આજે શેરબજારમાં શું કરશો?
સારડા એનર્જી એન્ડ મિનરલ્સમાં લેણ કરાય
આજે શેરબજારમાં સારડા એનર્જી એન્ડ મિનરલ્સના શેરમાં લેણ કરી શકાય તેમ હોવાનું શેરબજારના નિષ્ણાતોનું કહેવું છે. શેરનો વર્તમાન બજાર ભાવ રૂ. 546.75નો છે. બુધવારે શેરના ભાવમાં અંદાજે 5 ટકાનો ઊછાળો જોવા મળ્યો છે. શેરમાં મજબૂત તેજી જોવા મળે તેવી સંભાવના છે.
શેરબજારના ટ્રેડર્સ અને ઇન્વેસ્ટર્સ રૂ. 547ના ભાવે સારડા એનર્જિ એન્ડ મિનરલ્સના શેરમાં લેણ કરી શકે છે. શેરના ભાવમાં ઘટાડો આવે તો રૂ. 539ની ભાવ સપાટીએ વધુ લેણ કરીને સરેરાશ ખરીદ કિંમત નીચે લાવી શકાય છે. પહેલો સ્ટોપલૉસ રૂ. 515નો રાખવાની ભલામણ બજારના નિષ્ણાતો કરી રહ્યા છે. ભાવ વધતો જાય તેમ તેમ સ્ટોપલૉસ ઊંચો લેતા જઈને નફો નિશ્ચિત કરવાનો અભિગમ યોગ્ય ગણાશે.
શેરનો ભાવ વધીને રૂ. 565 થાય ત્યારે સ્ટોપલૉસ રૂ. 555નો કરવાની નિષ્ણાતો ભલામણ કરી રહ્યા છે. શેરનો ભાવ વધીને રૂ. 580 થાય ત્યારે સ્ટોપલૉસ રૂ. 570 અને શેરનો ભાવ વધીને રૂ. 595 થાય ત્યારે સ્ટોપલૉસ રૂ. 585 કરી દેવાની ભલામણ કરવમાં આવી રહી છે. શેરનો ભાવ રૂ. 605ની આસપાસ પહોંચે ત્યારે વેચીને નીકળી જવામાં જ લાભ હોવાનું બજારના નિષ્ણઆતોનું કહેવું છે.
એસેલ્યા સોલ્યુશન્સ અને ઓલ ડિજિ ટેક લિમિટેડના શેર્સ પર નજર રાખો
એસેલ્યા સોલ્યુશન્સ અને ઓલ ડિજિ ટેક લિમિટેડના શેર્સના ભાવમાં આગામી દિવસોમાં ખાસ્સી વધઘટ જોવા મળી શકે છે. તેજી અને મંદીના સોદાઓ કરીને ટ્રેડર્સ અને ઇન્વેસ્ટર્સ તેનો લાભ લેવાનું આયોજન કરી શકે છે.
એસેલ્યા સોલ્યુશન્સ ઇન્ડિયા લિમિટેડ
Accelya Solutions એ એરલાઇન રેવેન્યુ એકાઉન્ટિંગમાં મજબૂત સ્થિતિ ધરાવે છે, પરંતુ તેમાં હાલમાં રોકાણ કરવાની ભલામણ કરવામાં આવતી નથી. કંપનીનું બેલેન્સ શીટ દેવામુક્ત જણાય છે. કંપનીને માથે માત્ર ₹16 કરોડનું દેવું છે. કંપની દ્વારા રોકાણ કરવામાં આવતી મૂડી પર-ROCE 49.4 ટકા જેટલું ઊંચું વળતર મળતું હોવા છતાંય કંપનીમાં લાંબા ગાળાના ગ્રોથનો અભાવ છે. FY19 થી FY26 દરમિયાન 7 વર્ષમાં વેચાણ માત્ર 23 ટકા જ વધ્યું છે જ્યારે ચોખ્ખો નફો 10 ટકા ઘટ્યો છે. FY26માં પણ નફો 26 ટકા ઘટીને રૂ. 95 કરોડ થયો છે. આ ઉપરાંત વર્કિંગ કેપિટલ દિવસો 35 થી વધીને 77 થયા છે અને ડિવિડન્ડ પેઆઉટ રેશિયો 104 ટકાથી ઘટીને 55 ટકા પર આવી ગયો છે. વિદેશી સંસ્થાકીય રોકાણકારો-FIIનું હોલ્ડિંગ પણ 2.34 ટકાથી ઘટીને 0.11 ટકા થઈ ગયું છે, જે ગ્રોથની નબળી શક્યતાઓ દર્શાવે છે.
ટૂંકો ગાળો (0-1 વર્ષ): મર્યાદિત ફાયદો. તાજેતરના નબળા પરિણામો અને ડિવિડન્ડમાં ઘટાડાને કારણે શેરમાં કરેક્શન આવી રહ્યું છે, જેથી ટૂંકા ગાળામાં મૂડી વૃદ્ધિની શક્યતા ઓછી છે.
મધ્યમ ગાળો (1-3 વર્ષ): સરેરાશ ફાયદો. કંપનીનું મોનોપોલી જેવું સોફ્ટવેર અને 4 ટકા+ ડિવિડન્ડ યીલ્ડ અમુક અંશે ડાઉનસાઇડ પ્રોટેક્શન આપે છે, પરંતુ એરલાઇન ઉદ્યોગમાં મંદીથી નફાકારકતા પર દબાણ રહેશે.
લાંબો ગાળો (3+ વર્ષ): ઓછો ફાયદો. છેલ્લા 10 વર્ષનો રેકોર્ડ દર્શાવે છે કે શેરના ભાવમાં વાર્ષિક -1 ટકા કમ્પાઉન્ડિંગ થયું છે. કંપની ગ્રોથ કરતાં ડિવિડન્ડ પેઆઉટ પર વધુ ધ્યાન આપે છે, જેથી આ શેર માત્ર ડિવિડન્ડ કેશ-કાઉ છે, પ્રોફિટ કમ્પાઉન્ડર નથી.
ઓલ ડિજિ ટેક લિમિટેડ
Alldigi Tech માં મધ્યમ જોખમ સાથે મૂડી રોકાણ કરવાની વિચારણા કરી શકાય છે. કંપનીનું બેલેન્સ શીટ સ્વસ્થ છે; ચોપડે દેખાતું રૂ. 171 કરોડનું દેવું વાસ્તવમાં બેંક લોન નથી પરંતુ નવી લીઝ જવાબદારીઓ છે. ગ્રોથના ધોરણે, છેલ્લા 10 વર્ષમાં વેચાણ અને નફો ~10 ટકાના દરે વધ્યા છે. FY26 માં ઓપરેટિંગ પ્રોફિટ 25 ટકા વધીને રૂ. 162 કરોડ થયો છે અને માર્જિન વધીને 27 ટકા થયું છે. આ શેર 7.4 ટકાની આકર્ષક ડિવિડન્ડ યીલ્ડ આપે છે અને 13x પ્રાઈસ અર્નિંગ રેશિયો પર ટ્રેડ થાય છે. આમ આ ઉદ્યોગના 23x પી.ઈ. રેશિયો કરતાં સસ્તો હોવાનું દર્શાવે છે. કંપનીનો આંતરરાષ્ટ્રીય બિઝનેસ વધી રહ્યો હોવાથી અને ફેરફેક્સના બેકિંગથી તે મજબૂત જણાય છે.
ટૂંકો ગાળો (0-1 વર્ષ): ડિવિડન્ડનો સીધો ફાયદો. 7.4 ટકા ડિવિડન્ડ યીલ્ડને લીધે રોકાણકારોને ઉત્કૃષ્ટ રોકડ વળતર મળે છે. કંપનીનું મેનેજમેન્ટ FY27 માં 15 ટકા રેવેન્યુ ગ્રોથનું માર્ગદર્શન આપી રહ્યું છે, જે ટૂંકા ગાળામાં સ્ટોકને સપોર્ટ કરશે.
મધ્યમ ગાળો (1-3 વર્ષ): સારો મૂડી વૃદ્ધિનો ફાયદો. કિંમત અને વેલ્યુએશન ગેપ, એટલે કે ઇન્ડસ્ટ્રના પીઈ 23x સામે શેર્સનો પીઈ 13x હોવાથી, ગેપ પુરાવાથી રી-રેટિંગનો લાભ મળી શકે છે. આર્ટિફિશિયલ ઇન્ટેલિજન્સ સંચાલિત બિઝનેસ પ્રોસેસ આઉટ સોર્સિંગ અને પૅરોલ સેગમેન્ટ વધવાથી માર્જિન સુધરશે.
લાંબો ગાળો (3+ વર્ષ): મધ્યમથી ઊંચો ફાયદો. છેલ્લા 10 વર્ષમાં શેર ભાવ 12 ટકા સીએજીઆર-સર્વગ્રાહી વિકાસદરથી વધ્યો છે. જો કે, 111 ટકા ડિવિડન્ડ પેઆઉટ કાયમી ધોરણે જાળવવું શક્ય નથી. ડિવિડન્ડની સાથે વ્યવસાયિક ગ્રોથ જળવાઈ રહે તો જ લાંબા ગાળે ચક્રવૃદ્ધિ વળતર પણ મળશે.
