આજે શેરબજારમાં શું કરશો?

આજે એલ.જી. ઇક્વિપમેન્ટના શેર્સમાં લેણ કરી શકાય

શેરબજારના નિષ્ણાતો આજે એલ.જી. ઇક્વિપમેન્ટ્સના શેર્સમાં લેણ કરવાની ભલામણ કરી રહ્યા છે. ગત ફેબ્રુઆરીમાં શેરના ભાવમાં કરેક્શન જોવા મળ્યું હતું. ત્યારબાદ ગયા અઠવાડિયે તેમાં ભાવ વધારાની ચાલ જોવા મળી હતી. આ ઊછાળો નવા સુધારાના આરંભનો અણસાર આપી રહ્યો છે.

ખરીદો-લેણઃ રૂ. 609ની ભાવ સપાટીએ લેણ કરી શકાય. રૂ. 550નો સ્ટોપ લૉસ રાખીને. શેરના ભાવમાં ઘટાડો આવે તો રૂ. 585ની સપાટીએ વધુ લેણ કરી શકાય. શેરનો ટાર્ગેટ ભાવ રૂ. 740નો આપવામાં આવ્યો છે.

શેરનો ભાવ વધીને રૂ. 675 થાય ત્યારે સ્ટોપ લૉસ વધારીને રૂ. 645 કરો. ભાવ વધીને રૂ. 710 થાય ત્યારે સ્ટોપ લૉસ વધારીને રૂ. 680 કરી દઈને નફો નિશ્ચિત કરી દેવાનો રહેશે. શેરનો ભાવ રૂ. 740ની આસપાસ પહોંચે ત્યારે વેચીને નીકળી જવામાં ટ્રેડર્સ અને ઇન્વેસ્ટર્સનું હિત છે.

બેન્કિંગ સેક્ટરના રોકાણ કરવા પાત્ર શેર્સ પર નજર રાખી શકાય

બેંકિંગ ક્ષેત્રના અગ્રણી સ્ટોક્સ અંગે વાતચીત કરતા એસબીઆઈ સિક્યોરિટીઝના ફંડામેન્ટલ રિસર્ચ હેડ સની અગ્રવાલે આઈસીઆઈસીઆઈ બેંક (ICICI Bank) ની શ્રેષ્ઠ કામગીરી ચાલુ રહેવાની અપેક્ષા વ્યક્ત કરી છે. મોટી ખાનગી બેંકોમાં તેમણે આઈસીઆઈસીઆઈ બેંક અને એક્સિસ બેંક (Axis Bank) પર પસંદગી ઉતારી છે, જ્યારે મધ્યમ અને નાની બેંકોમાં કરુર વૈશ્ય બેંક (Karur Vysya Bank) અને ઉજ્જીવન સ્મોલ ફાઇનાન્સ બેંક (Ujjivan Small Finance Bank) ને પોર્ટફોલિયો માટે મજબૂત વિકલ્પ ગણાવ્યા છે.

આઈસીઆઈસીઆઈ બેન્ક-એક્સિસ બેન્ક: સની અગ્રવાલના જણાવ્યા અનુસાર, આઈસીઆઈસીઆઈ બેંક આ ક્ષેત્રમાં સ્પષ્ટ આઉટપરફોર્મર રહી છે અને પોતાની લીડરશીપ જાળવી રાખશે. નવો પોર્ટફોલિયો બનાવવા માગતા રોકાણકારો માટે તે એક સ્થિર વિકલ્પ છે. તેવી જ રીતે, ફ્રન્ટલાઈન પ્રાઇવેટ બેંકિંગમાં એક્સિસ બેંક પણ આગામી સમયમાં શાનદાર પ્રદર્શન કરી શકે છે. 3 થી 6 મહિનાના રોકાણ ગાળા માટે આ બંને સ્ટોક્સ ઉત્તમ ગણાવ્યા છે.

એચડીએફસી બેન્ક: એચડીએફસી બેંકનું વેલ્યુએશન હાલ વ્યાજબી સ્તરે છે, પરંતુ તેમાં સુધારો થતાં હજુ 2 થી 3 ત્રિમાસિક (ક્વાર્ટર) નો સમય લાગી શકે છે. લાંબા ગાળાનું વિઝન ધરાવતા રોકાણકારો આ સ્ટોક વિચારણામાં લઈ શકે છે.

કરૂરવૈશ્ય બેન્ક અને ઉજ્જિવન સ્મોલ ફાઈનાન્સ બેન્કઃ મધ્યમ કદની બેંકોમાં કરુર વૈશ્ય બેંકે પ્રથમ ત્રિમાસિકમાં મજબૂત નાણાકીય પરિણામો આપ્યા છે. જ્યારે ઉજ્જીવન સ્મોલ ફાઇનાન્સ બેંક  માટે તેમણે ₹85 ની ફેર વેલ્યુ (ટાર્ગેટ પ્રાઇસ) નક્કી કરી છે અને રોકાણકારોને પોર્ટફોલિયોનો નાનો હિસ્સો તેમાં ફાળવવાની સલાહ આપી છે.

પેજ ઇન્ડસ્ટ્રીઝ: FY27 માટે રૂ.200 ઇન્ટરિમ ડિવિડન્ડની જાહેરાત

જોકી અને સ્પીડોની ભારતીય લાઇસન્સધારક કંપની પેજ ઇન્ડસ્ટ્રીઝ લિમિટેડે નાણાકીય વર્ષ 2026-27 (FY27) ના પ્રથમ ત્રિમાસિક (Q1) પરિણામો સાથે શેરદીઠ રૂ.200 ના પ્રથમ વચગાળાના ડિવિડન્ડની જાહેરાત કરી છે.

રેકોર્ડ ડેટ: યોગ્ય શેરધારકો નક્કી કરવા માટે 19 ઓગસ્ટ, 2026 ની તારીખ નક્કી કરવામાં આવી છે.

ચુકવણી તારીખ: ડિવિડન્ડની ચુકવણી 11 સપ્ટેમ્બર, 2026 ના રોજ અથવા તે પહેલાં કરવામાં આવશે.

Q1 FY27 નાણાકીય પરિણામો અને બ્રોકરેજનો દ્રષ્ટિકોણ: કંપનીએ Q1 FY27 માં વાર્ષિક ધોરણે (YoY) 8 ટકાનો આવક વૃદ્ધિદર નોંધાવ્યો છે, જ્યારે તેના વોલ્યુમમાં 6 ટકાનો વધારો થયો છે. જૂનના અંતમાં લોજિસ્ટિક્સ અને માનવબળની અસ્થાયી સમસ્યાઓને કારણે ડિલિવરી પર સહેજ અસર પડી હતી, જેની ભરપાઈ Q2 માં થવાની મેનેજમેન્ટને આશા છે.

મોતીલાલ ઓસવાલ (MOFSL): બ્રોકરેજ હાઉસે કંપની પર ‘Buy’ રેટિંગ જાળવી રાખ્યું છે અને FY28E ના અંદાજિત EPS ના 50 ગણા મલ્ટિપલ પર રૂ.45,000નો ટાર્ગેટ પ્રાઇસ આપ્યો છે. જેકી ગ્રોવ અને ડિઝની-માર્વેલ કોલેબોરેશનથી આવકમાં સુધારો થવાની અપેક્ષા છે.

નુવામા ઇન્સ્ટિટ્યુશનલ ઇક્વિટીઝ: મેનેજમેન્ટે FY27 માટે બે આંકડામાં વોલ્યુમ ગ્રોથ અને 19-21 ટકાના EBITDA માર્જિનનો અંદાજ જાળવી રાખ્યો છે. નુવામાએ ‘Buy’ કોલ યથાવત રાખીને 12-મહિનાનો ટાર્ગેટ પ્રાઇસ વધારીને રૂ. 46,201 કર્યો છે. અગાઉ ટાર્ગેટ ભાવ રૂ. 45,433 હતો.સપ્તાહના અંતે કંપનીનો શેર ₹36,870 ની આસપાસ બંધ રહ્યો હતો,  જેણે છેલ્લા છ મહિનામાં લગભગ 10.41% નો વધારો નોંધાવ્યો છે.

નોંધઃ શેરબજારમાં રોકાણ કરવું જોખમોને આધીન છે, તમારા અંગત નાણાંકીય સલાહકારને પૂછીને જ આખરી નિર્ણય લેવો જોઈએ.