આજે બજારમાં શું કરશો?

શેરબજારના નિષ્ણોતો માને છે કે આજે એટલે કે મંગળવાર 28મી એપ્રિલના દિવસે શેરબજારના ટ્રેડિંગ સેશનમાં મિશ્ર સંકેતો જોવા મળી રહ્યા છે. ભારતીય શેરબજારમાં તાજેતરમાં થોડી મજબૂતી જોવા મળી હતી, પરંતુ આજના દિવસ માટે શરૂઆત થોડી નબળી રહેવાની શક્યતા છે, કારણ કે ગિફ્ટ નિફ્ટીમાંથી નકારાત્મક સંકેત મળી રહ્યા છે.

 બજારની હાલની સ્થિતિ

• સોમવાર 27મી એપ્રિલના બજાર થોડું મજબૂત બંધ થયું હતું. પરંતુ આજે શરૂઆત નબળી રહેવાની સંભાવના છે. પરિણામે ટ્રેડર્સ અને ઇન્વેસ્ટર્સે સાવચેતી ભર્યો અભિગમ અપનાવવો જરૂરી છે.

એક વૈશ્વિક બજારના સંકેતો

• એક, વૈશ્વિક બજારમાંથી નકારાત્મક સંકેતો મળી રહ્યા છે. પશ્ચિમ એશિયામાં એટલે કે અમેરિકા અને ઇરાન ચાલી રહેલા યુદ્ધને કારણે બજાર પર નકારાત્કમ અસર પડી રહી છે. બીજીતરફ ક્રૂડ ઓઈલનો સપ્લાય દુનિયાભરના દેશોમાં ખોરવાઈ રહ્યો છે. તેમ જ ક્રૂડ ઓઈલના ભાવ યુદ્ધ પહેલા બેરલદીઠ 60 ડૉલરની આસપાસ હતા તે વધીને 120 ડૉલર અને અત્યારે અંદાજે 105 ડૉલરની આસપાસ આવી ગયા છે. આમ ક્રૂડ ઓઈલના ભાવમાં જોવા મળતી વધઘટ પણ સમસ્યા વકરાવી રહી છે. ત્રીજું, ભારતીય શેરબજારોમાંં વિદેશી સંસ્થાકીય રોકાણકારો-એફઆઈઆઈની વેચવાલી સતત જોવા મળી રહી છે. આ પરિબળો બજારના મૂડને અસર કરી રહ્યા છે અને નજીકના ગાળામાં શેરબજારમાં અફરાંતફરી ચાલુ રહેવાની શક્યતા છે.

કયા સેક્ટર પર ધ્યાન?

વિશેષજ્ઞોનું માનવુ છે કે આજે શેરબજારમાં ટ્રેડર્સ-ઇન્વેસ્ટર્સનું ફોકસ રિન્યુએબલ એનર્જી, મેટલ્સ અને માઇનિંગ, તેમ જ ઊનાળો હોવાથી AC, ફૅન્સ, કોલ્ડ ડ્રિંક્સ, પાવર ઈક્વિપમેન્ટ સાથે સંકળાયેલી કંપનીઓના શેર્સ પર ધ્યાન આપે તેવી સંભાવના છે. જોકે ટ્રેડર્સ અને ઇન્વેસ્ટર્સ સાવધાની ભર્યો અભિગમ અપનાવીને બજારમાં ટ્રેડિંગ કે ખરીદવેચ કરશે તો જ તે તેના હિતમાં રહેશે. શેરબજાર ઊંચા જાય અને સ્ક્રિપના ભાવ વધે તો તેવા સંજોગોમાં ઊંચા સ્તરે વેચાણનો દબાણ જોવા મળી શકે છે. આ સિવાય ટૂંકા ગાળામાં બજાર વર્તમાન રેન્જમાં અથડાતું રહે તેવી સંભાવના છે.

આજના ટ્રેડિંગ સેશન માટે બજાર નબળી શરૂઆત થઈ શકે છે, પરંતુ સેક્ટર આધારિત તકો મળી શકે છે. રોકાણકારોએ સાવચેતી સાથે અને પસંદગીપૂર્વક રોકાણ કરવું જોઈએ.

આજે ચર્ચામાં રહેનારા મુખ્ય શેર

આજે બજાર ખુલતા પહેલા કેટલાક મહત્વના શેર્સ એટલે કે કોલ ઇન્ડિયા, મહિન્દ્રા એન્ડ મહિન્દ્રા, ટ્રેન્ટ, અદાણી ટોટલ ગેસ, એયુ. સ્મોલ ફાઈનાન્સ બેન્ક, રેલટેલ કોર્પરેશન ઓફ ઇન્ડિયા, બજાજ હાઉસિંગ ફાઈનાન્સ અને પંજાબ એન્ડ સિંધ બેન્કના શેર્સમાં ખાસ્સી વધઘટ જોવા મળી શકે છે. ટ્રેડર્સ અને ઇન્વેસ્ટર્સ તેના પર ધ્યાન રાખે તે જરૂરી છે.

સેન્કસેક્સની ચાલ

• બીએસઈ : 77,303 (+639)
• નિફ્ટી 50 : 24,092 (+194)

આ વધારાને અમેરિકાના અને ઈરાન વચ્ચેની પોઝિટિવ ચર્ચાઓ અને ચોથા ત્રિમાસિક ગાળાના સારા પરિણામો અસર હેઠળ આવ્યો છે.

કોલ ઇન્ડિયા

• નેટ પ્રોફિટમાં 11.2 ટકાનો વધારો થયો છે.
• કંપનીની આવકમાં 5.8 ટકાનો વધારો થયો છે.
• કંપનીએ શેરદીઠ રૂ. 5.25ના ડિવિડન્ડની જાહેરાત કરી છે.

મહિન્દ્રા એન્ડ મહિન્દ્રા

• મહિન્દ્રા એન્ડ મહિન્દ્રાએ કાર્નોટ ટેક્નોલોજી કંપનીનો વધુ  28.03 ટકા હિસ્સો ખરીદ્યો છે.
• કાર્નેટ ટેક્નોલોજીમાં મહિન્દ્રા એન્ડ મહિન્દ્રાન શેરહિસ્સો વધીને હવે 80 ટકાથી વધુ થઈ ગયો છે.

ટ્રેન્ડ

ટ્રેન્ડે તેના વર્તમાન શેરધાકરોને એક જેમ બેના પ્રમાણમાં (1:2) બોનસ શેર આપવાની જાહેરાત કરી છે. તેની રેકોર્ડ ડેટ 29મી મે રાખી છે.

અદાણી ટોટલ ગેસ

• અદાણી ટોટલ ગેસના નફામાં 8.9 ટકાનો વધારો થયો છે.
• કંપનીની આવકમાં 16.6 ટકાનો વધારો થયો છે.

એયુ સ્મોલ ફાઈનાન્સ બેન્ક

• એયુ સ્મોલ ફાઈનાન્સ બેન્કના ચોખ્ખા નફા-નેટ  પ્રોફિટમાં 65 ટકાનો વધારો થયો છે.
• બેન્કની ફસાયેલી મૂડી એટલે કે નોન પરફોર્મિંગ એસેટ્સમાં ઘટાડો થયો
• બેન્કે તેના શેરહોલ્ડને શેરદીઠ રૂ. 1નું ડિવિડન્ડ આપવાની જાહેરાત કરી છે.

રેલટેલ કોર્પોરેશન ઓફ ઇન્ડિયા

• રેલટેલ ક્રોપોરેશન ઓફ ઇન્ડિયાને નવો રૂ. 145.5 કરોડનો ઓર્ડર મળ્યો છે. પરિણામે કંપનીની આવક અને નફામાં વધારો થશે.

બજાજ હાઉસિંગ ફાઈનાન્સ

• બજાજ હાઉસિંગ ફાઈનાન્પ્રોસના નફામાં 14 ટકાનો વધારો થયો છે.
• તેમ  જ એસેટ અન્ડર મેનેજમેન્ટમાં 23 ટકાનો વધારો થયો છે.
• આમ તેના કામકાજ વધતાં આવક અને નફો વધવાની શક્યતા વધી ગઈ છે.

પંજાબ એન્ડ સિંધ બેન્ક

• પંજાબ એન્ડ સિંધ બેન્કના નફામાં 35 ટકાનો મજબૂત વધારો થયો છે.
• જોકે બેન્કની ફસાયેલી મૂડી એટલે કે નોન પરફોર્મિંગ એસેટ્સમાં વધઘટ એટલે કે મિશ્ર ટ્રેન્ડ જોવા મળી રહ્યો છે.

કંપનીઓના પરિણામો

• મારુતિ સુઝુકી 
• બંધન બેન્ક 
• આરઈસી લિમિટેડ 
• કેસ્ટ્રોલ ઇન્ડિયા 
• સિયાટ ટાયર્સ
• દાલમિયા ભારત