આજે શેરબજારમાં શું કરશો?
આજે ખરીદવા-ટ્રેડ કરવા જેવો શેરઃ ધ ફિનિક્સ મિલ્સ
આજે શેરબજારમાં ટ્રેડિંગ કરવાને પાત્ર કે ઇન્વેસ્ટમેન્ટ કરવાને પાત્ર કોઈ શેર હોય તો તે ધ ફિનિક્સ મિલ્સનો હોવાનું શેરબજારના નિષ્ણાતોનું માનવું છે. તેનો વર્તમાન બજાર ભાવ રૂ. 1,745.20 છે. ટ્રેડર્સ અત્યારે ધ ફિનિક્સ મિલ્સનો શેર ₹1,745 પર ખરીદવાનું વિચારી શકે છે અને જો ભાવ ₹1,700 સુધી ઘટે તો વધુ શેર એકઠા કરી શકે છે.
ધ ફિનિક્સ મિલ્સનો શેર 8 મેના રોજ ₹1,889.85ની ચાર મહિનાની ઊંચી સપાટીએ પહોંચ્યો હતો. ત્યારબાદ ભાવમાં ઘટાડો થયો છે અને હાલ તે ₹1,745.20 પર છે. જોકે, તે ₹1,690ના મજબૂત આધારથી ઉપરની સપાટીએ જળવાઈ રહ્યો છે, જે છેલ્લા બે મહિનાથી ભાવ મજબૂત છે. જ્યાં સુધી આ સપોર્ટ લેવલ જળવાયેલું છે, ત્યાં સુધી આઉટલુક સકારાત્મક રહેશે. અમે અપેક્ષા રાખીએ છીએ કે શેર આવનારા દિવસોમાં ફરી ગતિ પકડશે અને અંતે ₹1,920 સુધી પહોંચશે.
તેથી, ટ્રેડર્સ ધ ફિનિક્સ મિલ્સનો શેર રૂ.1,745 પર ખરીદવાનું વિચારી શકે છે અને ભાવ રૂ.1,700 સુધી ઘટે તો એકઠા કરી શકે છે.
સ્ટોપ-લોસ રૂ. 1,660 પર રાખી શકે છે.
શેરનો ભાવ રૂ.1,820 પર પહોંચે, ત્યારે સ્ટોપ-લોસ બદલીને રૂ1,700 કરીને નુકસાન ઘટાડી શકે છે.
તેમ જ શેરન ભાવ રૂ.1,875 ને સ્પર્શે ત્યારે સ્ટોપ-લોસ રૂ. 1,820 પર લાવીને નફો નિશ્ચિત કરી શકે છે.
રૂ.1,920 પર નફો બુક કરીને ટ્રેડર કે ઇન્વેસ્ટર એક્ઝિટ લઈ શકે છે.
GIFT નિફ્ટીમાં 50 પોઈન્ટનો ઉછાળો, સેન્સેક્સ અને નિફ્ટીમાં પોઝિટિવ શરૂઆતના સંકેત
ઈરાન-ઈઝરાયેલ તણાવ વચ્ચે એશિયન બજારોમાં ઘટાડો જોવા મળ્યો છે. પરંતુ GIFT નિફ્ટી રિકવરીના સંકેત આપી રહ્યું છે. પશ્ચિમ એશિયામાં વધતા તણાવને કારણે એશિયન બજારો નરમાઈ સાથે ટ્રેડ કરી રહ્યા છે. ઈરાને ઈઝરાયેલ પર મિસાઈલો છોડતા શાંતિ કરાર જોખમમાં મુકાયા છે. પરિણામે રોકાણકારોમાં ચિંતાનું વાતાવરણ છે. જોકે, GIFT નિફ્ટી 50 પોઈન્ટ અથવા 0.23 ટકાના ઉછાળા સાથે પોઝિટિવ શરૂઆતના સંકેત આપી રહ્યું છે. શુક્રવારે, NSE નિફ્ટી 50 સત્રના અંતે 50 પોઈન્ટ ઘટીને 23,367 પર અને BSE સેન્સેક્સ 117 પોઈન્ટ ઘટીને 74,243 પર બંધ થયો હતો.
વૈશ્વિક બજારો
એશિયન માર્કેટ્સ: ઈરાન-ઈઝરાયેલ તણાવને પગલે દક્ષિણ કોરિયાના કોસ્પીમાં 8.4 ટકા અને જાપાનના નિક્કીમાં 3.4 ટકાનો મોટો ઘટાડો જોવા મળ્યો છે.
US માર્કેટ્સ: અમેરિકન ફ્યુચર્સ પણ ઘટાડા સાથે ટ્રેડ કરી રહ્યા છે. શુક્રવારે મે મહિનાના રોજગારના આંકડા ધારણા કરતા વધુ આવતા US માર્કેટ્સમાં મોટો કડાકો જોવા મળ્યો હતો, જેમાં નાસ્ડેક 4.18 ટકા અને S&P 500 2.64 ટકા ઘટ્યા હતા.
ક્રૂડ ઓઈલ અને કિંમતી ધાતુઓ
ક્રૂડ ઓઈલના ભાવમાં 2 ટકા થી વધુનો ઉછાળો આવ્યો છે. WTI ક્રૂડ $92.50 અને બ્રેન્ટ ક્રૂડ $95.28 પ્રતિ બેરલ પર ટ્રેડ કરી રહ્યું છે.
સોનાના ભાવમાં ઘટાડો થયો છે. 24-કેરેટ સોનાનો ભાવ રૂ. 1,55,480 પ્રતિ 10 ગ્રામ છે. ચાંદીના ભાવમાં 6.2% નો મોટો ઘટાડો થયો છે અને તે રૂ. 2.48 લાખ પ્રતિ કિલોગ્રામ પર છે.
વિદેશી સંસ્થાકીય રોકાણકારો અને ભારતીય સંસ્થાકીય રોકાણકારોની વાત કરીએ તો 5મી જૂનના પ્રોવિઝનલ ડેટા મુજબ, વિદેશી સંસ્થાકીય રોકાણકારોએ રૂ. 8,776.25 કરોડના શેર વેચ્યા હતા, જ્યારે ઘરેલુ સંસ્થાકીય રોકાણકારોએ રૂ. 9,133.57 કરોડના શેર ખરીદ્યા હતા.
