ચોંકાવનારો ખુલાસો! નીતિ આયોગ કોન્ટ્રાક્ટ કર્મચારીઓના ભરોસે  

નવી દિલ્હી: દેશના વિકાસ માટે નીતિઓ અને યોજનાઓ તૈયાર કરનાર મુખ્ય થિંક ટેન્ક ‘નીતિ આયોગ’ મોટા પાયે કોન્ટ્રાક્ટ (કરાર) પર રાખેલા કર્મચારીઓના ભરોસે ચાલી રહ્યું છે. માહિતી અધિકાર (RTI) હેઠળ માંગવામાં આવેલી માહિતીમાં આ ચોંકાવનારો ખુલાસો થયો છે.

નાગપુરના RTI કાર્યકર્તા શ્રી સંજય થુલ દ્વારા દાખલ કરવામાં આવેલી અરજીના જવાબમાં નીતિ આયોગના સેન્ટ્રલ પબ્લિક ઇન્ફોર્મેશન ઓફિસર (CPIO)એ આ લેખિત માહિતી આપી છે.

RTI ના જવાબમાં શું સામે આવ્યું?

નીતિ આયોગ તરફથી આપવામાં આવેલા આંકડાઓ મુજબ નીતિ આયોગમાં મોટી સંખ્યામાં સલાહકારો-Consultants) અને યુવા વ્યાવસાયિકો-Young Professionals કામ કરી રહ્યા છે, જેઓ સંપૂર્ણપણે કોન્ટ્રાક્ટના આધારે કામ કરે છે.

• કુલ કોન્ટ્રાક્ટ કર્મચારીઓ: ૩ જૂન ૨૦૨૬ સુધીના ઉપલબ્ધ આંકડા મુજબ નીતિ આયોગમાં ૧૪૨ સલાહકારો અને ૧૫૬ યુવા વ્યાવસાયિકો કાર્યરત છે.
• નિયમિત કર્મચારીઓ નથી: નીતિ આયોગે તેના જવાબમાં સ્પષ્ટ કર્યું છે કે આ સલાહકારો અને યુવા વ્યાવસાયિકોને ‘નિયમિત સ્ટાફ’ તરીકે ગણવામાં આવતા નથી. તેમની નિમણૂક માત્ર કોન્ટ્રાક્ટના આધારે કરવામાં આવી છે.
• મંજૂર થયેલી સંખ્યા: નીતિ આયોગની ૭ જુલાઈ ૨૦૨૩ની માર્ગદર્શિકા મુજબ, આયોગમાં આવા કોન્ટ્રાક્ટ સલાહકારો અને યુવા વ્યાવસાયિકોની કુલ મંજૂર થયેલી સંખ્યા (Sanctioned Strength) ૪૫૦ની છે.