આજે શેરબજારમાં શું કરી શકાય?
આજે એક્યુટાસ કેમિકલ્સમાં લેણ કરી શકાય છે. તેનો વર્તમાન બજાર ભાવ રૂ. 3315ની આસપાસ છે. એક્યુટાસ કેમિકલ્સ ઓલ-ટાઈમ હાઈ (રેકોર્ડ ઊંચાઈ) પર પહોંચ્યા પછી પોતાની ગતિ ગુમાવી દીધી હતી અને કન્સોલિડેટ (સ્થિર) થવા લાગ્યો હતો. જોકે, તેણે એક મજબૂત બેઝ બનાવ્યો છે. હજીય એકંદર અપટ્રેન્ડ-તેજીનો વક્કર હજુ પણ જળવાઈ રહ્યો છે. અમે અપેક્ષા રાખીએ છીએ કે આ સ્ટોક ફરીથી પોતાની ગતિ પકડશે. નજીકના રેઝિસ્ટન્સને તોડશે અને નવી ઊંચાઈઓ બનાવશે.
બજારના નિષ્ણાતોનું કહેવું છે કે એક્યુટાસ કેમિકલના શેરમાં રૂ. 3315ની ભાવ સપાટીએ લેણ કરી શકાય છે. તેમાં ઘટાડો જોવા મળે તો રૂ. 3150 સુધી વધુ લેણ કરીને સરેરાશ ખરીદ કિંમત નીચે લાવી શકાય છે. પહેલો સ્ટોપલૉસ રૂ. 2900નો રાખી શકાય છે. ટાર્ગેટ ભાવ રૂ. 4000નો છે. શેરનો ભાવ વધીને રૂ. 3680 થાય ત્યારે સ્ટોપલૉસ રૂ. 3400નો કરી દઈને નુકસાન થવાની શક્યતા બ્લોક કરી શકાય છે. શેરનો ભાવ વધીને રૂ. 3850 થાય ત્યારે સ્ટોપલૉસ વધારીને રૂ. 3700 પર લઈ જઈ શકાય છે. શેરનો ભાવ સુધરીને રૂ. 4000ની નજીક પહોંચે ત્યારે ટ્રેડર્સ અને ઇન્વેસ્ટર્સ તેમાંથી નીકળી જઈ શકે છે.
