કેન્દ્રશાસિત પ્રદેશમાંથી નોંધણી મેળવવી ફરજિયાત બને છે.
