આજે શેરબજારમાં શું કરશો?

અજંતા ફાર્માના શેરનો ટૂંકાગાળાનો ટ્રેન્ડ તેજી તરફનો (Bullish) દેખાઈ રહ્યો છે. ગયા વર્ષના નવેમ્બર મહિનાથી શેરનો ભાવ તેજીના ચેનલમાં આગળ વધી રહ્યો છે. તાજેતરમાં શેરમાં થયેલો ઉછાળો ચેનલના નીચલા સ્તરની નજીકથી શરૂ થયો છે. હાલની સ્થિતિને જોતા શેરનો ભાવ હવે ચેનલના ઉપરના સ્તર તરફ આગળ વધવાની સારી શક્યતા છે. રૂ.3,000થી રૂ.2,900નો વિસ્તાર મજબૂત સપોર્ટ ઝોન તરીકે કામ કરી શકે છે, જેના કારણે ભાવમાં મોટો ઘટાડો થવાની શક્યતા મર્યાદિત રહે છે. આવનારા કેટલાક અઠવાડિયામાં અજંતા ફાર્માનો શેર રૂ. 3,350 સુધી પહોંચી શકે છે.

ટ્રેડિંગ માટેની વ્યૂહરચના

• હાલમાં રૂ. 3,073ના ભાવે ખરીદી કરી શકાય.
• જો ભાવ રૂ.3,010 સુધી ઘટે તો વધુ શેર ખરીદીને પોઝિશન વધારી સરેરાશ ખરીદ કિંમત નીચે લાવી શકાય છે.
• પહેલો સ્ટોપ-લોસ ₹2,885 રાખી શકાય છે.
• શેરનો ભાવ વધીને રૂ. 3,180 થાય ત્યારે સ્ટોપ-લોસ વધારીને રૂ3,120 કરવો જોઈએ.
• ભાવ રૂ.3,270 પહોંચે ત્યારે સ્ટોપ-લોસ રૂ. 3,230 કરવો.
• ભાવ રૂ.3,320 થાય ત્યારે સ્ટોપ-લોસ વધારીને રૂ.3,290 કરવો. સ્ટોપ લૉસ વધારતા જઈને નફો નિશ્ચિત કરતાં જઈ શકાય છે. પરિણામે નુકસાન થવાની શક્યતા પર પૂર્ણવિરામ મૂકાઈ જાય છે.
• શેરનો ભાવ ₹3,350 પહોંચે ત્યારે ખરીદેલી પોઝિશનમાંથી બહાર નીકળી જવાનું રહેશે.

આ શેર્સ પર નજર રાખી શકાય

વાસ્કોન એન્જિનિયર્સ : કંપનીને ગુવાહાટીમાં આરબીઆઈ ક્વાર્ટર્સના પુનર્વિકાસ માટે ₹347.43 કરોડનો પ્રોજેક્ટ મળ્યો છે.

ટીસીપીએલ: કંપનીએ 20 ટકાથી વધુ EBITDA માર્જિન હાંસલ કરવાનો લક્ષ્યાંક રાખ્યો છે. વોલ્યુમ વૃદ્ધિ અને પસંદગીયુક્ત ભાવવધારા દ્વારા વિકાસ થવાની આશા છે.

બીસીપીએલ રેલવે ઇન્ફ્રાસ્ટ્રક્ચર: બિલાસપુર વિભાગમાં સાઉથ ઈસ્ટ સેન્ટ્રલ રેલવેના ₹13.10 કરોડના વિદ્યુતીકરણ પ્રોજેક્ટનો ઓર્ડર મળ્યો છે. 

ક્રિસ્ટલ ઇન્ટિગ્રેટેડ સર્વિસિસ: નવી દિલ્હીના મહારાષ્ટ્ર સદનના રેસિડન્ટ કમિશનર કચેરી તરફથી ₹24.38 કરોડનો ઓર્ડર મળ્યો છે. 

ધ્રુવ કન્સલ્ટન્સી: સાઉથ ઈસ્ટ સેન્ટ્રલ રેલવે તરફથી ₹19.34 કરોડનો ઓર્ડર મળ્યો છે. 

વેન્ટેજ નોલેજ એકેડમી: મુંબઈની કલા ઇન્સ્ટિટ્યૂટ ઓફ મેનેજમેન્ટ સ્ટડીઝ એન્ડ રિસર્ચ સાથે સમજૂતી કરાર કર્યો છે. 

યુનિવાસ્તુ ઇન્ડિયા: કંપનીએ 49 ટકા હિસ્સો ધરાવતી સંયુક્ત સાહસ દ્વારા મહત્વપૂર્ણ પ્રોજેક્ટ મેળવ્યો છે. 

ભારતી હેક્સાકોમ: બોમ્બે હાઈકોર્ટે રૂ.473.70 કરોડની સ્પેક્ટ્રમ ચાર્જની માંગ રદ કરતાં કંપનીને રાહત મળી છે.

આરએમસી સ્વીચગિયર્સ: FY27થી FY29 માટેની વિકાસ વ્યૂહરચના જાહેર કરી છે. કંપની EPC, ઇલેક્ટ્રિકલ પ્રોડક્ટ્સ અને Pulseboxના વિસ્તરણ પર ભાર મૂકી રહી છે. 

અલ્ફા ટ્રાન્સફોર્મર્સ: મધ્ય ગુજરાત વીજ કંપની લિમિટેડ (MGVCL) તરફથી વિવિધ ક્ષમતાના 11 KV ટ્રાન્સફોર્મર સપ્લાય માટે LOA મળ્યો છે. 

3i ઇન્ફોટેક: હિંદુસ્તાન પેટ્રોલિયમ કોર્પોરેશન લિમિટેડ તરફથી રૂ.37.05 કરોડનો ખરીદી ઓર્ડર મળ્યો છે.

ડેક્કન ગોલ્ડ માઇન્સ: સ્પેનના લોગ્રોસાન ટંગસ્ટન પ્રોજેક્ટ માટે અંતિમ કરાર કર્યો છે. 

પાવર ક્ષેત્રની કંપનીઓ: મે 2026 દરમિયાન દેશની વીજળીની માંગમાં વર્ષ દર વર્ષ 11 ટકાનો વધારો નોંધાયો છે. 

ટેક્સટાઇલ ક્ષેત્ર: સરકારે ટેક્સટાઇલ પ્રોડક્શન લિન્ક ઇન્સેન્ટિવ-PLI યોજનાના ત્રીજા તબક્કા હેઠળ 96 કંપનીઓને મંજૂરી આપી છે.