મોરબીના તમામ ૭૦૦ એકમ મે માસમાં ધમધમશે
મોરબીના તમામ ૭૦૦ એકમ મે માસમાં ધમધમશે: મોરબીના સિરામિકના એકમોને મે માસમાં પ્રોપેન-પીએનજીનો સંપૂર્ણ સપ્લાય મળશે
૭૫ ટકા ઊંચી કિંમતે મળનારા ગેસપુરવઠા પછી બજારની સ્પર્ધામાં કેટલો સમય રહી શકે તે જાણવા મોરબીના સાહસિકો તૈયાર
અમેરિકા-ઇરાન વચ્ચે ચાલી રહેલા ય ુદ્ધ વચ્ચે અમેરિકા, દક્ષિણ આફ્રિકા તથા અન્ય દેશોમાંથી ગેસનો સપ્લાય આપવાની ગુજરાત ગેસે જાહેરાત કરી છે. તેમને કોઈપણ જાતની કાપકૂપ વિના સંપૂર્ણ સપ્લાય આપવાની સપ્લાયર કંપનીએ તેમને જાણ કરી છે. આ સાથે જ મોરબીનો સિરામિક ુદ્યોગ ફરીતી ધમધમતો થવાની આશા તેમણેઅભિવ્યક્ત કરી હતી. માર્ચ મહિનાની ૧૫મી તારીખની આસપાસથી મોરબીના સિરામિક ઉદ્યોગના એકમોએ સ્વૈચ્છિક રીતે સિરામિક્સના પ્રોડક્ટ્સનું ઉત્પાદન કરવાનું અટકાવી દીધું છે. અમેરિકા ઇરાન વચ્ચેના યુદ્ધનો આરંભ તો ૨૮ કે ૨૯મી માર્ચની આસપાસ થયો હતો. મોરબીના એકમો બંધ થઈ જતાં ૪ લાખથી વધુ કારીગરોએ નોકરી ગુમાવી હતી. તેથી તેઓ હિજરત કરીન સ્વદેશ નીકળી ગયા છે.
ૅગુજરાત ગેસના સૂત્રોનું કહેવું છે તેમને ૧૦૦ ટકા સપ્લાયની વ્યવસ્થા કરવામાં આવી છે. આ માટે તેમણે ઇરાન સિવાયના દેશોમાંથી એટલે કે અમેરિકા, સાઉથ આફ્રિકા અને અન્ય દેશોમાંથી ક્રૂડઓઈલ અને કુદરતી ગેસનો સપ્લાય મેળવવા માટેના કરાર થયા છે. જોકે આ વખતે મોરબીના તમામ એટલે કે ૬૭૦ જેટલા ઔદ્યોગિક એકમોને સપ્લાય આપવા માટે આફ્રકા, અમેરિકા અને નાઈજિરિયાથી ક્રૂડ ઓઈલ અને કુદરતીગેસની હોર્મુઝની ખાડી સિવાયના રૃટથી આયાત કરવાનું નક્કી કરવામાં આવ્યું છે.
એપ્રિલમાં પણ સિરામિક ઉદ્યોગના કેટલાક એકમોને સપ્લાય આપવામાં આવ્યો જ છે. મે મહિનામાં સો ટકા એકમોને સો ટકા ગેસનો સપ્લાય આપવામાં આવશે.હા, તે માટે તેમને જૂના ભાવની સરખામણીમાં ૭૫ ટકા વધુ કિંમત ચૂકવવી પડશે. આ ઊંચા ભાવ સાથેના ગેસના સપ્લાય સાથે મોરબીના એકમો ઉત્પાદન લઈને વૈશ્વિક સ્પર્ધાત્મક માં ઊણો ન ઉતરે છે કે કેમ તેનો ક્યાસ પણ કાઢી લેશે. ત્યારબાદ જૂન મહિનામાં ઉત્પાદન ચાલુ રાખવું કે નહિ તે અંગે મોરબીના સિરામિક ઉદ્યોગના એકમો નિર્ણય લેશે.
