આજે શેરબજારમાં શું કરશો?

આજે ખરીદવા જેવો શેર ગેબ્રિયલ ઇન્ડિયાનો છે. તેનો વર્તમાન બજાર ભાવ રૂ. ૧,૨૪૨નો છે. બજારના નિષ્ણાતો તેમાં લેણ કરવાની ભલામણ કરી રહ્યા છે. ગેબ્રિયલ ઇન્ડિયાના શેરનો ભાવ ₹૧,૫૦૦ સુધી વધી શકે છે.

ગેબ્રિયલ ઇન્ડિયા માટે ટૂંકા ગાળાનો અંદાજ તેજીનો બન્યો છે.  તેમાં ચાર ટકાના ઉછાળાએ શેરના ભાવને રૂ. ૧,૨૧૦ ના મુખ્ય પ્રતિકાર સ્તર-resistance levelની ઘણી ઉપર પહોંચાડી દીધો છે. આ ચાર્ટ પર રચાઈ રહેલી ઇનવર્ટેડ હેડ એન્ડ શોલ્ડર પેટર્ન પણ તેજીની પુષ્ટિ કરે છે. દૈનિક ચાર્ટ પર મૂવિંગ એવરેજ સૂચકાંકો પણ તેજીનો સંકેત આપી રહ્યા છે. હવે રૂ. ૧,૨૧૦-₹૧,૨૦૦ ના ઝોનમાં સપોર્ટ (ટેકો) છે. નવા ખરીદદારો બજારમાં આવે તેવી શક્યતા છે જે ઘટાડાને મર્યાદિત કરશે. આગામી અઠવાડિયામાં ગેબ્રિયલ ઇન્ડિયાના શેરનો ભાવ ₹૧,૫૦૦ સુધી જઈ શકે છે.

શેરબજારમાં ટ્રેડિગં કરનારાઓ અત્યારે ₹૧૨૪૨ના ભાવે ગેબ્રિયલ ઇન્ડિયાના શેર ખરીદી શકે છે.

ઘટાડે રૂ. ૧,૨૧૫ ના ઘટાડા પર વધુ શેર એકઠા કરીને સરેરાશ ખરીદ કિંમત ઓછી કરી શકે છે.

પહેલો સ્ટોપ-લોસ રૂ. ૧,૧૪૦ પર રાખી શકાય છે.

સ્ટોકનો ભાવ રૂ.૧,૨૯૫ પર જાય કે તરત જ સ્ટોપ-લોસ વધારીને રૂ. ૧,૨૬૫ કરી દેવો હિતાવહ છે.

તેમ જ શેરનો ભાવ અનુક્રમે રૂ. ૧,૩૬૦ અને રૂ. ૧,૪૪૦ ને સ્પર્શે ત્યારે સ્ટોપ-લોસ સુધારીને ઊંચો એટલે કે રૂ. ૧,૩૨૦ અને રૂ.૧,૩૯૦ કરીને નફો નિશ્ચિત કરી શકાય છે.

શેરનો ભાવ રૂ. ૧,૪૮૦ પર પહોંચે ત્યારે શેર વેચી સાટીને બહાર નીકળી જવામાં જ લાભ છે.

સેન્સેક્સ, નિફ્ટીએ પ્રારંભિક નફો ગુમાવ્યો છતાં ઉછાળા સાથે બંધ; રોકાણકારો માટે આગળ શું? ૩૦ શેરો ધરાવતો BSE સેન્સેક્સ ૨૯૧.૧૭ પોઇન્ટ અથવા ૦.૩૮ ટકા વધીને ૭૭,૦૯૪.૦૭ પર બંધ રહ્યો હતો, જ્યારે NSE નિફ્ટી૫૦ ઇન્ડેક્સ ૮૯.૮૦ પોઇન્ટ અથવા ૦.૩૭ ટકા વધીને ૨૪,૧૦૨.૯૦ પર સ્થિર થયો હતો. સત્ર દરમિયાન સેન્સેક્સે ૭૭,૩૨૫.૫૬ ની ઇન્ટ્રાડે હાઇ સપાટી અને નિફ્ટીએ ૨૪,૧૬૮.૦૫ ની સપાટીને સ્પર્શ કર્યો હતો.

સોમવારે ભારતીય શેરબજારોએ તેમના ઇન્ટ્રાડે ગેઇન (દિવસ દરમિયાનનો નફો) નો કેટલોક હિસ્સો ગુમાવ્યો હતો પરંતુ યુએસ-ઈરાન વાટાઘાટોમાં પ્રગતિ અંગેની આશાવાદ અને ક્રૂડ ઓઈલના ઘટતા ભાવો વચ્ચે બજાર વધારા સાથે બંધ રહ્યું હતું. બ્રોડર ઇન્ડાયસિસ (વ્યાપક સૂચકાંકો) પણ મજબૂત રહ્યા હતા, જેમાં નિફ્ટી મિડકેપ૧૦૦ ૦.૩૪ ટકા અને નિફ્ટી સ્મોલકેપ૧૦૦ ૦.૬૦ ટકા વધ્યા હતા.

સેન્સેક્સના વધારામાં મુખ્ય યોગદાન આપનારાઓમાં રિલાયન્સ ઇન્ડસ્ટ્રીઝ લિમિટેડ (RIL), HDFC બેંક લિમિટેડ, ઇન્ફોસિસ લિમિટેડ, ICICI બેંક લિમિટેડ, સન ફાર્માસ્યુટિકલ ઇન્ડસ્ટ્રીઝ લિમિટેડ, ભારતી એરટેલ લિમિટેડ, સ્ટેટ બેંક ઓફ ઇન્ડિયા (SBI) અને કોટક મહિન્દ્રા બેંક લિમિટેડનો સમાવેશ થાય છે.

જિયોજિત ઇન્વેસ્ટમેન્ટ્સના રિસર્ચ હેડ વિનોદ નાયર કહે છે કે રોકાણકારો અમેરિકા-ઈરાન વાટાઘાટોની પ્રગતિનું મૂલ્યાંકન કરવાનું ચાલુ રાખતા હોવાથી બજારે મર્યાદિત શ્રેણીમાં પણ હકારાત્મક વલણ સાથે વેપાર કર્યો હતો. યુટિલિટીઝ, બેંકિંગ અને હેલ્થકેર સેક્ટરમાં આઉટપરફોર્મન્સને કારણે એકંદર સેન્ટિમેન્ટ મજબૂત રહ્યું હતું. જોકે, ચોમાસાની ધીમી પ્રગતિ અંગેની ચિંતાઓ ફુગાવાનું દબાણ લાવી શકે છે, જે કૃષિ-લિંક્ડ સેગમેન્ટમાં ગ્રાહક સેન્ટિમેન્ટ અને માંગને અસર કરી શકે છે.

ઇક્વિરસ વેલ્થના એમડી અને બિઝનેસ હેડ અંકુર પુંજે જણાવ્યું હતું કે, “મજબૂત શરૂઆત પછી ઉપલી સપાટી મર્યાદિત રહી હતી કારણ કે યુએસ અને ઈરાન વચ્ચેના શાંતિ કરાર અંગે સ્પષ્ટતાના અભાવે બજારોમાં સાવચેતીભર્યો આશાવાદ જોવા મળ્યો હતો. ઈરાન દ્વારા હોર્મુઝની સામુદ્રધુની બંધ કરવાના અહેવાલો ક્રૂડ ઓઈલના ભાવમાં સંભવિત વધારાના ડરને કારણે બજાર માટે નકારાત્મક જોખમ વધારી શકે છે.”

રેલિગેર બ્રોકિંગના એસવીપી (રિસર્ચ) અજિત મિશ્રાએ નોંધ્યું હતું કે નિફ્ટી મોટાભાગના સત્રમાં સાંકડી રેન્જમાં ટ્રેડ થતો હતો, જેમાં હેવીવેઇટ શેરોમાં પસંદગીની ખરીદીથી મદદ મળી હતી, જ્યારે ઊંચા સ્તરે પ્રોફિટ બુકિંગે દિવસના વધારાને મર્યાદિત કર્યો હતો. ફાર્મા અને ફાઇનાન્શિયલ્સે ગેઇનનું નેતૃત્વ કર્યું હતું, જ્યારે આઇટી પેકને તાજેતરના તીવ્ર ઘટાડા પછી થોડી રાહત મળી હતી. રિયલ્ટી અને ઓટો શેરોમાં પણ ખરીદી આકર્ષાઈ હતી.

નિફ્ટીમાં હવે શું થઈ શકે

એન્જલ વનના ટેકનિકલ એન્ડ ડેરિવેટિવ રિસર્ચના ચીફ મેનેજર ઓશો ક્રિષ્નને જણાવ્યું હતું કે, “નિફ્ટી૫૦ માટે, ૨૪,૦૫૦-૨૪,૦૦૦ નો ઝોન તાત્કાલિક સપોર્ટ પૂરો પાડે તેવી અપેક્ષા છે. આ રેન્જ તૂટશે તો ૨૩,૯૦૦-૨૩,૮૫૦ નો મજબૂત સપોર્ટ બેન્ડ ફોકસમાં આવી શકે છે. ઉપલી સપાટીએ, ૨૪,૧૫૦-૨૪,૧૮૦ એક મહત્વપૂર્ણ પ્રતિકારક ઝોન રહેલો છે. આનાથી આગળ, ૨૪,૨૫૦ અને ૨૪,૨૮૦ વચ્ચેનો બેરિશ ગેપ એરિયા મજબૂત સપ્લાય ઝોન તરીકે કામ કરે તેવી અપેક્ષા છે.” ક્રિષ્નને રોકાણકારોને ‘બાય-ઓન-ડિપ્સ’ (દરેક ઘટાડે ખરીદી) ની વ્યૂહરચનાને અનુસરવાનું ટ્રેડર્સને ચાલુ રાખવાની સલાહ પણઆપી છે.