આજે શેરબજારમાં શું કરશો?

પીવીઆર આઈનોક્સના શેરે રૂ.900 થી રૂ. 920 વચ્ચે મજબૂત આધાર બનાવ્યો છે. આ સપોર્ટ લેવલ ડબલ-બોટમ ચાર્ટ પેટર્ન બનવાની સંભાવના દર્શાવે રહ્યો છે
આજે શેરબજારમાં ખરીદવા લાયક શેરમાં પીવીઆર આઈનોક્સનો શેર હોવાનું જણાય છે. તેનો વર્તમાન બજાર ભાવ રૂ. 995.25નો છે. ગત સપ્તાહ દરમિયાન પીવીઆર આઈનોક્સના શેરમાં લગભગ 7 ટકાનો વધારો નોંધાયો હતો. પરિણામે શેરનો ભાવ હવે 21 દિવસ અને 50 દિવસના મૂવિંગ એવરેજથી ઉપર ગયો છે. આ બાબત દર્શાવે છે કે બજારમાં હવે તેજીનો અને લેવાલીનો પ્રભાવ વધતો જઈ રહ્યો છે. ટેક્નિકલ ચાર્ટને આધારે વાત કરવામાં આવે તો પીવીઆર આઈનોક્સના શેરે રૂ.900 થી રૂ. 920 વચ્ચે મજબૂત આધાર બનાવ્યો છે. આ સપોર્ટ લેવલ ડબલ-બોટમ ચાર્ટ પેટર્ન બનવાની સંભાવના દર્શાવે રહ્યો છે.
આ તમામ પરિબળોને ધ્યાનમાં લેતા, પીવીઆર આઈનોક્સના શેરમાં હાલના સ્તરથી શેરમાં વધુ તેજી આવવાની શક્યતા ઊંચી છે. પરિણામે ટ્રેડર્સ કે ઇન્વેસ્ટર્સ રૂ. 995 પર ખરીદી કરી શકે છે. શેરના ભાવ ઘટે તો રૂ. 965ની સપાટીએ વધુ લેણ કરીને હોલ્ડિંગ વધારી શકે છે. હા, ટ્રેડર્સ કે ઇન્વેસ્ટર્સ લોન્ગ પોઝિશન લઈને રૂ. 900નો સ્ટોપ લૉસ રાખીને કામકાજ કરી શકે છે. શેરનો ભાવ વધીને રૂ. 1,100 સુધી પહોંચે ત્યારે સ્ટોપ-લોસ રૂ.1,025 પર લાવી શકાય છે. તેમ જ શેરનો ભઆવ રૂ. 1,200 થાય ત્યારે સ્ટોપ-લોસ રૂ. 1,150 સુધી ટાઈટ કરીને નફો નિશ્ચિત કરી શકાય છે. શેરનો ભાવ રૂ. 1250ની સપાટીને વળોટી જાય ત્યારે ટ્રેડર્સ કે ઇન્વેસ્ટર્સ નફો બુક કરી શકે છે.
નિફ્ટીમાં શું કરી શકાય?
સોમવાર 27 એપ્રિલે: દેશના શેરબજારમાં સતત બે અઠવાડિયાની તેજી બાદ હવે નબળાઈ જોવા મળી રહી છે. ગયા અઠવાડિયામાં બીએસઈ સેન્સેક્સ અને એનએસઈ નિફ્ટી બંનેમાં લગભગ 2 ટકા જેટલો ઘટાડો નોંધાયો હતો. શુક્રવારે 30 શેરવાળો સેન્સેક્સ 76,664.21 પર બંધ રહ્યો હતો. બીજીતરફ નિફ્ટી 50 ઇન્ડેક્સ 23,897.95 પર બંધ રહ્યો હતો. બંને ઇન્ડેક્સ અંતિમ સેશનમાં 1 ટકાથી વધુ ઘટી ગયા હતા. પરંતુ એનએસઈ ઈન્ટરનેશનલ એક્સચેન્જ પર નિફ્ટી ફ્યુચર્સ 180 પોઈન્ટ એટલે કે 0.75 ટકા વધીને 24,134 પર ટ્રેડ થતો હતો. આ બાબત દર્શાવે છે કે સોમવાર 27મી એપ્રિલે બજાર ગેપ-અપ સાથે ખૂલી શકે છે.
બજારને અસર કરતા વૈશ્વિક-સ્થાનિક પરિબળો
બજારમાં દબાણનું મુખ્ય કારણ અમેરિકા અને ઈરાન વચ્ચે વધતા યુદ્ધના તણાવ અને હોર્મુઝ જળસંધિમાં વિક્ષેપ હોવાનું જણાવાયું છે. ક્રૂડ તેલના ભાવ $100 પ્રતિ બેરલથી ઉપર જતા રોકાણકારોની ચિંતા વધી છે. બ્રેન્ટ ક્રૂડમાં ગયા અઠવાડિયામાં 8–10 નો ઉછાળો આવ્યો હતો, જે મોંઘવારી અને આયાત ખર્ચ વધારવાની ચિંતા ઊભી કરે છે.
રિઝર્વ બેન્ક ઓફ ઇન્ડિયાએ આર્થિક મંદીના પ્રારંભિક સંકેતો આપ્યા છે. તેમ જ બિઝનેસ વિશ્વાસમાં ઘટાડો થવાનો નિર્દેશ પણ આપ્યો છે. તેની સાથે જ વિદેશી બ્રોકરેજ દ્વારા ભારતીય બજારોમાં ઘટાડો થવાના આપેલા સંકેતો પણ બજારને અસર કરે છે.
માર્ચ 2026 દરમિયાન આઠ મુખ્ય ઉદ્યોગોના સૂચકાંકમાં 0.4 ટકાનો ઘટાડો નોંધાયો હતો. તે વખતે ખાતર, ક્રૂડ ઓઇલ, કોલસા અને વીજળી જેવા ક્ષેત્રોમાં નબળાઈ જોવા મળી હતી. આ સાથે જ મૂડીઝે પણ 2026-27ના વર્ષ માટે ભારતની કુલ રાષ્ટ્રીય ઉપજ-જીડીપીનો વૃદ્ધિ દર 6 ટકા સુધી જ રહેવાનો નિર્દેશ આપી તેમાં ઘટાડો કર્યો છે. બીજું આ વરસે ચોમાસું નબળું જવાના સંકેતો મળી રહ્યા છે. તેની પણ જીડીપી પર અસર પડશે. આગામી સપ્તાહમાં અમેરિકાના ફેડરલ રિઝર્વની પોલિસી જાહેરાત બજાર માટે સૌથી મહત્વપૂર્ણ ગ્લોબલ ટ્રિગર રહેશે.

બજારના મહત્વના લેવલ
નિફ્ટી 50
• સપોર્ટ: 23,500
• મજબૂત આધાર: 23,600 – 23,400
• રેઝિસ્ટન્સ: 24,200 – 24,500

બેંક નિફ્ટી
• સપોર્ટ: 55,600 અને 54,300
• મજબૂત ઝોન: 55,800 – 55,500
• રેઝિસ્ટન્સ: 57,000 – 57,500 (મુખ્ય અવરોધ 57,700)

 સેન્સેક્સ
• સપોર્ટ: 76,000 – 75,600
• રેઝિસ્ટન્સ: 77,500 – 78,000

ટ્રેડર્સ-ઇન્વેસ્ટર્સ શું કરી શકે

હાલની અનિશ્ચિત પરિસ્થિતિ અને ઊંચા ક્રૂડ ઓઇલના ભાવોને ધ્યાનમાં રાખીને ટ્રેડર્સ માટે નીચેની સલાહ આપવામાં આવી છે. વધુ લેવરેજ લેવાનું ટાળવું જોઈએ. તેમણએ પોતાની મૂડી સુરક્ષિત રહે તેના પર ફોકસ કરવું જોઈએ. અત્યારના બજારમાં એનર્જી કંપનીઓ અને મેટલ કંપનીઓના શેર્સની પસંદગી કરવાથી લાભ થઈ શકે છે. આ જ રીતે ભાવ વધવાની શક્યતાએ ફાસ્ટ મુવિંગ કન્ઝ્યુરમર ગુડ્સ અને ફાર્મા સેક્ટરની પસંદગીની કંપનીઓના શેર્સમાં રોકાણ કરી શકે છે.
ટ્રેડર્સ અને ઇન્વેસ્ટર્સ ટૂંકા ગાળા માટે ઇન્ફોર્મેશન ટેક્નોલોજીના સેક્ટરની કંપનીઓના શેર્સમાં ખરીદી કરવાનું ટાળે તો તે તેમના હિતમાં રહેશે. શેરબજારમાં સ્પષ્ટ દિશા મળ્યા સુધી રિસ્ક મેનેજમેન્ટ સાથે શિસ્તબદ્ધ અભિગમ અપનાવવો જરૂરી છે.