આજે શેરબજારમાં શું કરશો?
આજે ખરીદવા જેવો શેર છે HBL એન્જિનિયરિંગ
એચબીએલ એન્જિનિયરિંગ માટે ટૂંકા ગાળાનો અંદાજ તેજીનો વક્કર જોવા મળી રહ્યો છે. બુધવારે આ સ્ટોકમાં 7 ટકાનો ઉછાળો આવ્યો હતો અને તે મજબૂત રીતે બંધ રહ્યો હતો. આ ઉછાળા પહેલા શેર્સે રૂ. 800 ની આસપાસ સારો આધાર-બેજ બનાવ્યો છે. આ વધારો ચાર્ટ પર ‘ઇનવર્ટેડ હેડ એન્ડ શોલ્ડર’ પેટર્નની પુષ્ટિ કરે છે. આ પેટર્નનો નેકલાઇન સપોર્ટ રૂ. 833 પર છે. દૈનિક ચાર્ટ પર મૂવિંગ એવરેજ ક્રોસઓવર પણ તેજીના પક્ષને મજબૂત બનાવે છે. એચબીએલ એન્જિનિયરિંગના શેરની કિંમત આગામી થોડા અઠવાડિયામાં રૂ. 930-940 સુધી વધી શકે છે.
નિફ્ટી 50 સ્ટોક્સ માટે ઇન્ટ્રાડે સપોર્ટ અને રેઝિસ્ટન્સ
ડે ટ્રેડિંગ ગાઈડ તમને નિફ્ટી ફ્યુચર્સ અને અન્ય વ્યાપકપણે ટ્રેડ થતા શેરો જેમ કે રિલાયન્સ ઇન્ડસ્ટ્રીઝ, ઇન્ફોસિસ, HDFC બેંક, TCS અને SBI માટે ધ્યાનમાં રાખવા જેવી મુખ્ય ઇન્ટ્રાડે સપોર્ટ અને રેઝિસ્ટન્સ સપાટીઓ આપે છે.
MCX કોપરમાં અપટ્રેન્ડ સાથે કોન્સોલિડેશન
એમસીએક્સ કોપર ફ્યુચર્સમાં ઉપર તરફની ગતિની સંભાવના છે, જે રૂ.1,320 ના લક્ષ્યાંક સાથે ટ્રેડર્સ માટે નજીકના ગાળામાં પોઝિટિવ દ્રષ્ટિકોણ દર્શાવે છે.
બુધવારે ભારતીય શેરબજારોમાં મજબૂત ઉછાળો જોવા મળ્યો હતો, જે મુખ્યત્વે બેન્કિંગ, ફાઇનાન્શિયલ અને રિયલ્ટી શેરોમાં થયેલા વધારાને કારણે હતો. જોકે, એનર્જી અને FMCG ક્ષેત્રના શેર પ્રમાણમાં નરમ રહ્યા હતા. બ્રોડર માર્કેટે બેન્ચમાર્ક સૂચકાંકો કરતાં ચડિયાતું પ્રદર્શન કરવાનું ચાલુ રાખ્યું હતું, જેમાં મિડકેપ અને સ્મોલકેપ સૂચકાંકો દરેકમાં લગભગ 2 ટકાનો વધારો થયો હતો, જે રોકાણકારોમાં જોખમ લેવાની વધતી જતી ક્ષમતા સૂચવે છે.
30 શેરો ધરાવતો બીએસઈ સેન્સેક્સ 940.73 પોઈન્ટ્સ અથવા 1.22 ટકા વધીને 77,958.52 પર બંધ થયો હતો, જ્યારે એનએસઈ નિફ્ટી ઇન્ડેક્સ 298.15 પોઈન્ટ્સ અથવા 1.24 ટકા વધીને 24,330.95 પર સ્થિર થયો હતો. જોકે બજારના એક્સપર્ટ્સ ટ્રેડર્સ અને ઇન્વેસ્ટર્સને આગામી થોડા દિવસો માટે સાવચેતી રાખવાની સલાહ આપી રહ્યા છે. તેમણે રોકાણકારોને એવી કંપનીઓ પર ધ્યાન કેન્દ્રિત કરવા કહ્યું છે કે જેણે ડિસેમ્બર અને માર્ચ બંને ક્વાર્ટરમાં સારા પરિણામો આપ્યા હોય. તેમણે નોંધ્યું હતું કે માર્ચ મહિનો પડકારજનક હતો, જ્યારે ડિસેમ્બરના પરિણામો પણ ખાસ મજબૂત નહોતા.
પ્રતિકાર સપાટી : નિફ્ટી માટે આગામી મુખ્ય સ્તર 24,600 છે. વધુ તેજી માટે આ સ્તરની ઉપર ટકી રહેવું નિર્ણાયક રહેશે.
ટેકાની સપાટી: નીચેની સપાટીએ 23,800 એક મજબૂત સપોર્ટ લેવલ છે.
ક્રૂડ ઓઈલના બેરલદીઠ ભાવ ઘટીને 96 અમેરિકી ડૉલર પર આવી ગયા છે. ક્રૂડના ઘટતા ભાવ અને ભૌગોલિક રાજકીય તણાવમાં ઘટાડો (ખાસ કરીને અમેરિકા-ઈરાન સમજૂતીના અહેવાલો વચ્ચે) બજાર માટે પોઝિટિવ રહ્યા છે. ભૌગોલિક રાજકીય મોરચે આવી સકારાત્મક ગતિવિધિઓ સામાન્ય રીતે ક્રૂડના ભાવ ઘટાડે છે, જે ભારતીય બજારો માટે તેજીનું કારણ બને છે.
સ્થાનિક બજારોમાં ‘રિસ્ક-ઓન’ સેન્ટિમેન્ટ-જોખમ લેવાની તૈયારી જોવા મળી રહી છે. વૈશ્વિક સ્તરે આર્ટિફિશિયલ ઇન્ટેલિજન્સ આધારિત ટેક કંપનીઓની મજબૂત કમાણી અને યેન સામે ડોલરની નબળાઈને કારણે ઉભરતા બજારોમાં રોકાણ પ્રવાહ વધ્યો છે.
ઘરેલું પરિબળો: રાજકીય સંકેતો, ઇન્ફ્રાસ્ટ્રક્ચર કામગીરીમાં સુધારો અને ઈસીએલજીએસ 5.0 ની મંજૂરી એટલે કે ખાસ કરીને નાના અને મધ્યમ ઉદ્યોગો માટે મંજૂરી લેવાની બાબત બજારને ટેકો આપી રહ્યા છે.
સાવચેતી: ફાઇનાન્શિયલ, ફાર્મા અને ઓટો સેક્ટરમાં વધારો આંશિક રીતે ‘શોર્ટ કવરિંગ’ને કારણે પણ હોઈ શકે છે. ઇનપુટ ખર્ચનું દબાણ અને વિદેશી મુદ્રા સામેના જોખમો હજુ પણ યથાવત હોવાથી, પસંદગીના શેરોમાં જ રોકાણ કરવાની સલાહ છે.
